Matayo 5:19 - Indagano Inyaaya mu-Chijita

¹⁹ Omuunu woonewoone unu kaarema noorwo echiraagiro chimwi echitooto na okwiyigisya abhandi wone bhachireme, oyo aribha na echibharo chitooto muno mu‑bhukama bhwa mu‑rwire. Nawe woonewoone unu kaachigwata na okwiyigisya abhandi korereki wone bhakore kutyo, oyo aribha na echibharo chinene muno mu‑bhukama bhwa mu‑rwire.

INDAGANO INYA:YA

¹⁹ Omu:nu wo:ne unu araso:syagao ecimwi ku biragiro binu ebito:to, no kubeigisya aba:nu kutyo, oyo aritogwa muto:to mu bukama bwa mu rwire. Nawe unu wo:ne aribigwata nabi:igisya, oyo aritogwa mukuru mu bukama bwa mu rwire.

Matayo 5:19 ပူးပေါင်းရင်းမြစ်များ

Matayo 11:11

Ni chimari enibhabhwira ati, mu‑bhaanu bhoone bhanu bheebhuuywe ku‑chaaro kunu, atari‑wo omuunu omukuru wa okukira Yowana Omubhatiija. Nawe, omuunu unu ari omutooto okukira bhoone mu‑bhukama bhwa mu‑rwire, niwe omukuru okukira Yowana Omubhatiija.

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Matayo 20:26

Nawe jaasiga okubha kutyo kw‑imwe. Omuunu woonewoone unu keenda okubha omukuru agati yeemwe, keendwa abhe omukosi weemwe.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Ruuka 1:15

kwa okubha, aribha omukuru imbere ya Raatabhugenyi. Omwana oyo, okwambira mu‑nda ya nyiramwene, aribha ˆneejurwa Mwoyo Mweru. Kurwa ejo, atarinywa echifuufu sirisiri noorwo ebhindi bhyone bhinu ebhikora.

Ruuka 11:42

“Jiribhabhona, emwe Abhafarisaayo! Okubha omusoosisya Nyamuwanga ijaaka ya omutootoji, omuchicha na emikubhi ejindi, keenu nimusiga okukorera abhaanu abhandi emisango ja rirenga na okwenda Nyamuwanga. Ejo jeenderwe mujikore, aamwi na okumusoosisya jijaaka ejo.

Ruuka 9:48

ˆnaabhabhwira ati, “Omuunu unu kaakuma omwana omutooto rwa unu kw‑isiina ryani, kaabha aankumire anye. Ka omuunu woonewoone unu kaankuma anye, kaabha akumire unu ꞉aantumire. Okubha omutooto mw‑imwe bhoone, oyo niwe omukuru okukira bhoone.”

Ebikorwa 1:1

Tewofiiro owa echibharo, mu‑chitabho chaani cha okwamba, ꞉naakukaamiiye inguru ya emisango joone jinu Yeesu ꞉aakorere na okwiyigisya, okusookerera ku‑bhwambiro bhwa emirimu jaaye,

Barumi 3:8

Ejo jiri rwa okwayika ati, “Chibhega nichikora ebhibhiibhi, korereki Nyamuwanga areete ja ekisi.” Abhaanu abhandi abhabheeyeresya ati, “Noorwo Pawuro keeyigisya kutyo!” Nawe anye enaayika ati, abhaanu abho bhoone bhariyaanwa ebhitiibha okuruubhana na ebhibhiibhi bhyebhwe.

Barumi 6:1

Woori chaayike ki? Angu, chigenderere okukora ebhibhiibhi, korereki Nyamuwanga agenderere okuchiyaana obhwitiriranya bhwaye bhwafu muno?

Barumi 6:15

Woori chaayike ki? Angu, chigenderere okukora ebhibhiibhi, kwa okubha chitakutangasibhwa na obhuturo bhwa ebhiraagiro, tari echitangasibhwa na obhwitiriranya bhwa Nyamuwanga? Wuri, noorwo na akatyari!

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

1 Petero 5:4

Mbe, Omureefi Omukuru wa rikanisa aribha aswerurwa, muriyaanwa orutengya rwa rikusyo runu rutakunyamuka.

1 Yoana 3:4

Woori, omuunu woonewoone unu kaagenderera okukora ebhibhiibhi, kaanyamura ebhiraagiro bhya Nyamuwanga, kwa okubha okukora ebhibhiibhi, nikwo okunyamura ebhiraagiro.

Obhusweruro 2:20

Nawe, muri na omusango gumwi gunu guchaannyaasya. Emwe omwikirisisya omugasi unu kaatogwa ati Yejebheeri. Omwene keetoga ati ni omuragi, nawe atari omuragi. Mumwikirisiisye abhajige emwe abhakosi bhaani, kwa okubheeyigisya mukore obhuromesi na okurya ebhiryo bhinu bhisoosiibhwe echoogo ku‑masusano.