Matayo 28:20 - Indagano Inyaaya mu-Chijita

²⁰ na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

INDAGANO INYA:YA

²⁰ Nimube:igisya okugwata byone binu nabaragiriye emwe, na rora anye ndi aamwi nemwe kukinga ku bute:ro bwa maimbo.

Matayo 28:20 ပူးပေါင်းရင်းမြစ်များ

Matayo 1:23

“Ringira, omuyarajuma arijira inda, ariibhura omwana wa echirume. Risiina ryaye bharimutoga Manweri.” Obhugajuro bhwa risiina eryo ni ati, “Nyamuwanga ari aamwi na eswe.”

Matayo 13:49

Nikwo kutyo jiribha ku‑rusuku rwa obhuteero bhwa echaaro chinu. Bhamaraayika bhariija na okwawura abhakosi bha ebhibhiibhi na abhaanu abharengeresi imbere ya Nyamuwanga.

Matayo 18:20

Okubha, anu bhari abhaanu bhabhiri amwi bhasatu bheekofyanyiisye kw‑isiina ryani, anye wone niri aamwi nabho awo.”

Matayo 24:3

Neeya, Yeesu ˆnaagenda ku‑chiima cha Emijeyituuni, ˆneenyanja okwo. Abheeyigisibhwa bhaaye nibhamujaa‑ko bhwitebhe, nibhamubhuusya ati, “Chibhwire, emisango ejo jirikorekana rusuku ri? Ka wone, niki chinu chiribha echibharikisyo cha okusubha kwawo na echa okukinga obhuteero bhwa echaaro?”

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Mariko 16:20

Abheeyigisibhwa bhaaye bharya nibhasooka arya. Nibhagenda okuraasya Emisango ja Ekisi woonewoone. Raatabhugenyi Yeesu abhayaanaga amanaga ga okukora ebhibharikisyo. Nikwo kutyo aariga ˆneeresya emisango ejo ati ni ja chimari.]

Ebikorwa 2:42

Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

Ebikorwa 20:27

Okubha bhuri gunu Nyamuwanga eendaga mugumenye, naabhabhwiraga nitaabha na echiitimaato.

1 Bakorinto 11:2

Enibhakuuya kwa okubha omunyichuka ku‑misango joone, na omuruubha ameeyigisyo ganu ꞉naabheeyigisiisye.

1 Bakorinto 11:23

Ameeyigisyo ganu ꞉naaramiiye okusooka ku‑Raatabhugenyi Yeesu, nigo ganu ꞉naabhayaaye ati, ingeta inu ꞉aateeywe mu‑mabhoko ga abhasoko, ꞉aagegere omukaate,

1 Bakorinto 14:37

Araabha omuunu keerora ati ari na echiyaanwa cha okusoosya obhuragi, amwi ati ari na echiyaanwa echindi cha Mwoyo Mweru, asombookerwe ati, jinu enibhakaamira, ni maragiriro okusooka ku‑Raatabhugenyi.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

2 Timoteo 4:17

Nawe Raatabhugenyi Yeesu aariga ari aamwi na anye. ꞉Aanaaye amanaga ga okuraasya Emisango joone ja Ekisi, korereki abhaanu bhoone bhanu bhatari Bhayawudi wone bhajuungwe. Ka wone Yeesu ꞉aamonʼyiisye okusooka mu‑rufu, kwa okubha naariga wuti niri mu‑kanwa ka itare.

2 Petero 3:2

Eneenda mwichuke emisango jinu ꞉bhaayikire kara abharagi abheeru na wone jinu ꞉aaragiriiye Raatabhugenyi na Omuchungusi okutura ku‑tumwa jaaye.

Obhusweruro 1:18

Naanye unu niri omuwanga! Naariga nifuuwe, nawe woori, rora, niri omuwanga rindi akajaanende koone! Ka wone, anye niri na jinyiguriro ja orufu na ja nyombe.

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.