Matayo 27:35 - Indagano Inyaaya mu-Chijita

³⁵ Nibhabhumiirira Yeesu ku‑musarabha, nibhagabhana emyenda jaaye kwa okwitongya. [Niwo omusango nigukuumira gunu ꞉gwayikirwe na owumwi wa abharagi inguru ya Yeesu ati, “꞉Bhaagabheene emyenda jaani, nibheetongya inguru ya omwingiro gwani.”]

INDAGANO INYA:YA

³⁵ Be:jire bamara okumubamba ku musaraba, nibagabana ebifwaro byae, nibe:tongya korereki cikumire cinu ca:ikirwe no muragi ati, Bagabene ebifwaro byani na ku kanju yani nibe:tongya.

Matayo 27:35 ပူးပေါင်းရင်းမြစ်များ

Ruuka 23:34

Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.” Abhasirikare abho bhejire bhaamara, nibhagabhana emyenda jaaye kwa okwitongya.

Yowana 20:20

Yeesu ejire aamara okubhabhwira ejo, ˆnaabheeresya amabhoko gaaye na orubhafu rwaye. Abheeyigisibhwa bhaaye bhejire bhaarora Raatabhugenyi, nibhakonderwa.

Yowana 20:25

Mbe, abheeyigisibhwa abhandi bharya nibhamubhwira ati, “Eswe chaarora Raatabhugenyi.” Nawe omwene ˆnaabhasubhya ati, “Anye nitakutura okwikirisya ejo nichaari okurora jingʼofu ja emisumaari mu‑bhiganja bhya amabhoko gaaye, na okukuunʼya mu‑ngʼofu ejo na echaara chaani, na okukuunʼya mu‑mbafu jaaye na okubhoko kwani.”

Yowana 20:27

Mbe, Yeesu ˆnaabhwira Tomaasi ati, “Awe Tomaasi, nuukuunʼye anu na echaara chaawo. Ringira ebhiganja bhyani. Nuukuunʼye na okubhoko kwawo mu‑rubhafu rwani. Usige okugenderera okurema okwikirisya, tari wiikirisye.”

Ebikorwa 2:23

Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.

Ebikorwa 4:10

emwe bhoone aamwi na Abhayisirayeeri abhandi bhoone, enikena mumenye echimari ati, unu eemereeguuyu imbere yeemwe ni muwanga, kwa obhuturo bhwa risiina rya Yeesu Kirisito Omunajareeti, unu emwe ꞉mwabhambire ku‑musarabha, nawe Nyamuwanga ꞉aamusuuruuye okusooka mu‑bhafuuwe.