Matayo 26:28 - Indagano Inyaaya mu-Chijita

²⁸ Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu, korereki Nyamuwanga abhafwire echigongo ebhibhiibhi bhyebhwe.

INDAGANO INYA:YA

²⁸ Okuba cinu nigo amanyinga gani aga indagano, ganu agaurura kurwa ba:fu kurwo kwiswaririrwa ebibi:bi.

Matayo 26:28 ပူးပေါင်းရင်းမြစ်များ

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Matayo 26:27

ˆNaagega omutawo gunu gwariga guri‑mo echifuufu, ˆnaasiima Nyamuwanga, ˆnaabhayaana, ˆnaabhabhwira ati, “Mugege echifuufu chinu, munywe bhoone.

Matayo 26:29

Enibhabhwira ati, nitarinywa echifuufu rindi okukingira ku‑rusuku runu nirinywa echifuufu echiyaaya aamwi na emwe mu‑bhukama bhwa Raata waani.”

Matayo 6:12

Uchifwire echigongo ebhibhiibhi bhyeswe, rwa kutyo eswe wone echifwira echigongo bhanu abhachikayira.

Mariko 1:4

Itumwa eyo aariga ˆnaatogwa Yowana Omubhatiija. Aariga ari mw‑ibhara ˆnaaraasisyaga abhaanu ati, “Mute ebhibhiibhi bhyemwe ku‑Nyamuwanga mubhatiijibhwe, korereki abhafwire echigongo ebhibhiibhi bhyemwe!”

Mariko 14:24

ˆNaabhabhwira ati, “Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu.

Ruuka 22:19

Neeya ˆnaagega omukaate, ˆnaasiima Nyamuwanga, ˆnaagubheganya, ˆnaayaana abheeyigisibhwa bhaaye, ˆnaabhabhwira ati, [“Gunu nigwo omubhiri gwani gunu oguja okusoosibhwa inguru yeemwe. Mubhega nimukora kutyo, mu‑kunyichuka!”

Ruuka 22:20

Nyabhuriko, bhejire bhaamara okurya ebhiryo, ˆnaagega omutawo gunu gwariga guri‑mo echifuufu, ˆnaayika ati, “Echifuufu chinu mu‑mutawo munu echimereegururu indagano inyaaya inu Nyamuwanga arikora okutura isagama yaani. Isagama yaani iriitika inguru yeemwe.]

Barumi 5:15

Nawe echibhiibhi cha Adaamu chitakwingana na echiyaanwa cha obhwitiriranya bhwa Nyamuwanga. Adaamu ni muunu umwi unu ꞉aakorere abhaanu bhoone bhafwe okuruubhana na echibhiibhi chaaye. Nawe ari‑wo umwi owundi, Yeesu Kirisito, unu kaayaana abhaanu bhaafu echiyaanwa cha obhwitiriranya bhwa Nyamuwanga. Obhwitiriranya bhwa Nyamuwanga obhwo bhutari na indengo, obhukira muno echibhiibhi cha Adaamu!

Barumi 5:19

Omuunu umwi ejire aarema okugayuka Nyamuwanga, ꞉aaretereeye abhaanu bhoone bhabhe abhakosi bha ebhibhiibhi. Kutyokutyo, omuunu umwi ejire aagayuka Nyamuwanga, ꞉aaretereeye abhaanu bhaafu bhabhe abharengeresi imbere ya Nyamuwanga.

1 Bakorinto 11:25

Nyabhuriko, bhejire bhaamara okurya, ˆnaagega omutawo gunu gwariga guri‑mo echifuufu, ˆnaayika ati, “Echifuufu chinu mu‑mutawo munu echimereegururu indagano inyaaya inu Nyamuwanga arikora okutura isagama yaani. Bhuri mwanya gunu muranywerega mu‑mutawo ogwo, mubhega nimukora kutyo, mu‑kunyichuka!”

Baefeso 1:7

Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

Bakolosai 1:14

Ku‑njira ya Omwana waaye, cheeruuywe, nikwo okwayika ati, okufwirwa echigongo ebhibhiibhi bhyeswe.

Bakolosai 1:20

Ka wone, ꞉jaamukondeeye ati, agwatanye ebhiinu bhyone ku‑mwene, ku‑njira ya Omwana waaye, ebhiinu bhinu bhiri ku‑chaaro kunu na bhinu bhiri mu‑rwire. ꞉Aakorere kutyo kwa okureeta omurembe okutura ku‑sagama ya Omwana waaye inu ꞉yeetikire ku‑musarabha.

Baeburania 10:29

Mbe woori mwiganirisye! Ebhitiibha bhiribha kutiki ku‑muunu unu kaagaya Omwana wa Nyamuwanga na okurora isagama ya indagano inu ꞉yaamwesiisye noorwo ebhibhiibhi bhyaye ati chitari chiinu cha obhugajuro? Angu, ebhitiibha bhiribha kutiki ku‑muunu oyo, nikwo okwayika ati, unu keeyimirisya Mwoyo Mweru wa obhwitiriranya?

Baeburania 13:20

Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

1 Yoana 2:2

Yeesu niwe echoogo cha okusoosya‑wo ebhibhiibhi bhyeswe na okuchigwatanya na Nyamuwanga. Ka wone ꞉ataasoosisye‑wo ebhibhiibhi bhyeswe era, tari na ebhibhiibhi bhya abhaanu bhoone bha ku‑chaaro choone.

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.

Obhusweruro 7:9

Ejo jejire jaawa, nindingira, nindora echise echinene cha abhaanu chinu omuunu aariga atakutura okubhara. Abhaanu abho bhaariga bhasookere mu‑maanga goone, mu‑ngʼanda joone, mu‑nyaami joone na mu‑nyaayika joone. Abho bhoone bhaariga bheemereeguuyu imbere ya echitebhe cha ingʼoma na imbere ya Omwana wa Inaama. Abhaanu abho bhaariga bhafwaye emingiro jiinyeru na bhaariga bhagwatiriiye amatabhi ga jikinda mu‑mabhoko geebhwe.