Matayo 26:10 - Indagano Inyaaya mu-Chijita

¹⁰ Yeesu ˆnaasombookerwa obhwiganirisya bhwebhwe, ˆnaabhabhwira ati, “Kurwa ki omunyaasya omugasi unu? Omwene aankorera omurimu gwa ekisi muno.

INDAGANO INYA:YA

¹⁰ Yesu ariga amenyere, nababwira ati, ?Omumunya:sisyaki omugasi unu? Okuba ankorera omusango gwo bwana.

Matayo 26:10 ပူးပေါင်းရင်းမြစ်များ

Matayo 26:11

Abhataka bhari aamwi na emwe siku joone, nawe anye nitaribha aamwi na emwe siku joone.

Matayo 26:9

Jikabheeye kisi araabha amafuta ganu gakagusiibhwe kwa jipirya nyafu muno, na okugabhira abhataka!”

Mariko 14:6

Nawe, Yeesu ˆnaayika ati, “Musige omugasi oyo. Kurwa ki omumunyaasya? Omwene aankorera omurimu gwa ekisi muno.

Ruuka 8:49

Omwanya gunu Yeesu aariga achaasimura, ˆnaaja omuunu umwi okusooka iika wa omukuru oyo wa inju ya eriikofyanyo. ˆNaabhwira Yaayiro ati, “Omuyaasya waawo aafuuwe. Siga okunyaasya rindi Omwiyigisya.”

2 Bakorinto 9:8

Nyamuwanga kaatura okubhayaana amabhando okukira bhinu omukena, korereki omwanya gwone, mubhe na ebhiinu bhyone bhinu omukena, ka wone mubhe abhaanu bha okukora emyafu ja ekisi ja okusakira abhandi.

Bagalatia 1:7

Chimari ni ati jitari‑wo Emisango ja Ekisi ejindi. Nawe bhari‑wo abhaanu bhanu abhabhajiga na abhakena okuyindura Emisango ja Ekisi inguru ya Kirisito.

Bagalatia 5:12

Eniigomba ati abhaanu bhanu abhabhanyamura ku‑misango ja okutenda, bhaakeekonere abheene!

Bagalatia 6:17

Mbe, okwambira woori omuunu woonewoone asige okunnyaasya rindi, kwa okubha ku‑mubhiri gwani niri na jingʼofu, ꞉naabhwene jimbuma inguru ya okukorera Yeesu.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

2 Batesalonika 2:17

abhasimbiisye emyoyo na okubhakomeesya, korereki mukorega na okwayika jinu jiri ja ekisi.

1 Timoteo 3:1

Omusango gunu ni gwa echimari, “Omuunu unu keegomba emirimu ja okubha omwangarisi wa rikanisa, oyo keegomba emirimu ja ekisi.”

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

2 Timoteo 2:21

Woori, omuunu aakeeyesya na okusigana na ameeyigisyo geebhwe, kaabha rwa echiinu cha okukorera emirimu ja echibharo chinu chaawuuywe, aribhaga eeyire ku‑Raatabhugenyi waaye. Omuunu oyo aribhaga emariiriiye okukora ebhikorwa bhya ekisi.

Tiito 1:16

Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Tiito 3:1

Ubhe nuwichukya abhaanu bhabhe na echibharo ku‑bhatungi na ku‑bhatangasya bhoone na okubhagayuka. Ni bhusibhusi wone, bhabhega bhatengeejere okukora bhuri echikorwa cha ekisi.

Tiito 3:14

Abheejaasu bhoone, bheeyigire okwikomeesye okukora ebhikorwa bhya ekisi, korereki bhabhe na obhuturo bhwa okusakira abhaanu bha obhukene bhwa bhusibhusi. Bhaakakora kutyo obhurame bhwebhwe bhutaribhurwa amatwasyo.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.