Matayo 5:18 - Indagano Inyaaya mu-Chijita

¹⁸ Ni chimari enibhabhwira ati, okukingira omwanya gunu orutumba na echaaro bhirisoosibhwa‑wo, katari‑wo akasango amwi akanyuguta kamwi ka ebhiraagiro kanu karisoosibhwa‑wo, okukingira joone jikuumire.

INDAGANO INYA:YA

¹⁸ Kwo kuba enibabwira cimari ati, kukinga orwire na i:si anu biriwerao, nyuguta imwi nakabee kari kakotore kamwi ka mu biragiro katariwao kukinga byone bikumire.

Matayo 5:18 ပူးပေါင်းရင်းမြစ်များ

Matayo 10:15

Ni chimari enibhabhwira ati, orusuku rwa indamu, Nyamuwanga arisoosya indamu isito muno ku‑bhaanu bha omusi ogwo, okukira inu arisoosya ku‑bhaanu bha emisi ja Sodoma na Gomoora!

Matayo 10:23

Araabha bharibhanyaasya mu‑musi omurebhe, mbe mwirukire mu‑musi ogundi. Ni chimari enibhabhwira ati, mutarimara emirimu jeemwe mu‑misi joone ja Yisirayeeri, anye Omwana wa Omuunu nichaari kuuja.

Matayo 10:42

Omuunu woonewoone unu kaayaana owumwi wa abheeyigisibhwa bhanu omutawo gwa amanji amanyiriiye ga okunywa, isonga iri ati, ni mwiyigisibhwa waani, ni chimari enibhabhwira ati, Nyamuwanga atarisiga okuyaana omuunu oyo, echiyaanwa chaaye.”

Matayo 11:11

Ni chimari enibhabhwira ati, mu‑bhaanu bhoone bhanu bheebhuuywe ku‑chaaro kunu, atari‑wo omuunu omukuru wa okukira Yowana Omubhatiija. Nawe, omuunu unu ari omutooto okukira bhoone mu‑bhukama bhwa mu‑rwire, niwe omukuru okukira Yowana Omubhatiija.

Matayo 13:17

Ni chimari enibhabhwira ati, abharagi na abharengeresi abhandi bhaafu, bheendaga okurora jinu emwe omurora, nawe ꞉bhataajirorere. Bheendaga okuungwa jinu emwe omuungwa, nawe ꞉bhataajuunguuwe.

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

Matayo 17:20

Yeesu ˆnaabhasubhya ati, “Kwa okubha eriikirisya ryemwe ni tooto. Ni chimari enibhabhwira ati, araabha mukabha na eriikirisya rwa akaro ka iyaradaari, mwakaturire okubhwira echiima chinu ati, ‘Sooka anu, uje erya,’ echeene chikagendere. Kurwa ejo, chitaribha‑wo echiinu chinu chitariturikana kw‑imwe. [

Matayo 18:18

“Ni chimari enibhabhwira ati, emisango joone jinu muriigara ku‑chaaro anu, Nyamuwanga wone kaabha ajiigaaye okusooka mu‑rwire. Ka wone, emisango joone jinu muriigura ku‑chaaro anu, Nyamuwanga wone, kaabha ajiiguuye okusooka mu‑rwire.

Matayo 18:3

ˆNaabhabhwira ati, “Ni chimari enibhabhwira ati, araabha mukarema okuyinduka na okubha rwa abhaana abharera, mutaringira mu‑bhukama bhwa mu‑rwire noorwo na akatyari.

Matayo 19:23

Niwo Yeesu ˆnaabhwira abheeyigisibhwa bhaaye ati, “Ni chimari enibhabhwira ati, jiribha bhikomeeye muno omuniibhi okwingira mu‑bhukama bhwa mu‑rwire.

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Matayo 21:21

Yeesu ˆnaabhasubhya ati, “Ni chimari enibhabhwira ati, araabha muri na eriikirisya rinu ritari na echiitimaato, emwe wone muritura okukora rwa jinu naakorera riiti rinu. Ka wone mutarikora rwa ejo era, tari noorwo mukabhwira echiima chinu ati, ‘Iiyika anu na okweswa mu‑nyanja,’ jiribha kutyo.

Matayo 21:31

“Woori angu, mu‑bhabhiri abho, niga unu ꞉aakorere rwa kutyo esemwene ꞉eendere?” Abhakuru bha abhagabhisi na abhakuru bha Abhayawudi bharya, nibhamusubhya ati, “Ni urya wa okwamba.” Niwo Yeesu ˆnaayika ati, “Ni chimari enibhabhwira ati, abhatobhesya bha rigooti na abhagasi bhanu abheegusya okwibhonera ribhona, bharibhatangatira okwingira mu‑bhukama bhwa Nyamuwanga.

Matayo 23:36

Ni chimari enibhabhwira ati, Nyamuwanga ariramura abhaanu bha riyimbo rinu ku‑songa ya ebhibhiibhi ebhyo bhyone.”

Matayo 24:2

Nawe Yeesu ˆnaabhabhwira ati, “Mwarora kisi jinju ejo joone? Ni chimari enibhabhwira ati, ritari‑wo ribhuyi noorwo rimwi rinu ririsigara inguru ya erindi, goone garifumibhwa!”

Matayo 24:47

Ni chimari enibhabhwira ati, mwami waaye arimutuura ku‑chibharo cha inguru abhe omwangarisi wa obhuniibhi bhwaye bhwone.

Matayo 25:12

Nawe omutwasi ˆnaabhasubhya ati, ‘Ni chimari enibhabhwira, nitakubhamenya emwe!’”

Matayo 25:40

Niwo anye Omukama, niribhasubhya ati, ‘Ni chimari enibhabhwira ati, choonechoone chinu ꞉mwakoreeye woonewoone mu‑bharuubhirisya bhaani unu kaabhonekana wuti atari wa obhusibhusi, mbe ꞉mwakoreeye anye.’

Matayo 25:45

Niwo anye niribhasubhya ati, ‘Ni chimari enibhabhwira ati, choonechoone chinu ꞉mutaakoreeye woonewoone mu‑bharuubhirisya bhaani unu kaabhonekana wuti atari wa bhusibhusi, mbe ꞉mwaremere okukorera anye.’

Matayo 5:26

Ni chimari enikubhwira ati, utarisooka omwo okukingira anu urimarira okuriya ribhanja ryone!

Matayo 6:16

“Omwanya gunu omwiyima ebhiryo, obhusu bhwemwe bhwasiga okweresya obhusurumbaaye rwa kutyo abheerimaanya abhakora. Abheene abhasurumbara korereki abhaanu abhandi bhabharore ati, bheeyimire ebhiryo. Ni chimari enibhabhwira ati, bhaamarire okuramira omuyeero gwebhwe gwone.

Matayo 6:2

“Mbe, ukasakira abhataka, waasiga okuraasisya abhaanu chinu owukora. Abheerimaanya nibho abhakora kutyo mu‑nju ja ameekofyanyo ga Abhayawudi na ku‑njira, korereki abhaanu bhabhakumangye.

Matayo 8:10

Yeesu ejire oongwa emisango ejo, ˆnaaruguura muno. ˆNaabhwira abhaanu bhanu bhaamuruubhaga ati, “Ni chimari enibhabhwira ati, nichaariga okurora omuunu woonewoone owa eriikirisya enene rwa rinu, mu‑Bhayisirayeeri bhoone!

Mariko 10:15

Ni chimari enibhabhwira ati, woonewoone unu atakwikirisya obhukama bhwa Nyamuwanga rwa omwana omurera, ataringira mu‑bhukama obhwo noorwo na akatyari.”

Mariko 10:29

Niwo Yeesu ˆnaayika ati, “Ni chimari enibhabhwira ati, omuunu woonewoone unu asigire inju yaaye, amwi abhamura bhaabho, amwi abhayara bhaabho, amwi nyiramwene, amwi esemwene, amwi abhaana bhaaye, amwi amabhwi inguru yaani na inguru ya Emisango ja Ekisi,

Mariko 11:23

Ni chimari enibhabhwira ati, araabha omuunu kaabhwira echiima chinu ati, ‘Iiyika anu na okweswa mu‑nyanja,’ ejo ejija okukorekana rwa kutyo aayika. Omuunu oyo aasiga okwitimaata mu‑mwoyo gwaye, abhe na eriikirisya, joone jinu aayika ejija okukorekana.

Mariko 12:43

Yeesu ejire aarora ejo, ˆnaabhirikira abheeyigisibhwa bhaaye, ˆnaabhabhwira ati, “Ni chimari enibhabhwira ati, omutumbagasi omutaka oyo, aasoosya jipirya nyafu okukira bhoone bhanu bhaasoosya.

Mariko 13:30

Ni chimari enibhabhwira ati, riyimbo rinu ritariwaa‑wo emisango ejo joone jichaari okukuumira.

Mariko 14:18

Omwanya gunu bhaariga nibharya, Yeesu ˆnaayika ati, “Ni chimari enibhabhwira ati, umwi mw‑imwe unu keenyirisya aamwi na anye, arintuura mu‑mabhoko ga abhasoko.”

Mariko 14:25

Ni chimari enibhabhwira ati, okusookerera reero, nitarinywa echifuufu rindi okukingira ku‑rusuku runu nirinywa echifuufu echiyaaya mu‑bhukama bhwa Nyamuwanga.”

Mariko 14:30

Yeesu ˆnaamubhwira ati, “Ni chimari enikubhwira ati, reero, mu‑ngeta inu, rikookorome richaari okukookoroma kabhiri, owubha waanyigaanire kasatu.”

Mariko 14:9

Ni chimari enibhabhwira ati, woonewoone anu Emisango ja Ekisi inguru yaani jiriraasibhwa ku‑chaaro choone, omusango gwa ekisi gunu omugasi unu aankorera guryayikwa, na abhaanu bharimwichuka.”

Mariko 3:28

“Ni chimari enibhabhwira ati, Nyamuwanga arifwira echigongo abhaanu ebhibhiibhi bhyebhwe bhyone na okufumirisya kwebhwe kwone.

Mariko 6:11

Ka wone, woonewoone anu abharema okubharamira amwi okubhategeresya, musooke‑wo nimukuukumuraga oruteeri rwa ku‑maguru geemwe, okubhakengya ati Nyamuwanga kaabharema.”

Mariko 8:12

Yeesu ˆnaasurumbara mu‑mwoyo gwaye, ˆnaabhabhwira ati, “Kurwa ki emwe abhaanu bha orwibhuro runu omwenda okurora echibharikisyo? Ni chimari enibhabhwira ati, nitakuja okubheeresya echibharikisyo choonechoone.”

Mariko 9:1

Yeesu ˆnaagenderera okwayika ati, “Ni chimari enibhabhwira ati, mu‑bhaanu bhanu bheemereeguuyu anu bhari‑wo abhandi bhanu bhatarifwa, bhachaari okurora obhukama bhwa Nyamuwanga nibhuuja na amanaga.”

Mariko 9:41

Omuunu woonewoone unu aribhayaana omutawo gwa amanji ga okunywa isonga iri ati emwe muri bhaanu bha Kirisito, ni chimari enibhabhwira ati, Nyamuwanga atarisiga okuyaana omuunu oyo echiyaanwa chaaye.”

Ruuka 11:51

Ejo, jiryambira ku‑sagama ya Abheeri, okukingira ku‑sagama ya Jaakariya, unu ꞉eetiiywe mw‑Iyekaru rya Nyamuwanga, agati ya echigabhiro na mu‑nju ingʼuru ya okuramirisya‑mo. Ni chimari enibhabhwira ati, abhaanu bha riyimbo rinu bhariramurwa ku‑songa ya ebhibhiibhi ebhyo bhyone.

Ruuka 12:37

Bhari na amabhando, abhakosi bhanu omwami weebhwe aribha aasubha ˆnaabhasongʼana nibhamurindiriraga. Ni chimari enibhabhwira ati, aritengeeja, aribheenyanjya ku‑nenda na okubhafurubhendera!

Ruuka 13:35

Muringire! Woori Nyamuwanga aabhasiga emwe na orwibhuro rwemwe! Ni chimari nibhabhwira ati, mutarindora rindi, okukingira omwanya gunu muryayika ati, ‘Ayaanwe amabhando unu kaaja kw‑isiina rya Raatabhugenyi Nyamuwanga.’”

Ruuka 16:17

Ni bhwangu muno, orutumba na echaaro okuwaa‑wo, okukira inyuguta imwi inooto ya ebhiraagiro bhya Nyamuwanga okubhurwa indiyo.

Ruuka 18:17

Ni chimari enibhabhwira ati, omuunu woonewoone unu atakwikirisya obhukama bhwa Nyamuwanga rwa omwana omutooto, omuunu oyo atakutura okwingira mu‑bhukama bhwa Nyamuwanga.”

Ruuka 18:29

Yeesu ˆnaabhasubhya ati, “Ni chimari enibhabhwira ati, omuunu woonewoone unu ꞉aasigire inju yaaye, amwi omugasi waaye, amwi abhamura bhaabho, amwi abheebhusi bhaaye, amwi abhaana bhaaye inguru ya obhukama bhwa Nyamuwanga,

Ruuka 23:43

Yeesu ˆnaamusubhya ati, “Ni chimari enikubhwira, reero inu owuja okubha aamwi na anye mu‑rwire.”

Ruuka 4:24

Yeesu ˆnaayika ati, “Ni chimari enibhabhwira ati, omuragi atakuyaanwa echibharo mu‑chaaro cha ewaabho.

Yowana 1:51

Yeesu ˆnaagenderera okwayika ati, “Ni chimari enibhabhwira ati, murirora orwire rwigukire, ka wone murirora bhamaraayika bha Nyamuwanga nibhariinyaga na okwika inguru yaani, anye Omwana wa Omuunu.”

Yowana 10:1

Yeesu ˆnaagenderera okwayika ati, “Ni chimari enibhabhwira ati, omuunu woonewoone unu atakutura mw‑irango okwingira mw‑igutu rya jinaama, tari kaatura andi okwingira omwo, oyo ni mwifi ka wone ni musaakusi.

Yowana 10:7

Mbe, Yeesu ˆnaabhabhwira rindi ati, “Ni chimari enibhabhwira ati, anye naanye rirango rinu jinaama ejitura‑mo okwingirira mw‑igutu.

Yowana 12:24

Ni chimari enibhabhwira ati, araabha oruro rwa ingano rukasigwa okusiikirwa mu‑mayaru rwa omuunu unu afuuwe, rutakutura okumera. Nawe araabha rukasiikirwa, orumera na okutwasya amatwasyo maafu.

Yowana 13:16

Ni chimari enibhabhwira ati, omugaya atakutura okubha omukuru okukira omwami waaye, ka wone unu kaatumwa atakutura okubha omukuru okukira unu kaamutuma.

Yowana 13:38

Yeesu ˆnaamusubhya ati, “Angu, chimari wiiteeye‑wo okufwa inguru yaani? Ni chimari enikubhwira ati, rikookorome richaari okukookoroma, owubha waanyigaanire kasatu.”

Yowana 14:12

Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.

Yowana 16:20

Ni chimari enibhabhwira ati, emwe muririra na okusurumbara, nawe abhaanu bha ku‑chaaro kunu bharikonderwa. Murisurumbara, nawe obhusurumbaaye bhwemwe bhuriyinduka okubha rikonderwa.

Yowana 16:23

Ka wone orusuku orwo rurikinga, mutarikena okumbuusya omusango gwonegwone. “Ni chimari enibhabhwira ati, joone jinu omuja okusabhwa okutura kw‑isiina ryani, Raata kaja okubhayaana.

Yowana 21:18

Ni chimari enikubhwira ati, omwanya gunu waariga uchaari mumura, waariga unarire okufwara emyenda jaawo omwene, na okuja woonewoone anu weendaga. Nawe aribha waakokora, urigorora mabhoko gaawo na omuunu owundi arikubhoya na okukusira anu utaryenda okuja.”

Yowana 3:11

Ni chimari enikubhwira ati, eswe echaayika jinu chimenyere, na echisoosya obhubhambaasi ku‑jinu chirorere. Nawe emwe mutakwikirisya obhubhambaasi bhweswe.

Yowana 3:3

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe rwa kabhiri.”

Yowana 3:5

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe mu‑manji na kwa Mwoyo Mweru.

Yowana 5:19

Yeesu ˆnaabhwira abhatangasya abho ati, “Ni chimari enibhabhwira ati, Omwana wa Nyamuwanga atakutura okukora omusango gwonegwone ku‑bhuturo bhwaye. Tari kaakora era jinu kaarora Esemwene ˆnaakora. Joone jinu Esemwene kaakora, nijo Omwana wone kaakora.

Yowana 6:26

Yeesu ˆnaabhasubhya ati, “Ni chimari enibhabhwira ati, omunyenja kwa okubha ꞉naabhayaaye emikaate, nimurya na okwiguta, jitari ku‑songa ya okwenda okusombookerwa obhugajuro bhwa ebhibharikisyo bhinu ꞉naakorere.

Yowana 6:32

Mbe, Yeesu ˆnaabhabhwira ati, “Ni chimari enibhabhwira ati, atari Muusa unu ꞉aayaaye bhasaaja weemwe ebhiryo ebhyo okusooka mu‑rwire, tari ni Raata waani. Omwene niwe kaabhayaana emwe ebhiryo bhya echimari bhinu ebhisooka mu‑rwire.

Yowana 6:47

“Ni chimari enibhabhwira ati, omuunu woonewoone unu kaanyikirisya, oyo ari na obhuwanga bhwa akajaanende koone.

Yowana 6:53

Okuruubhana na ejo, Yeesu ˆnaabhabhwira ati, “Ni chimari enibhabhwira ati, aribha mwarema okurya omubhiri gwani, na okunywa isagama yaani, anye Omwana wa Omuunu, mutaribhona obhuwanga bhwa akajaanende koone.

Yowana 8:34

Yeesu ˆnaabhasubhya ati, “Ni chimari enibhabhwira ati, omuunu woonewoone unu kaagenderera okukora ebhibhiibhi, oyo ni mugaya wa ebhibhiibhi.

Yowana 8:51

Ni chimari enibhabhwira ati, omuunu woonewoone unu kaagayuka ameeyigisyo gaani, atarifwa wuri.”

Yowana 8:58

Yeesu ˆnaabhasubhya ati, “Ni chimari enibhabhwira ati, anye niri‑wo okusookerera omwanya gunu Bhurayimu aariga achaari kwibhurwa.”

1 Petero 1:25

nawe omusango gwa Raatabhugenyi gurigenderera okubha gwa echimari akajaanende koone.” Omusango ogwo, ni Emisango ja Ekisi jinu ꞉mwaraasisiibhwe.

Obhusweruro 20:11

Nejire neeya, nindora Nyamuwanga eenyanjire ku‑chitebhe echeeru echinene cha ingʼoma. Orutumba na echaaro nibhiiruka okusooka imbere yaaye na ꞉bhitaabhonekeene rindi.