Matayo 3:7 - Indagano Inyaaya mu-Chijita

⁷ Nawe Yowana ejire aarora Abhafarisaayo na Abhasadukaayo bhaafu nibhamuuja‑ko, korereki abhabhatiije, ˆnaabhabhwira ati, “Emwe orwibhuro rwa jinjoka! Niga unu ꞉aabhabhwiriiye ati, omutura okwikenga indamu ya Nyamuwanga inu iriija, kwa okubhatiijibhwa era?

INDAGANO INYA:YA

⁷ Nawe wejire abarora Abafarisayo ba:fu na Basadukayo ba:fu niba:ja okubatijibwa nababwira ati, Emwe orwiburo rwa jinjoka, niga unu abakabusisye okwiruka risungu rinu eryendo:ku:ja?

Matayo 3:7 ပူးပေါင်းရင်းမြစ်များ

Matayo 12:24

Nawe omwanya gunu Abhafarisaayo ꞉bhoonguuwe ejo, nibhaayika ati, “Omuunu unu, kaasoosya‑ko amasambwa ku‑bhuturo bhwa Bherijebhuuri, omukuru wa amasambwa goone.”

Matayo 12:34

Emwe orwibhuro rwa jinjoka! Omutura kutiki okwayika emisango ja ekisi keenu muri bhabhiibhi? Omuunu kaayika jinu jiijuuye mu‑mwoyo gwaye.

Matayo 15:12

Niwo abheeyigisibhwa bha Yeesu nibhamujaa‑ko, nibhamubhuusya ati, “Angu, owumenya ati Abhafarisaayo omwanya gunu ꞉bhoonguuwe emisango jaawo, ꞉bhaabhiyiiywe muno?”

Matayo 16:1

Niwo Abhafarisaayo na Abhasadukaayo nibhaaja ku‑Yeesu okumuregeeja. Nibhamusabhwa akore echibharikisyo cha okweresya ati, asookere ku‑Nyamuwanga.

Matayo 16:6

Yeesu ˆnaabhabhwira ati, “Mwikenge echifwimbya cha Abhafarisaayo na Abhasadukaayo.”

Matayo 22:15

Mbe, Abhafarisaayo nibheekumanya okwayikana kutyo abhatura okuteganya Yeesu kwa emisango jaaye.

Matayo 22:23

Orusuku orwoorwo, Abhasadukaayo abharebhe nibhaaja ku‑Yeesu. Abhasadukaayo abheeyigisyaga ati Nyamuwanga atarisuurura abhaanu okusooka mu‑bhafuuwe. Niwo nibhabhuusya Yeesu ati,

Matayo 22:34

Abhafarisaayo bhejire bhoongwa ati Yeesu aariga ayigire Abhasadukaayo mu‑bhwayiki bhwaye, nibheekumanya aamwi.

Matayo 23:33

Emwe muri njoka na muri rwibhuro rwa jinjoka! Muriiruka kutiki indamu ya Nyamuwanga ya okweswa mu‑muriro gwa akajaanende koone?

Matayo 5:20

Mbe, enibhabhwira ati, araabha obhurengeresi bhwemwe bhutakukira obhurengeresi bhwa Abhafarisaayo na obhwa abheeyigisya bha ebhiraagiro bhya Muusa, mutaringira noorwo na akatyari mu‑bhukama bhwa mu‑rwire.

Mariko 12:13

Niwo abhatangasya bha Abhayawudi nibhatuma Abhafarisaayo abharebhe aamwi na abharuubhirisya bha omukama Yeroode Atipaasi, bhateganye Yeesu okuruubhana na emisango jaaye omwene.

Mariko 12:18

Niwo Abhasadukaayo abharebhe nibhaaja ku‑Yeesu. Abheene abheeyigisyaga ati, bhutari‑wo obhusuuruko bhwa abhafuuwe. Nibheeya, nibhamubhuusya ati,

Mariko 8:15

Yeesu ˆnaabhakengya ati, “Mwiyangarire muno na okwikenga echifwimbya cha Abhafarisaayo na echa Yeroode.”

Ruuka 16:14

Mbe, Abhafarisaayo bhejire bhoongwa emisango ja Yeesu ejo, nibhamugaya, kwa okubha bhaariga bheendere jipirya muno.

Ruuka 18:11

“Bhejire bhaakinga, Omufarisaayo ˆneemereeguru eenyere ku‑mbari, ˆnaasabhwa ati, ‘Enikusiima Nyamuwanga, kwa okubha anye nitari owa ebhibhiibhi rwa abhaanu abhandi. Abhaanu abhandi ni bhasaakusi, abhajabhi, na abharomesi, noorwo nitari rwa omutobhesya wa rigooti oyo!

Ruuka 7:30

Nawe Abhafarisaayo na abheeyigisya bha ebhiraagiro bhya Muusa, nibharema jinu Nyamuwanga aariga ˆneenda, kwa okubha ꞉bhaaremere okubhatiijibhwa na Yowana.

Yowana 1:24

Mu‑bhaanu bhanu ꞉bhaatumirwe okuja ku‑Yowana, bhaariga bhari‑mo na Abhafarisaayo wone.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Yowana 9:40

Niwo, Abhafarisaayo abharebhe bhanu bhaariga bharya‑wo, bhejire bhoongwa emisango ejo, nibhamubhuusya ati, “Angu, owaayika ati, noorwo eswe chiri bhawofu?”

Ebikorwa 15:5

Awo Abhafarisaayo abharebhe bhanu ꞉bheekirisiisye Yeesu nibheemereeguru, nibhaayika ati, “Bhanu bhatari Bhayawudi wone ni bhusibhusi bhatendwe, bhabhwirwe ati, bhabhe nibhagayuka ebhiraagiro bhya Muusa.”

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

Ebikorwa 26:5

Abheene bhaammenyere kisi kwa emiguuga myafu. Bhaakeenda abhatura okusoosya obhubhambaasi ati anye naariga niri Omufarisaayo. Abhafarisaayo nibho abharuubha obhutinge okukira obhumwi bhwone bhwa idiini yeeswe.

Ebikorwa 5:17

Omugabhisi omukuru na abheejaabho bhoone, bhanu bhaariga bhari Bhasadukaayo, ꞉bhaagwatirwe na orwiso muno inguru ya jitumwa.

Barumi 1:18

Nyamuwanga omwene keeresya abhwerubhweru okusooka mu‑rwire ati, kaayaana ebhitiibha abhaanu bhanu abhamurema na abhakora obhujabhi. Abhaanu abho abhayingirira echimari chaaye, okuruubhana na obhujabhi bhwebhwe,

Barumi 5:9

Woori, kwa okubha chibharirwe okubha abharengeresi imbere ya Nyamuwanga ku‑njira ya isagama ya Yeesu Kirisito, chimari chirichungurwa nage okusooka mu‑kuyaanwa ebhitiibha na Nyamuwanga.

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

Baeburania 11:7

Eriikirisya niryo ꞉ryakorere Nuuwu ˆnaagayuka Nyamuwanga, omwanya gunu Nyamuwanga ꞉aamukengiisye inguru ya emisango jinu jaariga jichaari okukorekana. ꞉Aakonjere echiinu rwa ingarabha inene, korereki achungure abhaanu bhaaye. Ku‑njira ya eriikirisya eryo, ˆneekindika okusooka ku‑bhaanu bha ku‑chaaro bhanu ꞉bhateekirisiisye Nyamuwanga, korereki bharamurwe. Ka wone, ku‑njira ya eriikirisya eryoeryo, Nyamuwanga ˆnaabhara Nuuwu okubha omurengeresi imbere yaaye.

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

1 Yoana 3:10

Nawe, omuunu woonewoone unu atakukora eja rirenga atari mwana wa Nyamuwanga, nyabhuriko omuunu unu atakwenda oweejaabho atari mwana wa Nyamuwanga. Obhwo nibhwo obhutaasyanya bhunu bhuri agati ya abhaana bha Nyamuwanga na abhaanu bha Syetaani.