Matayo 6:1 - Indagano Inyaaya mu-Chijita

¹ “Mwiyangarire! Mwasiga okukora ebhikorwa bhya ekisi korereki abhaanu bhabharore. Araabha mukakora kutyo, mutariramira echiyaanwa choonechoone okusooka kw‑Isomwana unu ari mu‑rwire.

INDAGANO INYA:YA

¹ Mukabukega mutakoreraga ebyo oburengeresi bwemwe mu me:so ga ba:nu, korereki babarore, kwo kuba murakoraga kutiyo mutayabwega muyero Kwisomwana unu ari mu rwire.

Matayo 6:1 ပူးပေါင်းရင်းမြစ်များ

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 16:6

Yeesu ˆnaabhabhwira ati, “Mwikenge echifwimbya cha Abhafarisaayo na Abhasadukaayo.”

Matayo 23:13

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

Matayo 23:5

Joone jinu abhakora, abhakora korereki bharorwe na bhaanu. Abheebhoyaga ku‑bhisuusu na ku‑mabhoko jikobha jinene okukira bhya abhandi bhinu bhakaamire‑ko ebhiraagiro. Ka wone abhoongesya‑ko ebhisangʼarye bhya ku‑bhufunyiro bhwa emyenda jeebhwe bhibhe bhireera okukira bhya abhandi.

Matayo 25:40

Niwo anye Omukama, niribhasubhya ati, ‘Ni chimari enibhabhwira ati, choonechoone chinu ꞉mwakoreeye woonewoone mu‑bharuubhirisya bhaani unu kaabhonekana wuti atari wa obhusibhusi, mbe ꞉mwakoreeye anye.’

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Matayo 5:46

Araabha mukeenda bhanu abhabheenda era, omwitogera ati, ni chiyaanwa ki chinu muribhona okusooka ku‑Nyamuwanga? Noorwo abhatobhesya bha rigooti wone abheenda bhanu abhabheenda era.

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

Matayo 6:16

“Omwanya gunu omwiyima ebhiryo, obhusu bhwemwe bhwasiga okweresya obhusurumbaaye rwa kutyo abheerimaanya abhakora. Abheene abhasurumbara korereki abhaanu abhandi bhabharore ati, bheeyimire ebhiryo. Ni chimari enibhabhwira ati, bhaamarire okuramira omuyeero gwebhwe gwone.

Matayo 6:9

Kurwa ejo, emwe musabhwega Nyamuwanga nimwayika ati, ‘Raata weeswe unu uri mu‑rwire, risiina ryawo rikusibhwe. Obhukama bhwawo bhuuje.

Mariko 8:15

Yeesu ˆnaabhakengya ati, “Mwiyangarire muno na okwikenga echifwimbya cha Abhafarisaayo na echa Yeroode.”

Ruuka 11:35

Kurwa ejo, wangarire obhweru bhunu bhuri mu‑mubhiri gwawo, bhwasiga okubha echisuute.

Ruuka 12:1

Omwanya ogwo, abhaanu ebhiwumbi na ebhiwumbi, bhaariga bheekofyanyiisye eyo, nibhakingira okutajana. Yeesu ˆnaamba okubhwira abheeyigisibhwa bhaaye ati, “Mwikenge obhwirimaanya bhwa Abhafarisaayo kwa okubha obhwirimaanya obhwo obhuswirana rwa echifwimbya.

Ruuka 12:15

Niwo, Yeesu ˆnaabhwira abhaanu abho ati, “Murore! Mwikenge na omuruuru gwa ebhiinu! Okubha, obhuwanga bhwa omuunu, bhutakusookana na obhwafu bhwa ebhiinu bhyaye.”

Ruuka 16:15

Kurwa ejo, Yeesu ˆnaabhabhwira ati, “Emwe, omwikora okubha abharengeresi imbere ya abhaanu. Nawe, Nyamuwanga amenyere emisango jinu jiri mu‑myoyo jeemwe. Okubha, emisango jinu abhaanu abharora ati ni ja kisi muno, ejo nijo ejifuruurusya Nyamuwanga muno!

Yowana 12:43

Abhatangasya abho ꞉bheendere muno okuyaanwa echibharo na abhaanu, okukira okuyaanwa echibharo na Nyamuwanga.

Yowana 5:44

Emwe mwendere okukuuyibhwa na abheejaanyu, nawe mutakwikomeesya okuyenja echibharo chinu echisooka ku‑Nyamuwanga omwene. Woori, omutura kutiki okunyikirisya?

Ebikorwa 3:12

Peetero ejire aarora abhaanu abho bheekofyanyiisye, ˆnaabhabhwira ati, “Emwe Abhayisirayeeri bheejaasu, mutegeresye, ni kurwa ki emisango ejo ejibharuguusya? Mbawo omuchiringira muno wuti omuunu unu aawosibhwa kwa obhuturo bhweswe, amwi kwa okubha eswe chiikaaye obhurame bhunu Nyamuwanga keenda?

Bagalatia 6:12

Abhaanu bhanu abhabhasinyiirisya mutendwe, abheenda mukore kutyo, korereki Abhayawudi bhabhayaane echibharo. Abheenda bhasige okunyaasibhwa inguru ya okuraasya emisango ja omusarabha gwa Kirisito.

Baeburania 11:26

꞉Aarorere ati okufumwa inguru ya Kirisito ni bhuniibhi bhwafu muno okukira okubhona obhuniibhi bhwone bhwa ku‑chaaro cha Miisiri. ꞉Aarorere kutyo kwa okubha aariga ˆneeyikanya echiyaanwa chinu Nyamuwanga arimuyaana omwanya gunu oguuja.

Baeburania 2:1

Kurwa ejo, cheenderwe chiyangarire ku‑misango jinu choonguuwe, korereki chaasiga okujisiga.

Baeburania 6:10

Nyamuwanga ni murengeresi, atakutura okurabhirwa ebhikorwa bhya ekisi bhinu mukorere. Ka wone atakutura okurabhirwa eryenda rinu ꞉mweresiisye inguru yaaye ku‑njira ya okusakira abheekirisya abheejaanyu okusookerera ku‑bhwambiro okukingira woori.

2 Yoana 1:8

Woori, emwe abheene, mwiyangarire, korereki mwasiga okufwirwa‑mo ku‑mirimu jinu mukorere imbere ya Nyamuwanga, tari muramire echiyaanwa chikobhere.