Matayo 5:16 - Indagano Inyaaya mu-Chijita

¹⁶ Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

INDAGANO INYA:YA

¹⁶ Nikwo kutyo obweru bwemwe bwakega imbere ya ba:nu, barorega ebikorwa byemwe byo bwana, korereki bakusye Esomwana unu ari mu rwire.

Matayo 5:16 ပူးပေါင်းရင်းမြစ်များ

Matayo 23:5

Joone jinu abhakora, abhakora korereki bharorwe na bhaanu. Abheebhoyaga ku‑bhisuusu na ku‑mabhoko jikobha jinene okukira bhya abhandi bhinu bhakaamire‑ko ebhiraagiro. Ka wone abhoongesya‑ko ebhisangʼarye bhya ku‑bhufunyiro bhwa emyenda jeebhwe bhibhe bhireera okukira bhya abhandi.

Matayo 23:9

Ka wone, musige okubha nimubhirikira omuunu woonewoone, ‘raata’ ku‑chaaro kunu, kwa okubha muri na Raata umwi era unu ari mu‑rwire.

Matayo 5:45

Mbe, mukakora kutyo, ejibhonekana ati, chimari emwe muri abhaana bha Esomwana unu ari mu‑rwire. Omwene niwe kaamirikira risuubha abhaanu abha ebhikorwa ebhibhiibhi na abha ebhikorwa bhya ekisi. Ka wone, kaagwisisya ingʼubha abharengeresi aamwi na bhanu bhatari bharengeresi.

Matayo 6:16

“Omwanya gunu omwiyima ebhiryo, obhusu bhwemwe bhwasiga okweresya obhusurumbaaye rwa kutyo abheerimaanya abhakora. Abheene abhasurumbara korereki abhaanu abhandi bhabharore ati, bheeyimire ebhiryo. Ni chimari enibhabhwira ati, bhaamarire okuramira omuyeero gwebhwe gwone.

Matayo 6:9

Kurwa ejo, emwe musabhwega Nyamuwanga nimwayika ati, ‘Raata weeswe unu uri mu‑rwire, risiina ryawo rikusibhwe. Obhukama bhwawo bhuuje.

Matayo 9:8

Abhaanu bhejire bhaarora ejo, nibharuguura na okuubhaya muno. Nibhakusya Nyamuwanga unu ayaaye abhaanu obhuturo bhwa imbaga eyo.

Ruuka 11:2

Yeesu ˆnaabhabhwira ati, “Omwanya gunu muraasabhwega Nyamuwanga, mwayikega ati, ‘Raata [weeswe unu uri mu‑rwire], risiina ryawo rikusibhwe. Obhukama bhwawo bhuuje. [Okwenda kwawo kukorekane mu‑chaaro munu, rwa kutyo okukorekana mu‑rwire eyo.]

Yowana 15:8

Araabha mukatwasya amatwasyo maafu na okubha abheeyigisibhwa bhaani bha echimari, omubha nimweresya abhwerubhweru rikusyo rya Raata waani.

Ebikorwa 9:36

Mu‑musi gwa Yoopa aariga ari‑mo omugasi umwi, omwiyigisibhwa wa Raatabhugenyi Yeesu, risiina ryaye aatogwaga Tabhiija, mu‑nyaayika ya Echiyunaani, risiina rinu ni Dorikaasi. Tabhiija aariga ˆnaasakira abhanare, na okukora ebhikorwa ebhindi bhya ekisi.

1 Bakorinto 14:25

Jinu jiiserekere mu‑mwoyo gwaye, ejibha abhweru, niwo keefukama na okwinamya obhusu okukinga aasi okuramya Nyamuwanga, ˆnaayika ati, “Chimari Nyamuwanga ari agati yeemwe!”

2 Bakorinto 9:13

Bharikusya Nyamuwanga, kwa okubha omurimu gwemwe ogweresya ati, muri bhakosi bha ekisi. Ka wone bharimukusya ku‑songa ya obhugayuki bhwemwe mu‑kwikirisya Emisango ja Ekisi inguru ya Kirisito, na ku‑songa ya obhufura bhwemwe bhwa okubhasakira na okusakira abhandi bhoone.

Bagalatia 1:24

Mbe, nibhakusya Nyamuwanga inguru ya jinu aariga ankoreeye.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Baefeso 5:8

Okubha, omwanya gunu guturire, emwe mwariga muri chisuute, tari woori anu muri bhweru mu‑kubha na obhumwi na Raatabhugenyi. Mbe muramega rwa abhaana bha obhweru,

1 Batesalonika 2:12

korereki murame rwa kutyo Nyamuwanga keenda. Nyamuwanga niwe kaabhabhirikira korereki mwingire mu‑bhukama na mw‑ikusyo ryaye.

1 Timoteo 2:10

Tari, bhakore ebhikorwa bhya ekisi, bhinu bhiiyire ku‑bhagasi bhanu bheekirisiisye okuramya Nyamuwanga.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

1 Timoteo 5:25

Kutyokutyo, ebhikorwa bhya ekisi ebhibhonekana abhweru. Nyabhuriko bhinu bhiiserekere, bhirituurwa abhweru.

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

Tiito 3:14

Abheejaasu bhoone, bheeyigire okwikomeesye okukora ebhikorwa bhya ekisi, korereki bhabhe na obhuturo bhwa okusakira abhaanu bha obhukene bhwa bhusibhusi. Bhaakakora kutyo obhurame bhwebhwe bhutaribhurwa amatwasyo.

Tiito 3:4

Nawe Nyamuwanga Omuchungusi weeswe, ꞉eeresiisye bhwa ekisi na eryenda ryaye ku‑bhaanu na okuchichungura.

Baeburania 10:24

Ka wone cheenderwe chisimbiisyanye eswe abheene kwa abheene, korereki cheendane na okukoreraniraga eja ekisi.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

1 Petero 3:1

Nyabhuriko, emwe abhagasi bhanu mutwawe, mugayuke abharume bheemwe, korereki araabha bhari‑wo abharume bhanu bhatakwikirisya Emisango ja Ekisi, bhajiikirisye kwa okubha abharora jitungwa jeemwe ja ekisi. Kurwa ejo, abhatura okwikirisya Nyamuwanga noorwo bhatabhwiriiywe omusango.

1 Petero 3:16

Mubhega na emitima emyeru, korereki bhanu abhabhakuurisya amabhiibhi bhaakarora akatungiiywe keemwe ka ekisi ku‑Kirisito, bheesware.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.

1 Petero 4:14

Araabha mukafumwa ku‑songa ya risiina rya Kirisito, mumenye ati muyaaywe amabhando. Omusango ogwo, ogweresya ati Mwoyo wa Nyamuwanga owa rikusyo ari aamwi na emwe.