Matayo 27:54 - Indagano Inyaaya mu-Chijita

⁵⁴ Omwangarisi wa abhasirikare aamwi na bhanu bhaariga nibhaangarira Yeesu bhejire bhaarora rinyamutikima rya echaaro na ejindi joone jinu ꞉jaakorekeene, nibhoobhaya muno, nibhaayika ati, “Chimari, omuunu unu aariga ari Mwana wa Nyamuwanga!”

INDAGANO INYA:YA

⁵⁴ Nawe uriya Omukuru wa basirikare na bariya bariga nage nibamurinda Yesu, be:jire barora eciyararo ca i:si, na binu byabeeo, nibo:baya muno, niba:ika ati, Unu ariri Mwana wa Nyamuanga cimari.

Matayo 27:54 ပူးပေါင်းရင်းမြစ်များ

Matayo 26:63

Nawe Yeesu ꞉ataasubhiisye omusango gwonegwone. Mbe, omugabhisi omukuru oyo ˆnaamubhwira rindi ati, “Enikurayisya kw‑isiina rya Nyamuwanga omuwanga, nuuchibhwire araabha naawe Kirisito, Omwana wa Nyamuwanga.”

Matayo 27:36

Nibheenyanja awo, korereki bhamwangarire.

Matayo 27:40

“Awe unu weeroraga ati ukafumiisye Riyekaru rya Nyamuwanga na okuryumbaka rindi ku‑mwanya gwa siku esatu, iwonʼya omwene. Mbe, araabha chimari uri Mwana wa Nyamuwanga, iika okusooka ku‑musarabha okwo!”

Matayo 27:43

Omwene keeyikanya Nyamuwanga, ꞉aayikire ati, ‘Anye ni Mwana wa Nyamuwanga.’ Mbe, Nyamuwanga amuwonʼye woori araabha chimari kaamwenda.”

Matayo 27:51

Awoawo, ripajiya rinu ryariga niryawukanya Ayeeru na Ayeeru a Ayeeru mw‑Iyekaru rya Nyamuwanga niryatika bhibhaara bhibhiri okusooka inguru okukingira emwaro. Ka wone, niritura rinyamutikima rinene rya echaaro rinu ꞉ryaretereeye amabhuyi okwatika.

Matayo 4:3

Niwo Syetaani ˆnaaja okumuregeeja. ˆNaamubhwira ati, “Araabha awe uri Mwana wa Nyamuwanga, indura amabhuyi ganu gabhe emikaate.”

Matayo 8:5

Omwanya gunu Yeesu ꞉eengiiye mu‑musi gwa Kaperinaawumu, omwangarisi umwi wa abhasirikare bha Echiruumi ˆnaamujaa‑ko.

Mariko 15:39

Omwangarisi wa abhasirikare unu aariga eemereeguuyu ˆnaaragamiraga Yeesu, ejire aarora kutyo Yeesu ꞉aafuuwe, ˆnaayika ati, “Chimari, omuunu unu aariga ari Mwana wa Nyamuwanga!”

Ruuka 22:70

Bhoone nibhabhuusya Yeesu rindi ati, “Nikwo okwayika ati, uri Mwana wa Nyamuwanga?” Yeesu ˆnaabhasubhya ati, “Emwe abheene mwamarire okwayika ati, anye niri Mwana wa Nyamuwanga!”

Yowana 19:7

Abhatangasya bha Abhayawudi abho nibhamusubhya ati, “Eswe chiri na echiraagiro. Okuruubhana na echiraagiro echo, keendwa eetwe, kwa okubha keekora wuti ni Mwana wa Nyamuwanga.”

Ebikorwa 10:1

Mu‑musi gwa Kayisaariya aariga ari‑mo omwangarisi wa abhasirikare, risiina ryaye aatogwaga Koroneeriyo. Oyo aariga eemereeguruuyu abhasirikare egana rimwi, okusooka mu‑chise echinene cha abhasirikare chinu chaatogwaga ati “Echise cha Yitaariya.”

Ebikorwa 2:37

Abhaanu abho bhejire bhoongwa emisango ejo, nibharumwa muno mu‑myoyo jeebhwe. Nibhabhuusya Peetero na jitumwa jeejaabho ati, “Abhayiri bhaasu, woori chikore kutiki?”

Ebikorwa 21:32

Awoawo, ˆnaagega abhasirikare aamwi na abhaangarisi bheebhwe, nibhabhirima okugenda ku‑bhaanu abho. Abhaanu abho bhejire bhaarora abhasirikare abho bhari aamwi na omukuru weebhwe oyo, nibhasiga okubhuma Pawuro.

Ebikorwa 23:17

Niwo Pawuro ˆnaabhirikira omwangarisi umwi wa abhasirikare, ˆnaamubhwira ati, “Sira omusigaji unu ku‑mukuru weemwe, ari na omusango gwa okumubhwira.”

Ebikorwa 23:23

Neeya omukuru urya ˆnaabhirikira abhaangarisi bhabhiri bha abhasirikare bhaaye, ˆnaabhabhwira ati, “Mwiraabhe abhasirikare magana gabhiri (200), abhasirikare makumi gataanu na gabhiri abha jifwaraasi na abhandi magana gabhiri (200) abha amachumu bhagende Kayisaariya saa esatu mu‑ngeta.

Ebikorwa 27:1

Feesito ejire aaragirira ati chigende na ingarabha mu‑chaaro cha Yitaariya, Pawuro na abhabhoywa abhandi nibhatuurwa mu‑mabhoko ga omwangarisi wa abhasirikare. Omwangarisi oyo, aatogwaga Yuriyo, omwene aariga ari wa echise chinu chaatogwaga ati “Echise cha Awuguusito.”

Ebikorwa 27:43

Nawe omwangarisi weebhwe aariga atakwenda Pawuro eetwe, ˆnaabhagaanya. ˆNaaragirira ati bhanu abhamenya okuwuga bheeyese mu‑manji, korereki bhaje ku‑chaaro.

Barumi 1:4

nawe kwa Mwoyo Mweru, Nyamuwanga ꞉aasorere Omwana waaye okubha owa obhuturo bhwone kwa okumusuurura okusooka mu‑bhafuuwe. Yeesu Kirisito oyo, niwe Raatabhugenyi weeswe.

Obhusweruro 11:13

Omwanya ogwoogwo, rinyamutikima rinene rya echaaro niritura, ribhaara rimwi kw‑ikumi rya omusi nirigwa. Rinyamutikima eryo nirireterera abhaanu bhiwumbi bhitaanu na bhibhiri (7,000) okufwa. Abhaanu bhanu ꞉bhaawonere, nibhoobhaya, nibhakuuya Nyamuwanga wa mu‑rwire.