Matayo 5:22 - Indagano Inyaaya mu-Chijita

²² Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

INDAGANO INYA:YA

²² Nawe anye enibabwira ati, omu:nu wo:ne unu kabiirirwa Omwana wabo era, arijira intambara. Nawe unu arimufuma Omwana wabo ati, Raka, ni busi busi asirwe mu ci:na. Nawe unu araikaga ati, Mutamutamu awe, e:ire okweswa mu muriro gunyatasima.

Matayo 5:22 ပူးပေါင်းရင်းမြစ်များ

Matayo 10:17

Mwikengega abhaanu, kwa okubha bharibhasira mu‑maramuriro, ka wone, bharibhasira mu‑nju ja ameekofyanyo geebhwe na okubhabhuma na jijaridi.

Matayo 10:28

Mwasiga okuubhaya abhaanu bhanu abhatura okwita omubhiri era, nawe bhatakutura okwita omwoyo. Emwe muubhayega Nyamuwanga eenyere, kwa okubha omwene niwe kaatura okusingaarisya omubhiri na omwoyo mu‑muriro gwa akajaanende koone.

Matayo 12:24

Nawe omwanya gunu Abhafarisaayo ꞉bhoonguuwe ejo, nibhaayika ati, “Omuunu unu, kaasoosya‑ko amasambwa ku‑bhuturo bhwa Bherijebhuuri, omukuru wa amasambwa goone.”

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Matayo 18:21

Niwo Peetero ˆnaagenda ku‑Yeesu, ˆnaamubhuusya ati, “Raatabhugenyi, araabha omwikirisya oweejaasu ankayiiye, enikenwa nimufwire echigongo kwiya karinga? Angu, nimufwire echigongo kwiya kataanu na kabhiri?”

Matayo 18:35

Neeya, Yeesu ˆnaamariisya kwa okwayika ati, “Mumenye ati noorwo Raata waani wa mu‑rwire, aribhakorera kutyokutyo, aribha mwarema okufwira echigongo omwikirisya oweejaanyu kwa emyoyo jeemwe joone.”

Matayo 23:15

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omwiyinda mu‑chaaro choone na okwambuka inyanja, korereki mukongye omuunu unu atari Muyawudi abhe muruubhirisya weemwe. Nawe akamara okubheekirisisya, omumukora okubha omuunu unu eeyire mu‑muriro gwa akajaanende koone kwiya kabhiri okukira emwe abheene.

Matayo 23:33

Emwe muri njoka na muri rwibhuro rwa jinjoka! Muriiruka kutiki indamu ya Nyamuwanga ya okweswa mu‑muriro gwa akajaanende koone?

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 26:59

Abhakuru bha abhagabhisi na ribharaja rikuru ryone rya Abhayawudi, bhaariga nibheenda obhubhambaasi bhwa orubheeyi, korereki bhabhone injira ya okwita Yeesu.

Matayo 3:17

Niwo, obhuraka okusooka mu‑rwire nibhwayika ati, “Unu niwe Omwana waani omwendwa, niwe kaankondisya.”

Matayo 5:34

Nawe anye enibhabhwira ati, mwasiga okurayira chimwi noorwo ku‑rwire, kwa okubha eyo niyo chiri echitebhe cha ingʼoma cha Nyamuwanga.

Matayo 5:44

Nawe anye enibhabhwira ati, mwendega abhasoko bheemwe na musabhirwega bhoone bhanu abhabhanyaasya.

Mariko 14:55

Abhakuru bha abhagabhisi na ribharaja rikuru ryone rya Abhayawudi, bhaariga nibheenda obhubhambaasi bhwa okusitaaka Yeesu, korereki bhamuramure na okumwita. Nawe, ꞉bhataabhwene obhubhambaasi bhwonebhwone bhunu ꞉bhwabheeyire.

Mariko 15:1

Mwejo yende‑ko katondo, ribharaja ryone, nikwo okwayika ati, abhakuru bha abhagabhisi aamwi na abhakuru bha Abhayawudi, na abheeyigisya bha ebhiraagiro bhya Muusa, nibheenyanja echinyanjo. Nibharamura okukora obhutinge korereki bharore kutyo Yeesu kaja okwitwa. Niwo nibhamubhoya, nibhamusira na okumutuura mu‑mabhoko ga Piraato, omutungi wa Echiruumi unu aariga ˆnaatangasya echaaro cha Yuudeya.

Ruuka 12:5

Nawe, enija okubheeresya unu mwenderwe okuubhaya. Muubhaye Nyamuwanga, kwa okubha akamara okwita omuunu, ari na obhuturo bhwa okumwesa mu‑muriro gwa akajaanende koone. Mbe, muubhaye omwene eenyere.

Ruuka 22:66

Mbe risuubha ryejire ryawuruka, ribharaja rikuru rya Abhayawudi, aamwi na abhakuru bha abhagabhisi na abheeyigisya bha ebhiraagiro bhya Muusa nibheekofyanya aamwi. Nibhasira Yeesu mw‑ibharaja ryebhwe, nibhamubhuusya ati,

Yowana 11:47

Mbe, abhakuru bha abhagabhisi na Abhafarisaayo nibhabhirikirana okwinyanja echinyanjo cha ribharaja rikuru rya Abhayawudi, nibhabhuusyanya ati, “Chikore kutiki? Okubha omuunu unu kaakora ebhibharikisyo bhyafu.

Yowana 15:25

Jinu jikorekeene korereki jikuumire emisango jinu jikaamirwe mu‑Bhikaame Ebhyeru ati, ‘꞉Bhaansokere kutyo era.’

Yowana 7:20

Abhaanu abho nibhamusubhya ati, “Awe uri na risambwa! Niga unu keenda okukwita?”

Yowana 8:48

Abhayawudi nibhabhuusya Yeesu ati, “Chitakwayika echimari ati, awe uri Musamaariya, ka wone uri na risambwa?”

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

Ebikorwa 22:30

Omukuru wa abhasirikare oyo eendaga okumenya bhuri chiinu chinu echikora Abhayawudi abho bhasitaake Pawuro. Mbe, bhwejire bhwacha, ˆnaamwigurira, ˆnaaragirira ati, abhakuru bha abhagabhisi bheekumanye aamwi na abhakuru abheejaabho bhoone bha ribharaja rikuru rya Abhayawudi. Bhejire bhaamara okwikofyanya, ˆnaareeta Pawuro na okumwimereegusyu agati yeebhwe.

Ebikorwa 23:1

Pawuro ˆnaaringira nekeneke abhaanu bha mw‑ibharaja eryo, ˆnaabhabhwira ati, “Emwe abhayiri bhaasu, nikumisiisye emirimu jaani ku‑Nyamuwanga, omutima gwani ni mweru pee okukingira reero inu.”

Ebikorwa 24:20

Amwi abhaanu bhanu bhari anu bhaayike, ni bhubhiibhi ki bhunu ꞉bhaabhwene kw‑anye bhejire bhaanyimereegusyu imbere ya ribharaja rikuru ryebhwe.

Ebikorwa 4:15

Kurwa ejo, nibharagirira Peetero na Yowana bhasooke mw‑ibharaja eryo. Abheene nibhaayikana ati,

Ebikorwa 5:21

Kutyo, jitumwa ejo nibhamugayuka, nibhamweja muno okuja mu‑rubhuga rwa Riyekaru, nibhaamba okwiyigisya abhaanu omwo. Omwanya ogwoogwo, omugabhisi omukuru aamwi na abheejaabho bharya, nibhabhirikira abhakuru bhoone bha Abhayawudi, bhabhuganire mw‑ibharaja rikuru ryebhwe. Nibhatuma abhariisi mw‑ibhoyero omwo, korereki bhareete jitumwa jirya.

Ebikorwa 5:27

Nibhabhareeta mw‑ibharaja rikuru eryo, nibhabhabhwira bheemereeguru imbere yeebhwe. Omugabhisi omukuru ˆnaabhabhwira ati,

Ebikorwa 6:12

Mu‑kwayika ejo, ꞉bhaakorere abhaanu bhaafu, aamwi na abhakuru bha Abhayawudi na abheeyigisya bha ebhiraagiro bhya Muusa nibhabhiyirwa. Nibharuubha Tefwano, nibhamugwata, nibhamusira mw‑ibharaja rikuru rya Abhayawudi.

Ebikorwa 6:15

Abhaanu bhoone mw‑ibharaja rikuru awo, nibhamuringiraga Tefwano nekeneke, nibharora obhusu bhwaye nibhususana na obhusu bhwa maraayika.

Ebikorwa 7:37

Muusa niwe uryaurya ꞉aabhwiriiye Abhayisirayeeri abho ati, ‘Okusooka mu‑bhayiri bheemwe Nyamuwanga aribheenamusisya omuragi rwa anye.’

Barumi 12:10

Mwendane abheene kwa abheene rwa abhayiri. Bhuri muunu eekomeesye okuyaana echibharo oweejaabho.

1 Bakorinto 6:10

abheefi, bha omuruuru, abhakorwa, abhasokanya, abhasaakusi, abho bhoone bhatariingira mu‑bhukama bhwa Nyamuwanga.

1 Bakorinto 6:6

Nawe emwe, muri na itungwa ya omuunu okusitaaka omwikirisya oweejaanyu mw‑iramuriro, ka wone ku‑bhaanu bhanu bhatari bheekirisya!

1 Batesalonika 4:6

Kurwa ejo, omuunu woonewoone asige okukayira oweejaabho, noorwo okumujiga. Rwa kutyo ꞉chaabhabhwiriiye na okubhagaanya ku‑bhwambiro ati, Raatabhugenyi Yeesu niwe kaasubhya orusiima ku‑bhaanu bhoone bhanu abhakora ebhibhiibhi ebhyo.

Tiito 3:2

Bhatongere bhasige okufuma omuunu woonewoone, bhasigega okuyomba, bhabhe na jitungwa ja ekisi na bhabhe bhoorooro muno ku‑bhaanu bhoone.

Baeburania 12:25

Kurwa ejo, mutegeresyega unu kaayika na emwe. Abhayisirayeeri ꞉bhateerukire ebhitiibha omwanya gunu ꞉bhaaremere okutegeresya Muusa bhunu ꞉aabhakengiisye. Mbe woori, eswe echitura kutiki okwiruka ebhitiibha araabha echirema okutegeresya Nyamuwanga omwanya gunu kaachikengya okusooka mu‑rwire?

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Yakobo 2:20

Awe uri mumuumu! Uchaakena okumenya ati, eriikirisya rinu ritari na ebhikorwa bhya ekisi, ritari na omuriiro?

Yakobo 3:6

Orurimi ruri rwa omuriro, rwijuuye obhujabhi bhwone. Orurimi ni chimwi cha ebhiwuga mu‑mubhiri gweswe, nawe orujabhiyaasya omubhiri gwone, na okusingaarisya obhurame bhweswe bhwone mu‑muriro gwa akajaanende koone.

1 Petero 2:23

Omwene ejire aafumwa, ꞉ataasubhiisye efumo. Ejire aanyaasibhwa, ꞉ataakangiisye okusubhya orusiima. Tari ꞉aasigire joone ku‑Nyamuwanga, omuramusi omurengeresi.

1 Petero 3:9

Mwasiga okuriya omuunu echibhiibhi ku‑chibhiibhi, amwi efumo kwa efumo, nawe musabhirane amabhando. Okubha mubhirikiiywe okukora ejo, korereki muyaanwe amabhando.

1 Yoana 2:9

Omuunu woonewoone unu kaayika ati aramire mu‑bhweru, keenu kaasoka oweejaabho, achaaramire mu‑chisuute.

1 Yoana 3:10

Nawe, omuunu woonewoone unu atakukora eja rirenga atari mwana wa Nyamuwanga, nyabhuriko omuunu unu atakwenda oweejaabho atari mwana wa Nyamuwanga. Obhwo nibhwo obhutaasyanya bhunu bhuri agati ya abhaana bha Nyamuwanga na abhaanu bha Syetaani.

1 Yoana 5:16

Bhiri‑wo ebhibhiibhi bhinu bhitakutaaganya omuunu na Nyamuwanga akajaanende koone. Araabha omuunu woonewoone kw‑imwe akarora oweejaabho unu kaakora ebhibhiibhi rwa ebhyo, amusabhirwe ku‑Nyamuwanga, Nyamuwanga omwene kaja okumuyaana obhuwanga. Omusango gunu ni inguru ya bhanu abhakora ebhibhiibhi ebhyo. Nawe bhiri‑wo ebhibhiibhi bhinu ebhitaaganya omuunu na Nyamuwanga akajaanende koone. Anye nitakwayika ati asabhirwe omuunu oyo ku‑Nyamuwanga inguru ya ebhibhiibhi ebhyo.

Yuuda 1:9

Noorwo Mikayeeri, maraayika omukuru, omwanya gunu aariga ˆnaabhusyanya na okubhambasyanya na Syetaani inguru ya omutumbi gwa Muusa, ꞉ataaregeejere okuramura Syetaani kwa okumufuma. Tari ꞉aamubhwiriiye ati, “Raatabhugenyi omwene akugonye!”

Obhusweruro 20:14

Ejo jejire jaawa, orufu na nyombe nibhyeswa mu‑nyanja ya omuriro omururu. Inyanja ya omuriro eyo, nirwo orufu rwa kabhiri.