Matayo 3:2 - Indagano Inyaaya mu-Chijita

² “Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

INDAGANO INYA:YA

² Na:ika ati, Mute, Okuba obukama bwa mu rwire bwafugee.

Matayo 3:2 ပူးပေါင်းရင်းမြစ်များ

Matayo 10:7

Mu‑kugenda kwemwe, muraasyega, nimwayikaga ati, ‘Obhukama bhwa mu‑rwire bhuri yeeyi!’

Matayo 11:20

Niwo Yeesu ˆnaamba okugonya abhaanu bha emisi jinu ꞉aakorere‑mo ebhiruguusyo bhyafu, kwa okubha abhaanu abho ꞉bhataataaye ebhibhiibhi bhyebhwe. ˆNaayikaga ati,

Matayo 12:41

“Ku‑rusuku rurya rwa indamu, abhaanu bha mu‑musi gwa Ninaawi bhariimereeguru imbere ya Nyamuwanga, aamwi na abhaanu bha riyimbo rinu. Abhaninaawi abho, bhariramura abhaanu bha riyimbo rinu ati, ni bhakosi bha ebhibhiibhi. Abheene ꞉bhaataaye ebhibhiibhi bhyebhwe, omwanya gunu ꞉bhoonguuwe Yoona ˆnaaraasyaga omusango okusooka ku‑Nyamuwanga. Woori enibhabhwira ati, anu, ari‑wo omuunu omukuru okukira Yoona.

Matayo 13:11

ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

Matayo 13:24

Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa omuunu unu ꞉aabhibhire jimbibho ja ekisi mw‑isambu ryaye.

Matayo 13:31

Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa akaro ka iyaradaari kanu omuunu ꞉aagegere na okukayamba mw‑isambu ryaye.

Matayo 13:33

Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa echifwimbya chinu omugasi kaagega na okusaasya mu‑syano ja ingano, ˆnaajituura mu‑madebhe gasatu. Echifwimbya echo, nichireterera jisyano joone okufwimba.”

Matayo 13:47

Yeesu ˆnaabhabhwira rindi echijekekanyo echindi, ˆnaayika ati, “Ka wone, obhukama bhwa mu‑rwire bhuri rwa rikokooro rinu abhakokoosi bheesere mu‑nyanja, nirikoma jiiswi ja bhuri mbaga.

Matayo 13:52

Omwene ˆnaabhabhwira ati, “Omwiyigisya woonewoone unu kaasombookerwa ebhiraagiro bhya Muusa na obhukama bhwa mu‑rwire, ari rwa omwene musi unu kaasoosya mw‑ibhiikiro ryaye ebhiinu ebhiyaaya na ebhikokoro.”

Matayo 18:23

“Enibhabhwira kutyo, kwa okubha obhukama bhwa mu‑rwire obhususana na omukama umwi unu ꞉eendere okumenya obhukumi bhwa jipirya na abhagaya bha obhutungi bhwaye.

Matayo 20:1

Yeesu ˆnaagenderera okwayika ati, “Obhukama bhwa mu‑rwire obhususana na omwene esambu unu ꞉eemukire mu‑ruguru ˆnaagenda okuyenja abhaanu bha okumukorera emirimu mw‑isambu ryaye rya emijabhiibhu.

Matayo 22:2

“Obhukama bhwa mu‑rwire obhususana na omukama umwi unu ꞉aakorereeye omwana waaye obhuregesi.

Matayo 23:13

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

Matayo 25:1

Niwo Yeesu ˆnaabhwira abheeyigisibhwa bhaaye echijekekanyo echindi ati, “Ku‑mwanya ogwo, obhukama bhwa mu‑rwire bhurisusana na abhayara ekumi bhanu ꞉bhaagegere jidara jeebhwe na okugenda okuramira omutwasi.

Matayo 25:14

Yeesu ˆnaagenderera okusoosya echijekekanyo echindi, ˆnaayika ati, “Ka wone, obhukama bhwa mu‑rwire bhurisusana na omuunu unu ꞉eendere okuja orugendo. Omwanya gunu aariga achaari kwamba orugendo rwaye, ˆnaabhirikira abhagaya bhaaye, ˆnaabhayaana obhuniibhi bhwaye, korereki bhabhwimereegururu.

Matayo 4:17

Ku‑mwanya ogwo, Yeesu ˆnaamba okuraasisya abhaanu ati, “Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Matayo 5:10

Bhari na ribhando bhanu abhanyaasibhwa ku‑songa ya okukora obhurengeresi, kwa okubha obhukama bhwa mu‑rwire ni bhwebhwe.

Matayo 5:3

“Bhari na ribhando abha obhukene na Nyamuwanga, kwa okubha obhukama bhwa mu‑rwire ni bhwebhwe.

Matayo 6:10

Okwenda kwawo kukorekane mu‑chaaro munu, rwa kutyo okukorekana mu‑rwire eyo.

Matayo 6:33

Woori emwe, muyenje okwamba obhukama bhwa Nyamuwanga na obhurengeresi bhwaye, na ebhindi ebhyo bhyone Nyamuwanga kaja okubhoongesisya.

Mariko 1:15

Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”

Mariko 1:4

Itumwa eyo aariga ˆnaatogwa Yowana Omubhatiija. Aariga ari mw‑ibhara ˆnaaraasisyaga abhaanu ati, “Mute ebhibhiibhi bhyemwe ku‑Nyamuwanga mubhatiijibhwe, korereki abhafwire echigongo ebhibhiibhi bhyemwe!”

Mariko 6:12

Abheeyigisibhwa bharya nibheemuka, nibhaamba okuraasisya abhaanu ati bhate ebhibhiibhi bhyebhwe.

Ruuka 1:16

Arisubhya Abhayisirayeeri bhaafu ku‑Nyamuwanga, Raatabhugenyi weebhwe.

Ruuka 11:20

Nawe, araabha anye enisoosya‑ko amasambwa ku‑bhuturo bhwa Nyamuwanga, mbe, mumenye ati, obhukama bhwa Nyamuwanga bhwabhakingiiye.

Ruuka 13:3

Enibhabhwira ati, jitari kutyo! Nawe araabha mukarema okuta ebhibhiibhi bhyemwe, nikwo kutyo emwe bhoone murisingaarika.

Ruuka 13:5

Enibhabhwira ati, jitari kutyo! Nawe araabha mukarema okuta ebhibhiibhi bhyemwe, nikwo kutyo emwe bhoone murisingaarika.”

Ruuka 15:10

“Enibhabhwira ati, nikwo kutyo Nyamuwanga kaakonderwa imbere ya bhamaraayika, araabha omuunu umwi owa ebhibhiibhi akata ebhibhiibhi bhyaye na okubhisiga.”

Ruuka 15:7

“Enibhabhwira ati, nikwo kutyo riribha‑wo risandabha enene mu‑rwire, araabha omuunu umwi akata ebhibhiibhi bhyaye. Risandabha eryo, erikira rya abhaanu makumi gataanu na gana na bhataanu na bhana abharengeresi, bhanu bhatakukena okuta ebhibhiibhi.”

Ruuka 16:30

“Omuniibhi oyo, ˆnaamusubhya ati, ‘Wuri, raata Bhurayimu! Araabha omuunu akasooka mu‑bhafuuwe enu ˆnaabhajaa‑ko, niwo abhaja okuta ebhibhiibhi bhyebhwe.’

Ruuka 21:31

“Nyabhuriko, emwe wone aribha mwarora emisango ejo nijikorekana, mumenye ati, obhukama bhwa Nyamuwanga bhuri yeeyi.

Ruuka 24:47

Abhaanu bha amaanga goone okwambira Yerusareemu, bhariraasibhwa okuta na okufwirwa echigongo ebhibhiibhi bhyebhwe kwa risiina ryaye.

Ruuka 6:20

Yeesu ˆnaaringira abheeyigisibhwa bhaaye abho, ˆnaabhabhwira ati, “Muri na ribhando emwe abhataka, kwa okubha, emwe neemwe abhaanu bha obhukama bhwa Nyamuwanga.

Ruuka 9:2

Neeya ˆnaabhatuma bhagende okuraasisya abhaanu, emisango inguru ya obhukama bhwa Nyamuwanga, na okuwosya abharwaye.

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 26:20

꞉Naaraasisiisye okwamba abhaanu bha Damaasiko eyo na Yerusareemu na echaaro choone cha Yuudeya, ka wone ꞉naakingiiye abhaanu bhanu bhatari Bhayawudi. Naabhakomeeresyaga ati, bhate ebhibhiibhi bhyebhwe, bhayindukire Nyamuwanga. Ka wone okuta kwebhwe kweresibhwe na ebhikorwa bhyebhwe.

Ebikorwa 3:19

Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,

2 Bakorinto 7:10

Obhusurumbaaye bhunu obhusookana na obhukarariiye bhwa Nyamuwanga, obhukora abhaanu bhate ebhibhiibhi bhyebhwe. Okuta okwo, kutari musango gwa okuruguusya, kwa okubha okureeta obhuchungusi. Nawe obhusurumbaaye bhunu obhusookana na emisango ja echaaro, obhureeta orufu.

Bakolosai 1:13

Achichunguuye okusooka mu‑bhutungi bhwa echisuute, achifurusiisye okusooka omwo na okuchiingisya mu‑bhukama bhwa Omwana waaye omwendwa.

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

Baeburania 6:1

Ku‑songa eyo, chisige okubheera era ku‑meeyigisyo ganu ꞉cheeyigisiibhwe ku‑bhwambiro inguru ya Kirisito, tari chigenderere okwiyigira okukingira chirumatane mu‑riikirisya. Chisige okuumbaka rindi orufuka rwa ameeyigisyo ga okuta inguru ya ebhikorwa ebhijabhi bhinu ebhireeta orufu, na ameeyigisyo inguru ya okwikirisya Nyamuwanga.

2 Petero 3:9

Abhaanu abhandi abheetogera ati Raatabhugenyi kaakoora okukuumisya jinu ꞉aaragire, nawe atakukoora. Tari omwene keegumiirisya ku‑songa yeemwe, okubha atakwenda omuunu noorwo umwi abhure. Chinu keenda ni ati bhoone bhate ebhibhiibhi bhyebhwe.

Obhusweruro 2:21

Anye naamuyaana omwanya agwa okuta ebhibhiibhi bhyaye, nawe omwene atakwenda okusiga obhuromesi bhwaye.

Obhusweruro 2:5

Mwichuke kutyo mwariga muchaari okusiga eryenda ryemwe. Mukamara mute ebhibhiibhi bhyemwe, mukore rindi jinu mwariga nimukora omwanya gurya. Mukarema okuta, niribhaaja‑ko na okusoosya‑wo omutereko gwemwe gwa okutuura‑ko jidara.