Matayo 27:19 - Indagano Inyaaya mu-Chijita

¹⁹ Bhunu Piraato aariga eenyanjire ku‑chitebhe chaaye cha indamu, omugasi waaye ˆnaamutumira omusango ati, “Waasiga okukorera omuunu oyo echibhiibhi choonechoone kwa okubha atari na echikayo. Naanyaaka muno mu‑ngeta mu‑chirooto inguru yaaye.”

INDAGANO INYA:YA

¹⁹ Nawe e:jire enyanja ku citebe co kuramurira, omugasi wae namutumira intumwa na:ika ati, Utaja kuba nage musango omu:nu oyo omurenge:resi, okuba nanya:sibwa muno mu ciro:to kubwae.

Matayo 27:19 ပူးပေါင်းရင်းမြစ်များ

Matayo 1:20

Jejefu ejire eeganirisya kutyo, awoawo maraayika wa Raatabhugenyi ˆnaamusoromokera mu‑chirooto. Maraayika oyo, ˆnaamubhwira ati, “Jejefu, omwana wa Dawudi, waasiga okuubhaya okutwara Maryamu, kwa okubha inda yaaye ayibhwene ku‑bhuturo bhwa Mwoyo Mweru.

Matayo 2:19

Yeroode ejire aafwa, maraayika wa Raatabhugenyi, ˆnaasoromokera Jejefu mu‑chirooto Miisiri eyo,

Matayo 2:22

Nawe ejire oongwa ati, Arikeraawo omwana wa Yeroode aatungaga Yuudeya, Jejefu ˆnoobhaya okuja eyo. Nyamuwanga ˆnaamukengya mu‑chirooto ati, asige okusubha eyo. Kurwa ejo, nibheemuka, nibhagenda mu‑mukoowa gwa Gariraaya.

Matayo 27:18

Piraato ꞉aabhabhuusisye kutyo, kwa okubha ꞉aamenyere ati abhakuru bha Abhayawudi ꞉bhaasirire Yeesu ku‑mwene inguru ya orwiso era.

Matayo 27:24

Piraato ejire aamenya ati atakutura okuyindura obhwiganirisya bhwa abhaanu bharya ka wone ꞉bhaambire injogere, ˆnaagega amanji ˆneesaabha amabhoko gaaye imbere yeebhwe. Niwo ˆnaabhabhwira ati, “Anye nitari na echikayo choonechoone ku‑rufu rwa omuunu omurengeresi unu. Omusango gunu gubhe inguru yeemwe abheene!”

Matayo 27:4

Nawe abheene nibhaayika ati, “Ejo jitakuchisaasa, naawe omwene eyo.”

Ruuka 23:41

Eswe chaaramurwa kwa obhurengeresi, gunu nigwo omuyeero gwa jinu ꞉chaakorere. Nawe omuunu unu, atakorere echibhiibhi choonechoone.”

Ruuka 23:47

Ejire aamara okwayika kutyo, ˆnaafwa. Omwangarisi wa abhasirikare ejire aarora ejo, ˆnaakuuya Nyamuwanga ˆnaayikaga ati, “Chimari, omuunu unu aariga ari murengeresi imbere ya Nyamuwanga!”

Yowana 19:13

Piraato ejire oongwa emisango ejo, ˆnaawurusya Yeesu anja. Piraato omwene ˆnaagenda okwinyanja ku‑chitebhe cha indamu, anu bhaabhirikiraga ati, Omwariro gwa Amabhuyi. Mu‑Chiyebhuraniya kaabhirikirwa ati, Gabhata.

Ebikorwa 12:21

Orusuku runu rwariga rwawuuywe, omukama Yeroode ˆnaafwara emyenda jaaye ja echikama, ˆneenyanja ku‑chitebhe chaaye cha indamu, ˆnaaroma imbere ya abhaanu abho.

Ebikorwa 18:12

Omwanya gwa obhutungi bhwa Gaariyo, omusiibha wa Echiruumi mu‑mukoowa gwa Akaaya, Abhayawudi bhoone aamwi nibhagwata Pawuro, nibhamusira imbere ya echitebhe cha indamu.

Ebikorwa 18:16

Niwo ˆnaabhabhirimya okusooka imbere ya echitebhe cha indamu.

Ebikorwa 18:17

Awo bhoone nibhagwata Sositeene, omukuru wa inju ya eriikofyanyo rya Abhayawudi, nibhamubhuma awoawo imbere ya echitebhe cha indamu. Noorwo kutyo Gaariyo ꞉ataaruubhiriiye noorwo omusango gumwi.

Ebikorwa 25:10

Pawuro ˆnaamusubhya ati, “Anye enimereeguru imbere ya echitebhe cha indamu chinu chiteeywe‑wo na Kayisaari, na niwo anuanu niiyire niramurwe. Awe omwene umenyere ati, gutari‑wo omusango gunu nikayire ku‑Bhayawudi.

Ebikorwa 25:17

“Mbe, bhejire bheekumanya anu, ꞉nitaakoorere wuri. Orusuku rwa kabhiri niniinyanja ku‑chitebhe cha indamu mw‑iromero, nindagirira omuunu oyo areetwe.

Ebikorwa 25:6

Mbe, jejire jaatura siku etaanu na esatu amwi ekumi kutya, Feesito ˆnaasubha Kayisaariya. Bhwejire bhwacha, ˆneenyanja ku‑chitebhe chaaye cha indamu mw‑iromero, ˆnaaragirira ati Pawuro areetwe imbere yaaye.

1 Petero 2:22

Omwene ꞉ataakorere echibhiibhi choonechoone, noorwo ꞉ataayikire orubheeyi rwonerwone.

1 Yoana 2:1

Emwe abhaana bhaani mu‑riikirisya, nibhakaamiiye emisango ejo, korereki musige okukora ebhibhiibhi. Nawe araabha omuunu woonewoone aakakora ebhibhiibhi, chiri na omubhagisi ku‑Raata Nyamuwanga. Omubhagisi oyo niwe Yeesu Kirisito, omurengeresi.