Matayo 5:25 - Indagano Inyaaya mu-Chijita

²⁵ “Ka wone, araabha omuunu kaakusira ku‑muramusi, yungwana nage bhwangu muchaari ku‑njira. Araabha ukarema okukora kutyo, kaja okukusira ku‑muramusi, omuramusi wone kaja okukusira ku‑musirikare, korereki akubhoye mw‑ibhoyero.

INDAGANO INYA:YA

²⁵ Mungwane no mubu:si wao bwangu ucari nage mu njira, omubu:si asiga kukusira ku muramusi, no muramusi asiga kukusira ku musirikare ukeswa mwiboero.

Matayo 5:25 ပူးပေါင်းရင်းမြစ်များ

Matayo 26:58

Peetero aaruubhiriraga Yeesu ari‑wo kura, okukingira ku‑rubhuga rwa inju ya omugabhisi omukuru. Niwo ˆneengira, ˆneenyanja aamwi na abhariisi, korereki arore jinu ejija okukorekana.

Ruuka 18:3

Mbe, mu‑musi ogwoogwo, aariga ari‑mo omutumbagasi umwi. Omutumbagasi oyo, aamuujaga‑ko kwiya kaafu, ˆnaamwirembeeresya ˆnaamubhwiraga ati, ‘Enisabhwa umbagire ku‑musoko waani, korereki nibhone rirenga ryani.’

2 Bakorinto 6:2

Okubha Nyamuwanga kaayika mu‑Bhikaame Ebhyeru ati, “Omwanya gunu ꞉gweekirisiibhwe, ꞉naakutegeresiisye, orusuku rwa obhuchungusi, ꞉naakusakiiye.” Mbe tegeresya, omwanya gunu gwikirisiibhwe nigwo gunu, orusuku rwa obhuchungusi nirwo runu!

Baeburania 12:17

Mumenyere ati mmara, Esawu ejire eenda okwanjura amabhando, ˆnaaremwa. ꞉Ataabhwene omwanya gwa okuta ebhibhiibhi bhyaye, noorwo kutyo ꞉aaguyenjere na okurira amasiga mogomogo.

Baeburania 3:13

Nawe mukomeesyanyega emwe abheene kwa abheene bhuri rusuku runu echitoga ati “reero inu,” korereki aasiga okubha‑wo mw‑imwe omuunu woonewoone owa omwoyo omukomeeye ku‑songa ya okujigwa na ebhibhiibhi.

Baeburania 3:7

Kurwa ejo, cheenderwe chitegeresye jinu Mwoyo Mweru kaayika mu‑Bhikaame Ebhyeru ati, “Reero inu, mukoongwa obhuraka bhwa Nyamuwanga,