Matayo 26:61 - Indagano Inyaaya mu-Chijita

⁶¹ nibhaayika ati, “Omuunu unu ꞉aayikire ati, ‘Enitura okufumya Riyekaru rya Nyamuwanga na okuryumbaka rindi mu‑siku esatu.’”

INDAGANO INYA:YA

⁶¹ Be:jire be:ye niba:ja babiri, niba:ika ati, Unu a:ikire ati, Enitura okufumya iyekaru ya Nyamuanga, niniyumbaka mu siku isatu.

Matayo 26:61 ပူးပေါင်းရင်းမြစ်များ

Matayo 12:24

Nawe omwanya gunu Abhafarisaayo ꞉bhoonguuwe ejo, nibhaayika ati, “Omuunu unu, kaasoosya‑ko amasambwa ku‑bhuturo bhwa Bherijebhuuri, omukuru wa amasambwa goone.”

Matayo 26:62

Niwo omugabhisi omukuru ˆneemereeguru, ˆnaabhuusya Yeesu ati, “Angu, utakusubhya noorwo omusango gwonegwone ku‑jinu abhaanu bhanu abhakusitaaka?”

Matayo 26:71

Niwo ˆnaasooka awo. Omukosi owundi wa echigasi ˆnaamurora, ˆnaabhwira abhaanu bhanu bhaariga bhari awo ati, “Omuunu unu aariga ari aamwi na Yeesu wa Najareeti.”

Matayo 27:40

“Awe unu weeroraga ati ukafumiisye Riyekaru rya Nyamuwanga na okuryumbaka rindi ku‑mwanya gwa siku esatu, iwonʼya omwene. Mbe, araabha chimari uri Mwana wa Nyamuwanga, iika okusooka ku‑musarabha okwo!”

Matayo 27:5

Niwo Yuuda ˆneesa jipirya ejo mu‑rubhuga rwa Riyekaru rya Nyamuwanga, ˆnaasooka awo, ˆnaagenda okwinyiga.

Mariko 14:58

“Eswe abheene ꞉choonguuwe omuunu unu ˆnaayikaga ati, ‘Anye nirifumya Riyekaru rya Nyamuwanga rinu ꞉ryombakirwe na abhaanu. Ka wone, niriryumbaka rindi mu‑siku esatu era, eryo ritaryumbakwa na abhaanu.’”

Mariko 15:29

Abhaanu bhanu bhaaturaga ku‑njira awo, bhaariga nibhamufuma enu nibhasingisyaga emitwe jeebhwe nibhaayikaga ati, “Aahaha! Awe unu weeroraga ati ukafumiisye Riyekaru rya Nyamuwanga na okuryumbaka rindi ku‑mwanya gwa siku esatu!

Ruuka 23:2

Nibhaamba okumusitaaka nibhaayikaga ati, “Chaasongʼana omuunu unu ˆnaayabhyaga abhaanu bha riyanga ryeswe, ˆnaabhagaanyaga bhasige okutobha rigooti ku‑Kayisaari. Ka wone keetoga ati, omwene niwe Kirisito omukama.”

Yowana 9:29

Eswe chimenyere ati Nyamuwanga ꞉aayikire na Muusa, nawe chitakumenya ati omuunu oyo asookere aaki.”

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

Ebikorwa 18:13

Nibhamusitaaka nibhaayikaga ati, “Omuunu unu kaakongya abhaanu bharamye Nyamuwanga ku‑njira inu itakwikirisibhwa na ebhiraagiro bhya Muusa.”

Ebikorwa 22:22

Abhaanu abho bhaariga nibhategeresya Pawuro kisi. Nawe omwanya gunu ꞉aayikire emisango ejo, abhaanu nibhaamba okumwaya nibhaayikaga ati, “Eetwe, Eetwe! Omuunu rwa unu ateeyire okusigara‑mo omwoyo!”