Matayo 4:24 - Indagano Inyaaya mu-Chijita

²⁴ Emisango inguru ya Yeesu nijiswirana muno, nijikinga mu‑chaaro choone cha Siiriya. Abhaanu nibhamureetera abharwaye bheebhwe bhoone bha amarwara ga bhuri imbaga. Mu‑bhaanu abho, bhaariga bhari‑mo bhanu bhaariga nibhanyaasibhwa muno, bhanu bhaariga bhawungirwe amasambwa, bhanu bhaariga nibhagwa echitwe na bhanu bhaariga bhafuuwe emibhiri. Yeesu ˆnaabhawosya bhoone.

INDAGANO INYA:YA

²⁴ Orukuma rwae nduswira Syamu yo:ne. Nibamure:tera bo:ne banu bariga barwae, na banu bagwatirwe jindwara jitasyanyisye, ne binya:syo, na banu baungirwe misambwa na be citwe na banu bafu:ye omubiri, nabaosya.

Matayo 4:24 ပူးပေါင်းရင်းမြစ်များ

Matayo 12:22

Mbe, abhaanu nibhareetera Yeesu omuunu unu aariga awungirwe risambwa. Omuunu oyo aariga ari muwofu, ka wone ari omujibhi. Yeesu ˆnaamuwosya, ˆnaamba okwayika na okurora rindi.

Matayo 14:1

Ku‑mwanya ogwo, Yeroode Atipaasi, niwe aariga ari mukama wa omukoowa gwa Gariraaya. Ejire oongwa inguru ya ebhikorwa bhinu Yeesu aariga ˆnaakora,

Matayo 15:22

Niwo ˆnaabhugana na Omukanaanigasi umwi, aariga ari mwinengo wa enda‑wo. ˆNaaja ku‑Yeesu, ˆnaamura obhuraka, ˆnaamubhwira ati, “Raatabhugenyi, Omwana wa Dawudi, unfwire echigongo! Omuyaasya waani awungirwe risambwa, ryamunyaasiisye muno.”

Matayo 17:15

ˆNaabhwira Yeesu ati, “Raatabhugenyi, enisabhwa ufwire echigongo omwana waani! Okubha kaagwa echitwe na obhurwaye obhwo obhumunyaasya muno. Okwiya kaafu kaagwaga mu‑muriro amwi mu‑manji.

Matayo 17:18

Bhejire bhaamukingya, Yeesu ˆnaagonya risambwa rinu ryariga riri mu‑mubhiri gwaye, nirisooka‑mo. Awoawo, omwana oyo ˆnaawora.

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Matayo 8:28

Yeesu ejire aambuka inyanja, ˆnaakinga ku‑ngego ya echaaro cha Abhagadara. ˆNaabhugana na abhaanu bhabhiri bhanu bhaariga bhawungirwe amasambwa, nibhasookaga mu‑bhituuro, munu bhaariga bheekaaye. Bhoone ku‑bhubhiri bhwebhwe, bhaariga bhari bharuru muno, na abhaanu bhoobhayaga okutura ku‑njira okwo.

Matayo 8:33

Omwanya gunu abhareefi bha jimbiiji ꞉bhaarorere ejo, nibhabhirima nibhagenda mu‑musi. Nibharaasisya abhaanu emisango joone jinu ꞉jaakorekeene na chinu ꞉chaakorekeene ku‑bha amasambwa bharya.

Matayo 8:6

Omuunu oyo, ˆnaamwirembeeresya, ˆnaayikaga ati, “Raatabhugenyi, iika ewaani eyo, omugaya waani amaamire era, afuuwe omubhiri, kaasibhwa muno.”

Matayo 9:26

Emisango ejo, nijiswirana ku‑chaaro chirya choone.

Matayo 9:35

Mbe, Yeesu aaturaga enu na erya mu‑misi joone na mu‑nguuyo. Woonewoone anu aariga ˆnaatura, eengiraga mu‑nju ja ameekofyanyo geebhwe na okwiyigisya abhaanu. Ka wone, aaraasyaga Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga bhuri mbaga.

Mariko 1:28

꞉Gutaaturire omwanya omureera, abhaanu okusooka mu‑mukoowa gwone gwa Gariraaya nibhabha bhoonguuwe emisango inguru ya Yeesu.

Mariko 1:32

Orusuku orwo keegoro, Isabhaato yejire yaatura, abhaanu bha mu‑musi omwo nibhareetera Yeesu abharwaye bhaafu, na bhanu bhaariga bhawungirwe amasambwa.

Mariko 2:3

Omwanya gunu aaraasyaga, nibhaaja abhaanu bhana, bhayangire kw‑iraro omuunu unu aariga afuuwe omubhiri.

Mariko 2:4

Nibhataamibhwa okumwingisya anu Yeesu aariga ari, ku‑songa ya echise echinene cha abhaanu. Nibhariinya ku‑rusara rwa inju, nibhafumura orusara obhwima na anu Yeesu aariga ari, nibhooromosya omurwaye ari kw‑iraro.

Mariko 2:9

Angu, ni guuya omwangu okukira ogundi, okubhwira oyo ati, ‘Waafwirwa echigongo ebhibhiibhi bhyawo,’ amwi okumubhwira ati, ‘Imereeguru, gega riraro ryawo, uribhate’?

Ruuka 2:2

Okubharwa kunu, nikwo kwariga kwa okwamba na ꞉kwabheeye‑wo omwanya gunu Kireniyo aariga ari musiibha wa Siiriya.

Ruuka 4:14

Neeya Yeesu ˆnaasubha mu‑mukoowa gwa Gariraaya, eejuuywega na obhuturo bhwa Mwoyo Mweru. Emisango inguru ya Yeesu, nijiswirana mu‑chaaro echo choone.

Ruuka 4:38

Mbe, Yeesu ˆnaasooka mu‑nju ya eriikofyanyo rya Abhayawudi, ˆnaagenda ewa Simooni, ˆnaasongʼana nyaabhuko Simooni arwaye, ari na omuswija mwafu. Nibhasabhwa Yeesu amuwosye.

Ruuka 5:15

Noorwo kutyo, emisango ja Yeesu ja okwesya omugenge oyo, nijigenderera okuswirana muno. Abhaanu bheekofyanyaga, korereki bhategeresye ameeyigisyo gaaye, na okuwosibhwa amarwara geebhwe.

Ruuka 5:24

Nawe eneenda mumenye ati, anye Omwana wa Omuunu niyaaywe obhuturo bhwa okufwira echigongo ebhibhiibhi mu‑chaaro munu.” Neeya Yeesu ˆnaabhwira omuunu unu aariga afuuwe omubhiri ati, “Enikubhwira ati, imereeguru! Ugege riraro ryawo, ugende iika ewaawo.”

Ruuka 7:17

Emisango ejo, nijimenyekana muno mu‑mukoowa gwone gwa Yuudeya, na mu‑mikoowa ejindi jinu jaariga jisiijeene nagwo.

Yowana 10:21

Nawe abhandi nibhaayika ati, “Emisango ejo jitakusooka ku‑muunu unu ari na risambwa. Angu, risambwa eritura okukora omuwofu arore?”

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ebikorwa 15:23

“Eswe jitumwa aamwi na abhakaruka bha rikanisa, echibhakeesya emwe abheekirisya bhanu mutari Bhayawudi, bhanu muri mu‑musi gwa Atiyookiya, na emikoowa ja Siiriya na Kiriikiya.

Ebikorwa 15:41

Nibhaja mu‑mikoowa ja Siiriya na Kiriikiya, nibhakomeesyaga abheekirisya.

Ebikorwa 28:9

Okuruubhana na echikorwa echo, abharwaye abhandi bhoone kw‑isinga okwo, nibhaaja ku‑Pawuro, ˆnaabhawosya wone.

Ebikorwa 8:7

Firipo aariga ˆnaasoosya‑ko amasambwa ku‑bhaanu bhaafu, amasambwa ago gaabhasookaga‑ko nigamwaya. Ka wone aawosyaga abharema bhaafu na bhanu bhaariga bhafuuwe emibhiri.