Matayo 27:22 - Indagano Inyaaya mu-Chijita

²² Piraato ˆnaabhabhuusya rindi ati, “Mbe nikore kutiki Yeesu unu abhaanu abhatoga ati Kirisito?” Abhaanu bhoone nibhamwaya nibhaayikaga ati, “Mubhumiirire ku‑musarabha!”

INDAGANO INYA:YA

²² Pilato nababu:sya ati, ?Kambe Yesu unu katogwa Kristo, nije nimukore kutiki? Bo:ne niba:ika ati, Abambwe ku musaraba.

Matayo 27:22 ပူးပေါင်းရင်းမြစ်များ

Matayo 1:16

Yakobho ˆneebhura Jejefu, omurume wa Maryamu, na Maryamu niwe nyiramwene Yeesu unu kaatogwa Kirisito.

Matayo 27:17

Kurwa ejo, omwanya gunu abhaanu ꞉bheekumanyiisye awo, Piraato ˆnaabhabhuusya ati, “Omwenda niigurire wuuya agati ya abhabhoywa bhabhiri bhanu? Omwenda niigurire Bharaabha, amwi Yeesu unu abhaanu abhatoga ati Kirisito?”

Matayo 27:21

Piraato ˆnaabhabhuusya rindi ati, “Nibheegurire wuuya agati ya abhabhoywa bhabhiri bhanu?” Nibhamusubhya ati, “Echeenda wiigurire Bharaabha!”

Matayo 27:23

Piraato ˆnaabhabhuusya rindi ati, “Akorere chikayo ki cha okureterera abhumiirirwe ku‑musarabha?” Nawe abheene nibhoongesya okumwaya nibhaayikaga ati, “Mubhumiirire ku‑musarabha!”

Mariko 14:55

Abhakuru bha abhagabhisi na ribharaja rikuru ryone rya Abhayawudi, bhaariga nibheenda obhubhambaasi bhwa okusitaaka Yeesu, korereki bhamuramure na okumwita. Nawe, ꞉bhataabhwene obhubhambaasi bhwonebhwone bhunu ꞉bhwabheeyire.

Yowana 4:25

Omugasi oyo ˆnaabhwira Yeesu ati, “Nimenyere ati Masiya kaaja, unu kaatogwa ati Kirisito. Ka wone nimenyere ati, omwanya gunu ariija, arichibhwira emisango joone.”

Ebikorwa 13:28

Abhaanu ꞉bhataabhwene isonga yooneyoone ya rirenga okuramura Yeesu eetwe, noorwo kutyo nibhasabhwa Piraato kwa amanaga ati, eetwe.

Ebikorwa 13:38

“Woori abhayiri bhaasu, eneenda muntegeresye kisi! Echibharaasisya ati, ku‑njira ya Yeesu Kirisito kuri‑wo okufwirwa echigongo ebhibhiibhi.