Matayo 26:56 - Indagano Inyaaya mu-Chijita

⁵⁶ Nawe jinu joone jaakorekana, korereki jikuumire jinu abharagi ꞉bhaakaamire mu‑Bhikaame Ebhyeru.” Mbe, abheeyigisibhwa bhaaye bhoone nibheeruka, nibhasiga Yeesu omwene.

INDAGANO INYA:YA

⁵⁶ Nawe binu byone byabao, korereki binu abaragi bandikire bikumire. Mbe niwo abe:igisibwa bae bo:ne nibamusiga mbe:ruka.

Matayo 26:56 ပူးပေါင်းရင်းမြစ်များ

Matayo 21:42

Niwo Yeesu ˆnaabhabhwira ati, “Angu, muchaariga okusoma jinu jikaamirwe mu‑Bhikaame Ebhyeru? Jikaamirwe ati, ‘Ribhuyi rinu abhoombaki ꞉bhaaremere, niryo ryabha ribhuyi rinene rya orufuka. Raatabhugenyi niwe aakora ogwo, ogwo ni musango gwa okuruguusya kw‑iswe.’”

Matayo 26:24

Anye Omwana wa Omuunu, niriitwa rwa kutyo jikaamirwe mu‑Bhikaame Ebhyeru. Nawe jiribhona omuunu unu arintuura mu‑mabhoko ga abhasoko. Jikabheeye kisi ku‑muunu oyo araabha ataakeebhuuywe!”

Matayo 26:31

Mbe, Yeesu ˆnaabhwira abheeyigisibhwa bhaaye ati, “Mu‑ngeta ya reero, emwe bhoone omuja okunyiiruka na okunsiga. Jiribha rwa kutyo Nyamuwanga ꞉aayikire mu‑Bhikaame Ebhyeru ati, ‘Niriita omureefi wa jinaama na riyijo rya jinaama ririnyarambuka.’

Matayo 26:54

Angu, araabha nikakora kutyo, mbe ejitura kutiki okukuumira jinu jikaamirwe mu‑Bhikaame Ebhyeru ati, nikwo kutyo ejikenwa jikorekane?”

Yowana 16:32

Ringira omwanya ogufogera, ka wone guri yeeyi muno, gunu bhoone murinyaragana. Emwe bhoone murigenda mu‑misi jeemwe, na okunsiga anye eenyere. Nawe nitaribha anye eenyere, kwa okubha Raata ari aamwi na anye.

Ebikorwa 1:16

“Abhayiri bhaasu mu‑riikirisya, emisango jinu ꞉jaakaamirwe mu‑Bhikaame Ebhyeru inguru ya Yuuda jaariga jiri bhusibhusi jikuumire. Ejo ꞉jaaragirwe na Mwoyo Mweru okutura mu‑kanwa aka omukama Dawudi inguru yaaye, unu ꞉aatangasiisye bhanu ꞉bhaagwatire Yeesu.

Ebikorwa 2:23

Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.

2 Timoteo 4:16

Nejire neebhagira mw‑iramuriro omwanya gwa okwamba, ꞉nitaabhwene omuunu noorwo umwi unu ꞉eemereeguuyu orubhaara rwani, nawe bhoone ꞉bhaansigire. Enisabhwa Nyamuwanga abhafwire echigongo ku‑chikorwa echo cha okumbirima.