Matayo 4:10 - Indagano Inyaaya mu-Chijita

¹⁰ Nawe Yeesu ˆnaamusubhya ati, “Sooka anu, Syetaani! Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”

INDAGANO INYA:YA

¹⁰ Mbe Yesu namubwira ati, So:kayo Syetani, okuba gwandikirwe ati, Ramyaga Esobugenyi Nyamuanga, oyo niwe uko-rerega:ra.

Matayo 4:10 ပူးပေါင်းရင်းမြစ်များ

Matayo 16:23

Nawe Yeesu, ˆneekebhuukira, ˆnaabhwira Peetero ati, “Sooka anu Syetaani! Owuregeeja okunyingirira okukora jinu Nyamuwanga keenda! Awe utakwiganirisya jinu jiri ja Nyamuwanga, tari wiganirisya jinu jiri ja abhaanu.”

Mariko 1:13

ˆNaabha eyo masuubha makumi gana, ˆnaaregeejibhwaga na Syetaani. Aariga ari aamwi na jityanyi ja mw‑ibhara, wone bhamaraayika bha Nyamuwanga bhaariga nibhamusakira.

Ruuka 10:18

Yeesu ˆnaabhasubhya ati, “꞉Naarorere Syetaani ˆneeka rwa orurabhyo okusooka mu‑rwire.

Ruuka 11:18

Nikwo kutyo jiri ati, araabha Syetaani, keerwana omwene, obhukama bhwaye obhubha bhusokeene. Obhukama bhwaye obhutura kutiki okugenderera okubha‑wo? “Enaayika kutyo kwa okubha omwayika ati, enisoosya‑ko amasambwa ku‑bhuturo bhwa Bherijebhuuri.

Ruuka 13:16

Mbawo, omugasi unu ni wa mu‑ruganda rwa Bhurayimu, aamarire emiguuga ekumi na etaanu na esatu, abhoyerwega na Syetaani. Mbe, omwene wone jiteenderwe asuruumurwe okusooka mu‑ndwara ku‑rusuku rwa Isabhaato?”

Ruuka 22:3

Mbe, Yuuda Isikariyooti, umwi wa abheeyigisibhwa ekumi na bhabhiri bha Yeesu, ˆneengirwa na Syetaani mu‑mwoyo.

Ruuka 22:31

Yeesu ˆnaayika ati, “Simooni awe, Simooni awe, tegeresya! Nuumenye kisi ati, Syetaani eekirisiibhwe okubharegeeja emwe bhoone. Aribhakora rwa kutyo omuunu kaawungura obhuro.

Ruuka 4:8

Yeesu ˆnaamusubhya ati, “Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”

Yowana 13:27

Yuuda ejire aaramira akabhaara ka omukaate ako, awoawo Syetaani ˆnaamwingira. Mbe, Yeesu ˆnaamubhwira ati, “Gunu oweenda okukora, nuugukore bhwangu!”

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Ebikorwa 5:3

Peetero ˆnaamubhuusya ati, “Awe Ananiiya! Ni kurwa ki Syetaani eengira mu‑mutima gwawo? Waabhwira Mwoyo Mweru orubheeyi na okubhisa‑ko ejindi jinu ꞉waabhwene ku‑bhugusi bhwa risambu ryawo.

1 Bakorinto 5:5

Musoosye omuunu oyo agati yeemwe na mumusige mu‑bhutungi bhwa Syetaani, korereki obhusimukwa bhwaye bhwa echibhiibhi bhunyamurwe, na omwene achungurwe orusuku rwa okusubha Raatabhugenyi Yeesu.

1 Bakorinto 7:5

Mwasiga okwimana, tari araabha mweekirisyanya okukora kutyo katungu kafuyi era, korereki mubhone omwanya gwa ekisi gwa okusabhwa Nyamuwanga. Mukamara ogwo, musubhirane rindi, korereki Syetaani aasiga okubharegeeja mukore obhuromesi kwa okubha mutakutura okwiyingirira.

2 Bakorinto 11:14

Omusango ogwo, gutari gwa okuruguusya, kwa okubha noorwo Syetaani omwene, keekora wuti ni maraayika wa obhweru.

2 Bakorinto 12:7

Nawe ꞉naayaaywe ebhinyaasyo mu‑mubhiri gwani bhinu bhiri rwa riiwa rinu erinsoma. Ebhinyaasyo ebhyo ni tumwa wa Syetaani unu ꞉aatumirwe annyaasye, korereki naasiga okwikuuya muno inguru ya emisango myafu ja okuruguusya jinu Raatabhugenyi answeruriiye.

2 Bakorinto 2:11

korereki Syetaani aasiga okuchiyiga, kwa okubha chimenyere kisi obhurigerige bhwaye.

Yakobo 4:7

Mbe, mugayukega Nyamuwanga. Nawe mubhe nimuyingirira Syetaani, niwo aribheeruka.

1 Petero 5:9

Mbe, mureme Syetaani, murumatane mu‑kwikirisya Nyamuwanga. Mumenye ati, abheekirisya abheejaanyu ku‑chaaro choone, wone abhanyaaka rwa emwe.