Matayo 5:3 - Indagano Inyaaya mu-Chijita

³ “Bhari na ribhando abha obhukene na Nyamuwanga, kwa okubha obhukama bhwa mu‑rwire ni bhwebhwe.

INDAGANO INYA:YA

³ Barina ribando abataka mu mwoyo, kwo kuba obukama bwa mu rwire ni bwebwe.

Matayo 5:3 ပူးပေါင်းရင်းမြစ်များ

Matayo 11:25

Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

Matayo 11:6

Ari na ribhando omuunu woonewoone unu atari na echiitimaato mu‑mwoyo gwaye inguru yaani.”

Matayo 13:16

Niwo Yeesu ˆnaabhwira abheeyigisibhwa bhaaye ati, “Muri na ribhando emwe, kwa okubha ameeso geemwe agarora, na amatwi geemwe agoongwa.

Matayo 19:14

Yeesu ˆnaabhwira abheeyigisibhwa bhaaye ati, “Musige abhaana abharera bhaaje kw‑anye! Musige okubhagaanya, kwa okubha obhukama bhwa mu‑rwire ni bhwa abhaanu bhoone bhanu bhari rwa abhaana bhanu.”

Matayo 24:46

Rusuku rumwi, omwami waaye arisubha okusooka mu‑rugendo. Ari na ribhando omugaya unu omwami waaye arimusongʼana ˆnaakoraga rwa kutyo ꞉aamuragiriiye.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Matayo 3:2

“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Matayo 8:11

Enibhabhwira ati, abhaanu bhaafu bhariija okusooka ebhuwuruka esuubha na ebhugwa esuubha, okwingira mu‑bhukama bhwa mu‑rwire. Bhariija okurya aamwi mu‑chikukuru irya na bhasaaja weeswe Bhurayimu, Isaaka na Yakobho.

Mariko 10:14

Yeesu ejire aarora abheeyigisibhwa bhaaye nibhakora kutyo, ˆnaabhiyirwa. ˆNaabhabhwira ati, “Musige abhaana abharera bhaaje kw‑anye, musige okubhagaanya, kwa okubha obhukama bhwa Nyamuwanga ni bhwa abhaanu bhanu bhari rwa abhaana bhanu.

Ruuka 11:28

Nawe Yeesu ˆnaayika ati, “Ni chimari! Tari, bhari na ribhando muno abhaanu bhanu abhoongwa omusango gwa Nyamuwanga na okugugayuka!”

Ruuka 18:14

Ka wone, Yeesu ˆnaagenderera okwayika ati, “Enibhabhwira ati, omutobhesya wa rigooti oyo, omwanya gunu ꞉eekire okusubha iika ewaaye, aariga aabharirwe okubha omurengeresi imbere ya Nyamuwanga. Nawe, oweejaabho urya ꞉ataafwiriiywe echigongo. ꞉Ataafwiriiye echigongo, isonga iri ati, omuunu woonewoone unu keeriinyagisya inguru, Nyamuwanga arimworomosya emwaro. Nawe omuunu woonewoone unu keekeeya, Nyamuwanga arimuriinyagisya inguru.”

Ruuka 22:29

Rwa kutyo Raata waani ꞉aanaaye anye obhukama, anye wone enibhayaana emwe obhukama.

Ruuka 22:30

Muriryaga na okunywa mu‑chikukuru ya obhukama bhwani na okwinyanja ku‑bhitebhe bhya obhutungi nimuramuraga jingʼanda ekumi na ebhiri ja Abhayisirayeeri.”

Ruuka 4:18

“Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

Yowana 20:29

Yeesu ˆnaamusubhya ati, “Weekirisya kwa okubha wandora. Bhari na amabhando bhanu bhanyikirisiisye noorwo bhachaari okundora.”

Yakobo 1:10

Nawe omwikirisya omuniibhi akonderwe, kwa okubha Nyamuwanga arimworomosya, ariwaa‑wo rwa obhwaso.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

Obhusweruro 19:9

Maraayika urya ˆnaambwira ati, “Kaama ati, bhari na ribhando bhanu bhakokerwe mu‑bhuregesi bhwa Omwana wa Inaama.” ˆNaambwira wone ati, “Ejo nijo emisango ja echimari ja Nyamuwanga.”

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.

Obhusweruro 3:17

Omwayika ati, ‘Eswe chiri abhaniibhi. Chaniibhire muno. Chiri na bhuri echiinu chinu echikena!’ Nawe mutakumenya ati emwe mutari na amanaga, muri bhaanu bha okufwirwa echigongo, muri bhataka, muri bhawofu, ka wone muri tuyu.