Matayo 26:18 - Indagano Inyaaya mu-Chijita

¹⁸ Yeesu ˆnaabhabhwira risiina rya omuunu omurebhe ˆnaayika ati, “Mugende mu‑musi gwa Yerusareemu ku‑muunu oyo, mumubhwire ati, ‘Omwiyigisya aachituma kw‑awe na kaayika ati, “Omwanya gwani gwafogeeye. Anye na abheeyigisibhwa bhaani echija okurya ebhiryo bhya Okwambuka mu‑nju yaawo.”’”

INDAGANO INYA:YA

¹⁸ Na:ika ati, Mugende mu musi ewa igo:yu, mumubwire ati, Omwiigisya a:ika ati, Omwanya gwani gwaja okukinga. Ewao niyo nirari:ra Ipasaka aamwi na be:igisibwa bani.

Matayo 26:18 ပူးပေါင်းရင်းမြစ်များ

Matayo 21:3

Araabha omuunu woonewoone akabhabhuusya ribhuusyo ryoneryone, mumusubhye ati, ‘Raatabhugenyi kaajikena,’ awoawo kaja okubheekirisisya muuje najo.”

Matayo 23:10

Ka wone, musige okubha nimwikirisya okubhirikirwa, ‘omutangasya,’ kwa okubha muri na Omutangasya umwi era, wone niwe Kirisito.

Matayo 23:8

“Nawe emwe, musige okwikirisya okubhirikirwa, ‘omwiyigisya,’ kwa okubha muri na Omwiyigisya umwi era, na emwe bhoone muri bhayiri.

Matayo 26:19

Abheeyigisibhwa bhaaye nibhagenda nibhakora joone rwa kutyo Yeesu ꞉aabharagiriiye, nibheeraabha ebhiryo bhya Okwambuka omwo.

Matayo 26:2

“Rwa kutyo mumenyere, jikatura siku ebhiri, echija okubha na ichikukuru ya Okwambuka. Ku‑rusuku orwo, anye Omwana wa Omuunu, nirituurwa mu‑mabhoko ga abhasoko, korereki nibhambwe ku‑musarabha.”

Matayo 26:49

Mbe, Yuuda ˆnaafogerera Yeesu, ˆnaamubhwira ati, “Naakukeesya Omwiyigisya!” Niwo ˆnaamufumbeera.

Mariko 5:35

Omwanya gunu Yeesu aariga achaasimura na omugasi oyo, abhaanu nibhaaja okusooka ewa Yaayiro, omukuru wa inju ya eriikofyanyo, nibhabhwira Yaayiro ati, “Siga okunyaasya Omwiyigisya, omuyaasya waawo aafuuwe.”

Ruuka 22:53

Mbawo siku joone naasiibhaga aamwi na emwe mw‑Iyekaru rya Nyamuwanga, nawe ꞉mutaangwatire? Nawe woori, gunu nigwo omwanya gwemwe, na ogwa obhutungi bhwa echisuute.”

Yowana 11:28

Maarita ejire aamara okwayika emisango ejo, ˆnaagenda okubhirikira Maryamu omuyara oweejaabho. Mbe, ˆnaamubhwira bhumbise ati, “Omwiyigisya ari anu, kaakubhirikira.”

Yowana 12:23

Yeesu ˆnaabhasubhya ati, “Omwanya gwakinga gwa Omwana wa Omuunu okukusibhwa.

Yowana 13:1

Mbe bhunu ichikukuru ya Okwambuka yaariga ichaari kukinga, Yeesu ꞉aasombookeeywe ati, omwanya gwaye gwa okusooka ku‑chaaro kunu okusubha kw‑Isemwene gwakinga. Yeesu aariga eendere abhaanu bhaaye bha ku‑chaaro kunu, ka wone ꞉aabheendere muno okukingira okufwa kwaye.

Yowana 17:1

Yeesu ejire aamara okwayika ejo joone, ˆnaaragamira ku‑rwire, ˆnaasabhwa ati, “Raata, omwanya gwakinga. Yeeresya abhaanu rikusyo ryani anye Omwana waawo, korereki anye wone nibheeresye rikusyo ryawo kutyo riri.

Yowana 20:16

Yeesu ˆnaamubhirikira risiina ryaye ati, “Maryamu!” Mbe Maryamu ˆneekebhuukira, ˆnaarora Yeesu, ˆnaamubhwira mu‑nyaayika ya Echiyebhuraniya ati, “Rabhooni!” Rabhooni, obhugajuro bhwago ni ati, “Omwiyigisya.”

Yowana 7:30

Niwo abhaanu nibheenda okumugwata, nawe ꞉ataabheeye‑wo omuunu wa okumugwata, kwa okubha omwanya gwaye gwariga guchaari okukinga.

Yowana 7:6

Niwo Yeesu ˆnaabhabhwira ati, “Omwanya gwani gwa okuja eyo, guchaari kukinga, nawe emwe omutura okugenda omwanya gwonegwone.

Yowana 7:8

Emwe neemwe, mugende Yerusareemu ku‑chikukuru eyo. Anye nitakugenda eyo woori anu, kwa okubha omwanya gwani guchaari kukinga.”