Matayo 5:37 - Indagano Inyaaya mu-Chijita

³⁷ Mwayikega ati, ni chimari ikabha iri chimari, mwayikega ati, ni wuri jikabha jiri wuri. Emisango joone jinu ejikira ejo, ejisooka ku‑Mubhiibhi urya.

INDAGANO INYA:YA

³⁷ Nawe emisango jemwe jibega ati, Yee Yee, uri uri. Nawe binu ebikira ebyo ebiso:ka ku mubi:bi.

Matayo 5:37 ပူးပေါင်းရင်းမြစ်များ

Matayo 13:19

Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye.

Matayo 13:38

Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani.

Matayo 15:19

Mu‑mwoyo gwa omuunu, nimwo obhusooka obhwiganirisya obhubhiibhi, obhwiti, obhuromesi, obhusengani, obhwifi, obhubhambaasi bhwa orubheeyi na amafumo.

Matayo 5:36

Mwasiga okurayira ku‑mitwe jeemwe, kwa okubha mutakutura okuyindura noorwo orufwiri rumwi rubhe rweru amwi rwirafuru.

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Yowana 17:15

“Raata, nitakukusabhwa ati ubhafurusye okusooka ku‑chaaro kunu, tari ati ubhachungure kusooka ku‑Mubhiibhi urya.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Baefeso 4:25

Mbe, musige chimwi okubhwirana orubheeyi, mubhwiranega echimari bhuri muunu na oweejaabho, okubha bhuri owumwi weeswe ni chiwuga ku‑weejaabho.

Baefeso 6:16

Aamwi na ejo joone, mugege ingubha ya eriikirisya, inu irikora muture okusimya ebhisasi bhyone bhya omuriro gwa emisimu ja Omubhiibhi urya.

Bakolosai 3:9

Mwasiga okubhwirana orubheeyi, kwa okubha mufuurire chimwi bhumuunu bhwemwe bhwa kara aamwi na ebhikorwa bhyabhwo

Bakolosai 4:6

Emisango jinu omwayika jibhe ja ekisi. Ka wone, jibhe ja okukongya, korereki mumenye okusubhya bhuri muunu kisi.

2 Batesalonika 3:3

Nawe Raatabhugenyi Yeesu ni mwiyikanyibhwa, omwene kaja okubhakomeesya na okubhaangarira okusooka ku‑Mubhiibhi urya.

Yakobo 5:12

Abhayiri bhaani mu‑riikirisya, okukira joone, mwasiga okurayira ku‑rwire, ku‑chaaro, noorwo ku‑chiinu choonechoone chirya. Mwayikega ati ni chimari jikabha jiri chimari na mwayikega ati ni wuri jikabha jiri wuri. Araabha mukakora kutyo, mutariramurwa.

1 Yoana 2:13

Enibhakaamira emwe abhakaruka mu‑riikirisya, kwa okubha omusombookerwa Yeesu Kirisito, unu aariga ari‑wo chichaari kubha‑wo echiinu choonechoone. Enibhakaamira emwe abhasigaji mu‑riikirisya, kwa okubha muyigire Omubhiibhi urya. Enibhakaamira emwe abharera mu‑riikirisya, kwa okubha omusombookerwa Raata Nyamuwanga.

1 Yoana 3:12

Chisige okubha rwa omuunu urya kaatogwa ati Kayini unu aariga ari muunu wa Omubhiibhi urya, ka wone ꞉eetire Abheeri, omumura waabho. Ni kurwa ki ꞉aamwitire? Isonga ya okumwita niyo inu, ebhikorwa bhya Kayini bhyariga bhiri bhibhiibhi, nawe ebhya omumura waabho bhyariga bhiri bhya rirenga.

1 Yoana 5:18

Echimenya ati omwana woonewoone wa Nyamuwanga, atakugenderera okukora ebhibhiibhi, kwa okubha Omwana wa Nyamuwanga kaamurinda, Omubhiibhi urya atakutura okumukuunʼya‑ko.