Matayo 28:19 - Indagano Inyaaya mu-Chijita

¹⁹ Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

INDAGANO INYA:YA

¹⁹ Mbe, mugende mukore amaanga go:ne kuba be:igisibwa, nimubabatija mwisi:na rya Rata ne ryo Mwana ne ryo Mwoyo Mweru,

Matayo 28:19 ပူးပေါင်းရင်းမြစ်များ

Matayo 13:52

Omwene ˆnaabhabhwira ati, “Omwiyigisya woonewoone unu kaasombookerwa ebhiraagiro bhya Muusa na obhukama bhwa mu‑rwire, ari rwa omwene musi unu kaasoosya mw‑ibhiikiro ryaye ebhiinu ebhiyaaya na ebhikokoro.”

Matayo 25:32

Abhaanu bha amaanga goone bhariikofyanya imbere yaani. Anye niribhataaganya rwa kutyo omureefi kaataaganya jinaama okusooka mu‑mbusi.

Ebikorwa 1:2

okukingira orusuku runu ꞉aagegerwe okugenda mu‑rwire. Achaari okugegwa, ꞉aasoosiisye amaragiriro okutura ku‑Mwoyo Mweru, ku‑tumwa jaaye jinu ꞉aawuuwe, inguru ya emirimu jinu abhaja okukora.

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ebikorwa 14:21

Pawuro na Bharinaabha ꞉bhaaraasiisye Emisango ja Ekisi ja Yeesu mu‑musi gwa Deeribhe na okubhona abheeyigisibhwa bhaafu. Ejo jejire jaawa nibhagenda, nibhaturaga mu‑misi ja Risitura, Yikoniya na Atiyookiya Pisiidiya.

Ebikorwa 2:41

Abhaanu wuti bhiwumbi bhisatu (3,000) nibheekirisya emisango ja Peetero, nibhabhatiijibhwa, nibhoongesibhwa ku‑chise cha abheekirisya abhandi bha Yeesu orusuku orwo.

Ebikorwa 28:28

ˆNaagenderera okwayika ati, “Mbe mumenye woori ati obhuchungusi bhunu bhusookere ku‑Nyamuwanga, obhusirwa ku‑bhaanu bhanu bhatari Bhayawudi. Abheene abhaja okugenderera okubhuramira!” [

Ebikorwa 9:18

Awoawo ebhiinu rwa amakanda nibhigwa okusooka mu‑meeso ga Saawuri, ˆnaarora rindi. Niwo ˆneemereeguru, ˆnaabhatiijibhwa.

Barumi 10:18

Mbe, araabha ni kutyo, siga nibhuusye ribhuusyo. Angu, Abhayisirayeeri bhachaariga okuungwa emisango ejo? Ni chimari ati ꞉bhaajuunguuwe, kwa okubha Ebhikaame Ebhyeru ebhyayika ati, “Jinu ꞉bhaayikire, ꞉jeetabhirisiibhwe mu‑chaaro choone, na emisango jeebhwe ꞉jaakingire mbaara joone ja echaaro.”

1 Bakorinto 15:29

Woori, abhaanu bhanu abhabhatiijibhwa inguru ya abhafuuwe, abheeyikanya okubhona echiinu ki? Araabha abhafuuwe bhatakusuururwa noorwo na akatyari, kurwa ki abhaanu abhabhatiijibhwa inguru ya abhafuuwe?

Bagalatia 3:27

Emwe bhoone bhanu ꞉mwabhatiijiibhwe, muri na obhumwi na Kirisito, muri wuti mufwaye Kirisito.

Baefeso 2:18

Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

1 Yoana 5:7

Ka wone, Mwoyo Mweru niwe kaasoosya obhubhambaasi ati ejo ni ja echimari, kwa okubha omwene niwe echimari.