Matayo 3:11 - Indagano Inyaaya mu-Chijita

¹¹ “Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

INDAGANO INYA:YA

¹¹ Ni cimari anye enibabatija mu manji kurwo kuta nawe oyo kaja inyuma yani ankisisye amanaga, nite:ire okugega ebikwirya byae. Oyo niwe aribabatija no Mwoyo Mweru no muriro.

Matayo 3:11 ပူးပေါင်းရင်းမြစ်များ

Matayo 3:6

Abhaanu abho, bhaariga nibhegamba ebhibhiibhi bhyebhwe na omwene ˆnaabhabhatiija mu‑musima gwa Yorodaani.

Mariko 1:4

Itumwa eyo aariga ˆnaatogwa Yowana Omubhatiija. Aariga ari mw‑ibhara ˆnaaraasisyaga abhaanu ati, “Mute ebhibhiibhi bhyemwe ku‑Nyamuwanga mubhatiijibhwe, korereki abhafwire echigongo ebhibhiibhi bhyemwe!”

Ruuka 1:17

Aritangata imbere ya Raatabhugenyi, aritangasibhwa na obhuturo bhwa omwoyo rwa ogwa omuragi Yeeriya. Arikora abhaana na bheesemwene bhoongwane, arikora bhanyatagayuka bhabhe na obhwiganirisya bhwa obhurengeresi na kwa okukora kutyo keeraabhira Raatabhugenyi abhaanu bhaaye.”

Ruuka 3:16

Nawe Yowana ˆnaabhasubhya ati, “Chimari anye enibhabhatiija mu‑manji era. Nawe ariija omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Ruuka 3:3

Yowana ˆneeyinda echaaro choone cha ku‑ngego ya ku‑musima gwa Yorodaani enu ˆnaaraasyaga omusango. Aariga ˆnaabhwira abhaanu ati, “Mute ebhibhiibhi bhyemwe ku‑Nyamuwanga mubhatiijibhwe, korereki abhafwire echigongo ebhibhiibhi bhyemwe!”

Yowana 1:15

Yowana ˆnaasoosisya omuunu oyo obhubhambaasi, ˆnaamura obhuraka, ˆnaayikaga ati, “Unu niwe naabhabhwiraga ati, ‘Kaaja omuunu inyuma yaani, ni mukuru okunkira, kwa okubha omwene aariga ari‑wo ku‑bhwambiro, kara anye nichaari kwibhurwa.’”

Yowana 1:30

Unu niwe naabhabhwiraga ati, ‘Kaaja omuunu inyuma yaani, ni mukuru okunkira, kwa okubha omwene aariga ari‑wo ku‑bhwambiro, kara anye nichaari kwibhurwa.’

Ebikorwa 1:5

Okubha, Yowana ꞉aabhatiijiisye abhaanu mu‑manji, nawe jisiku jitari nyafu emwe omuja okubhatiijibhwa kwa Mwoyo Mweru.”

Ebikorwa 19:4

Niwo Pawuro ˆnaabhabhwira ati, “Yowana aariga ˆnaabhatiija abhaanu bhanu bhaariga nibhata ebhibhiibhi bhyebhwe. Omwene ꞉aabheeyigisiisye ati, ari‑wo omuunu ariija inyuma yaaye, niwe Yeesu. Bhamwikirisye oyo.”

Ebikorwa 8:36

Omwanya gunu bhaariga nibhagenderera na orugendo ku‑njira eyo, nibhakinga anu gaariga gari amanji. Omukuru oyo ˆnaabhwira Firipo ati, “Rora, anu gari‑wo amanji! Niki chinu echinganya okubhatiijibhwa?” [

Ebikorwa 8:38

Awoawo ˆnaaragirira ribhirigiti rimereeguru. Niwo bhoone ku‑bhubhiri bhwebhwe nibheeka kw‑ibhirigiti, nibheengira mu‑manji ago, Firipo ˆnaamubhatiija.

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Tiito 3:5

꞉Ataachichunguuye kwa okubha ebhikorwa bhyeswe ni bhya obhurengeresi, tari ku‑chigongo chaaye era. ꞉Aachoosiisye obhujabhi bhweswe, ˆnaachiibhura bhuyaaya na Mwoyo Mweru ˆnaachikora okubha abhayaaya.

1 Petero 5:5

Nyabhuriko, emwe abhasigaji wone, mugayuke abhakaruka bha rikanisa. Emwe bhoone, abhasigaji na abhakaruka, bhuri muunu eekeeyega ku‑weejaabho na okusakirana. Mukore kutyo, kwa okubha jikaamirwe mu‑Bhikaame Ebhyeru ati, “Nyamuwanga kaayaajana na abha echigundu, tari bhanu abheekeeya, kaabhayaana obhwitiriranya.”