Matayo 26:37 - Indagano Inyaaya mu-Chijita

³⁷ ˆNaagega Peetero aamwi na abhamura bhabhiri bha Jebhedaayo. ˆNaamba okusurumbara na okunyaaka muno mu‑mwoyo gwaye.

INDAGANO INYA:YA

³⁷ Nagega Petero na ba:na babiri ba Jebedayo, namba okusurumbara no kuwa omwoyo muno.

Matayo 26:37 ပူးပေါင်းရင်းမြစ်များ

Matayo 17:1

Jejire jaatura siku etaanu na rumwi, Yeesu ˆnaagega Peetero, Yakobho na Yowana omumura waabho. ˆNaariinya nabho ku‑chiima echireera muno, anu abhaanu bhaariga bhatari.

Matayo 20:20

Niwo, omugasi wa Jebhedaayo ˆnaaja ku‑Yeesu aamwi na abhaana bhaaye bhabhiri, ˆneefukama imbere yaaye, ˆnaamusabhwa amukorere omusango gumwi.

Matayo 4:18

Omwanya gunu Yeesu aaribhataga ku‑njekekera ya inyanja ya Gariraaya, ˆnaarora abhakokoosi bhabhiri, Simooni unu aatogwaga Peetero na Andereya omumura waabho. Abhakokoosi abho bhaariga nibheesa rigoobhe mu‑nyanja korereki bhatege jiiswi.

Matayo 4:21

Yeesu ejire aafogera‑wo imbere kutooto, ˆnaarora abhaanu abhandi bhabhiri, Yakobho na Yowana omumura waabho, abhaana bha Jebhedaayo. Abhaanu abho bhaariga bhari mu‑ngama aamwi na esemwene, nibhasobhooraga amagoobhe geebhwe. Yeesu ˆnaabhabhirikira bhamuruubhe.

Mariko 5:37

Yeesu ˆnaagaanya abhaanu abhandi bhoone ati bhaasiga okuruubhana nage okuja ewa Yaayiro. Tari ˆnaagenda na Peetero, Yakobho na Yowana omumura waabho Yakobho.

Ruuka 22:44

Yeesu omwanya gunu aariga achaari na obhusurumbaaye bhwafu, ˆnaagenderera okusabhwa Nyamuwanga. Amooyiro nigamwitururuka, nigatonyikaga aasi rwa amatonyinga ga isagama.]

Yowana 12:27

Neeya Yeesu ˆnaayika ati, “Woori omwoyo gwani guri na obhusurumbaaye bhwafu. Naayike ki? Angu, naayike ati, ‘Raata, enikusabhwa ummonʼye ku‑mwanya gunu gwa ebhinyaasyo?’ Wuri, nitakutura okusabhwa kutyo noorwo na akatyari, kwa okubha niijire ku‑chaaro anu, korereki nibhone ebhinyaasyo ebhyo.