Matayo 5:8 - Indagano Inyaaya mu-Chijita

⁸ Bhari na ribhando abha emyoyo emyeru, kwa okubha bharirora Nyamuwanga.

INDAGANO INYA:YA

⁸ Barina ribando abo be:rere emitima, kwo kuba abo barirora Nyamuanga.

Matayo 5:8 ပူးပေါင်းရင်းမြစ်များ

Ebikorwa 15:9

꞉Ataakorere isoroore yooneyoone agati yeeswe na abheene, kwa okubha abheene wone ꞉bheekirisiisye Yeesu na ku‑njira eyoeyo, ꞉eesiisye myoyo jeebhwe.

1 Bakorinto 13:12

Ebhiinu bhinu echirora woori, echibhirora mw‑irore wuti bhiri mu‑rukoowa, nawe omwanya gunu oguuja chiribhirora bhyone abhwerubhweru. Woori enimenya kutooto era, nawe omwanya gunu oguuja nirimenya kisi rwa kutyo anye nimenyerwe na Nyamuwanga.

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

Tiito 1:15

Ku‑bhaanu bhanu emitima jeebhwe ni myeru imbere ya Nyamuwanga, ebhiinu bhyone bhyesiibhwe. Nawe, ku‑bhaanu abhajabhi na bhanyateekirisya, ebhiinu bhyone ni bhijabhi, kwa okubha obhwiganirisya bhwebhwe na emitima jeebhwe, bhijabhiyaaye.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

Yakobo 4:8

Mufogererega Nyamuwanga, niwo omwene wone aribhafogerera. Emwe abha ebhibhiibhi, musige ebhibhiibhi bhyemwe na mukore ja ekisi. Emwe abha emitima ebhiri, muruubhe Nyamuwanga kwa emyoyo jeemwe joone.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

Obhusweruro 22:4

Bharirora obhusu bhwaye na bhuri muunu risiina rya Nyamuwanga ririkaamwa ku‑chisuusu chaaye.