Matayo 4:23 - Indagano Inyaaya mu-Chijita

²³ Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

INDAGANO INYA:YA

²³ Yesu naswisya Galilaya yone neigisyaga mu mekofyanyisyo gebwe, nasimura ebigambo byo bwana byo bukama, naosya jindwara jo:ne no bugo:bo:ke bwone mu ba:nu.

Matayo 4:23 ပူးပေါင်းရင်းမြစ်များ

Matayo 11:5

Mumubhwire ati, abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa na abhataka abharaasibhwa Emisango ja Ekisi ja Nyamuwanga.

Matayo 12:9

Yeesu ˆnaasooka awo, ˆneengira mu‑nju ya eriikofyanyo ryebhwe.

Matayo 13:19

Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye.

Matayo 13:54

Ejire aakinga Najareeti mu‑musi gwa ewaabho, ˆnaamba okwiyigisya abhaanu mu‑nju ya eriikofyanyo ryebhwe. Abhaanu nibharuguura muno, nibhabhuusyanya ati, “Omuunu unu abhwene aaki obhwengeeso bhunu? Ka wone, abhwene aaki obhuturo bhwa okukora ebhiruguusyo bhinu?

Matayo 14:14

Mbe, ejire aakinga, ˆneeka okusooka mu‑ngama, ˆnaarora echise chinene cha abhaanu. ˆNaabhafwira echigongo ˆnaawosya abharwaye bheebhwe.

Matayo 24:14

Ku‑bhuteero, Emisango ja Ekisi inguru ya obhukama bhwa mu‑rwire jiriraasibhwa ku‑chaaro choone. Ku‑mwanya ogwo abhaanu bhoone bharibha na omwanya gwa okuungwa obhubhambaasi obhwo, niwo obhuteero bhwa echaaro bhurikinga.

Matayo 3:2

“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Matayo 9:35

Mbe, Yeesu aaturaga enu na erya mu‑misi joone na mu‑nguuyo. Woonewoone anu aariga ˆnaatura, eengiraga mu‑nju ja ameekofyanyo geebhwe na okwiyigisya abhaanu. Ka wone, aaraasyaga Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga bhuri mbaga.

Mariko 1:14

Nijitura siku nyafu, Yowana ˆnaabhoywa mw‑ibhoyero. Omwanya gunu aariga ari mw‑ibhoyero, Yeesu ˆnaagenda mu‑mukoowa gwa Gariraaya, ˆnaaraasyaga Emisango ja Ekisi ja Nyamuwanga.

Mariko 1:21

Niwo Yeesu na abheeyigisibhwa bhaaye abhana abho nibhagenda mu‑musi gwa Kaperinaawumu. Orusuku rwa Isabhaato rwejire rwakinga, nibheengira mu‑nju ya eriikofyanyo rya Abhayawudi, Yeesu ˆnaamba okwiyigisya.

Mariko 1:39

Niwo ˆneeyinda mu‑mukoowa gwone gwa Gariraaya na okuraasya mu‑nju ja ameekofyanyo geebhwe, enu ˆnaasoosyaga amasambwa mu‑bhaanu.

Mariko 3:10

Abharwaye bhaariga nibhayigana korereki bhamukuunʼye‑ko, kwa okubha aariga awosiisye bhaafu.

Mariko 6:2

Orusuku rwa Isabhaato rwejire rwakinga, ˆnaamba okwiyigisya abhaanu mu‑nju ya eriikofyanyo. Abhaanu bhaafu bhanu ꞉bhaamutegeresiisye bhaariga nibharuguura, nibhabhuusyanyaga ati, “Yego! Ka unu abhwene aaki emisango jinu joone? Ka wone, abhwene aaki obhwengeeso bhwone bhunu na obhuturo bhwa okukora ebhiruguusyo rwa ebhyo?

Mariko 6:6

ˆNaaruguura muno, kwa okubha abhaanu abho bhaariga bhatari na eriikirisya noorwo na akatyari. Niwo Yeesu ˆneeyindaga mu‑nguuyo ja ayeeyi okwiyigisya abhaanu.

Ruuka 10:9

Abharwaye bhanu bhari mu‑musi ogwo, mubhawosye. Mubhwire abhaanu bhoone ati, ‘Obhukama bhwa Nyamuwanga bhwakingire kw‑imwe.’

Ruuka 13:10

Rusuku rumwi, ruri rusuku rwa Isabhaato, Yeesu aariga ari mu‑nju ya eriikofyanyo, ˆneeyigisyaga abhaanu.

Ruuka 16:16

“Ebhiraagiro bhya Muusa na ebhikaame bhya abharagi, bhyariga nibhigayukwa na abhaanu okukingira omwanya gwa Yowana Omubhatiija. Okusookerera omwanya ogwo, Emisango ja Ekisi inguru ya obhukama bhwa Nyamuwanga, jaariga nijiraasibhwa, na abhaanu bhoone abhakomeeresibhwaga okujigayuka.

Ruuka 20:1

Rusuku rumwi, omwanya gunu Yeesu aariga ari mu‑rubhuga rwa Riyekaru rya Nyamuwanga ˆneeyigisyaga abhaanu, na okubharaasisya Emisango ja Ekisi, abhakuru bha abhagabhisi, abheeyigisya bha ebhiraagiro bhya Muusa aamwi na abhakuru bha Abhayawudi nibhamuuja‑ko.

Ruuka 4:14

Neeya Yeesu ˆnaasubha mu‑mukoowa gwa Gariraaya, eejuuywega na obhuturo bhwa Mwoyo Mweru. Emisango inguru ya Yeesu, nijiswirana mu‑chaaro echo choone.

Ruuka 5:17

Rusuku rumwi, omwanya gunu Yeesu aariga ˆneeyigisya abhaanu mu‑nju, Abhafarisaayo aamwi na abheeyigisya bha ebhiraagiro bhya Muusa wone bhaariga bhari‑mo bheenyanjirega. Bhaariga bheejire okusooka mu‑nguuyo joone ja Gariraaya na Yuudeya, noorwo abhandi bhaariga bhasookere mu‑musi gwa Yerusareemu. Yeesu aariga ari na obhuturo okusooka ku‑Raatabhugenyi Nyamuwanga, korereki awosye abharwaye.

Ruuka 6:17

Yeesu ˆneeka okusooka ku‑chiima, aamwi na jitumwa jaaye. Ejire aakinga ku‑seerera, ˆneemereeguru. Ku‑seerera awo niwo bhaariga bheekumanyiisye abheeyigisibhwa bhaaye bhaafu na echise cha abhaanu abhandi okusooka mbaara joone ja omukoowa gwa Yuudeya na mu‑musi gwa Yerusareemu, na okusooka ku‑ngego ya emisi ja Tiiro na Sidooni. Abhaanu abho ꞉bheejire awo, okutegeresya Yeesu na okuwosibhwa amarwara geebhwe.

Ruuka 6:6

Orusuku orundi rwa Isabhaato, Yeesu ˆneengira mu‑nju ya eriikofyanyo rya Abhayawudi, ˆnaamba okwiyigisya abhaanu. Mu‑nju omwo, aariga ari‑mo omuunu umwi, unu okubhoko kwaye kwa ebhuryo kwariga kufuuwe.

Ruuka 7:21

Ku‑mwanya ogwoogwo, Yeesu aariga ˆnaawosya abhaanu bhaafu amarwara geebhwe. Aariga ˆnaawosya abhaanu bhanu bhaariga bhawungirwe na amasambwa. Ka wone ˆnaayaana abhawofu bhaafu obhuturo bhwa okurora.

Ruuka 7:22

Niwo, Yeesu ˆnaabhasubhya ati, “Mugende mubhwire Yowana joone jinu mwarora na okuungwa. Mumubhwire ati abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa, na abhataka abharaasibhwa Emisango ja Ekisi ja Nyamuwanga.

Ruuka 8:1

Ejo jejire jaawa, Yeesu ˆnaasooka‑wo ˆnaaturaga mu‑misi na mu‑nguuyo. Aariga ˆnaaraasisya abhaanu Emisango ja Ekisi ja obhukama bhwa Nyamuwanga bhuri rubhaara. Aariga ˆnaaruubhana na abheeyigisibhwa bhaaye ekumi na bhabhiri.

Ruuka 9:11

Nawe abhaanu bhejire bhaamenya orubhaara runu ꞉aajiiye, nibhamuruubha. ˆNaabhakuma, ˆnaamba okubheeyigisya emisango inguru ya obhukama bhwa Nyamuwanga. Abharwaye mu‑bhaanu abho, bhaawosibhwaga.

Ruuka 9:60

Nawe Yeesu ˆnaamusubhya ati, “Siga bhanu bhafuuwe echinyamwoyo bhasiike abhafuuwe bheebhwe. Nawe awe, genda uraasisye abhaanu emisango inguru ya obhukama bhwa Nyamuwanga.”

Yowana 18:20

Yeesu ˆnaamusubhya ati, “Naariga ninaayika na abhaanu bhoone abhwerubhweru. Omwanya gwone naariga niniiyigisya abhaanu mu‑nju ja ameekofyanyo geemwe na mu‑rubhuga rwa Riyekaru munu Abhayawudi bhaafu abheekumanya aamwi. ꞉Nitaayikire wuri musango gwonegwone mu‑bhumbise.

Yowana 6:59

Yeesu ꞉aayikire emisango ejo, omwanya gunu aariga ˆneeyigisya mu‑nju ya eriikofyanyo rya Kaperinaawumu eyo.

Yowana 7:1

Ejo jejire jaawa, Yeesu ˆnaamba okwiyinda mu‑mukoowa gwa Gariraaya. ꞉Ateendere okwiyinda mu‑mukoowa gwa Yuudeya, kwa okubha abhatangasya bha Abhayawudi bhaayenjaga okumwita.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ebikorwa 18:4

Bhuri orusuku rwa Isabhaato, Pawuro aaregeejaga okukongya Abhayawudi aamwi na Abhayunaani mu‑nju ya eriikofyanyo rya Abhayawudi.

Ebikorwa 20:25

“Omumenya, naariga nintura agati yeemwe okubheeyigisya inguru ya obhukama bhwa Nyamuwanga. Nawe woori, enimenya ati emwe bhoone mutarindora rindi.

Ebikorwa 28:31

Aariga ˆneeyigisya abhaanu kwa ribhaasi inguru ya obhukama bhwa Nyamuwanga na inguru ya Raatabhugenyi Yeesu Kirisito, okugaanywa na omuunu wuri.

Barumi 10:15

Ka wone, abhaanu abhatura kutiki okuja okuraasya emisango ejo araabha bhachaariga okutumwa? Rwa kutyo Ebhikaame Ebhyeru ebhyayika ati, “Okukinga kwa omuunu unu kaareeta Emisango ja Ekisi, kurikondisyaga abhaanu bhanu bharimutegeresya!”