Matayo 25:34 - Indagano Inyaaya mu-Chijita

³⁴ “Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

INDAGANO INYA:YA

³⁴ Mbe niwo Omukama aribabwira banu bari ku kuboko kwae okwe buryo ati, Mu:je mwingire mu bukama bunu mwabikiywe kuso:ka kumogwa kwa i:si.

Matayo 25:34 ပူးပေါင်းရင်းမြစ်များ

Matayo 13:35

Ejo ꞉jaakorekeene kutyo, korereki gukuumire omusango gunu Nyamuwanga ꞉aayikire ku‑njira ya omuragi waaye ati, “Niryayika na abhaanu ku‑bhijekekanyo. Niribhabhwira emisango jinu jiri ja imbisike okwambira okubhumbwa kwa echaaro.”

Matayo 19:29

Mbe, omuunu woonewoone unu asigire inju yaaye, amwi abhamura bhaabho, amwi abhayara bhaabho, amwi esemwene, amwi nyiramwene, amwi abhaana bhaaye, amwi amabhwi inguru yaani, ariramira bhyone ku‑bhwafu muno. Aamwi na ejo, aribhona obhuwanga bhwa akajaanende koone.

Matayo 20:23

Yeesu ˆnaabhabhwira ati, “Chimari omuja okunyaaka rwa kutyo enija okunyaaka, nawe okwinyanja orubhaara rwani rwa ebhuryo amwi rwa ebhumoosi, ogwo gutari murimu gwani okubheekirisisya. Jimbaara ejo ni ja bhanu Raata waani aamarire okwiraabhira.”

Matayo 21:5

“Bhwira abhaanu bha omusi gwa Sayuuni ati, ‘Ringira, omukama weemwe kaaja kw‑imwe, ni mworooro, kaaja ariinyire ku‑sikiri, ka isikiri eyo ichaari chinyara.’”

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Matayo 25:23

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Matayo 25:40

Niwo anye Omukama, niribhasubhya ati, ‘Ni chimari enibhabhwira ati, choonechoone chinu ꞉mwakoreeye woonewoone mu‑bharuubhirisya bhaani unu kaabhonekana wuti atari wa obhusibhusi, mbe ꞉mwakoreeye anye.’

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 27:37

Nibhatuura akabhaawu ku‑musarabha inguru ya omutwe gwaye, kakaamirwe‑ko emisango ja okumusitaaka. Kaariga kakaamirwe‑ko ati, “unu ni yeesu, omukama wa abhayawudi.”

Matayo 3:2

“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Matayo 5:19

Omuunu woonewoone unu kaarema noorwo echiraagiro chimwi echitooto na okwiyigisya abhandi wone bhachireme, oyo aribha na echibharo chitooto muno mu‑bhukama bhwa mu‑rwire. Nawe woonewoone unu kaachigwata na okwiyigisya abhandi korereki wone bhakore kutyo, oyo aribha na echibharo chinene muno mu‑bhukama bhwa mu‑rwire.

Mariko 10:17

Yeesu ejire aamba orugendo, omuunu umwi ˆnaamubhirimira, ˆnaamwifukamira. ˆNaabhuusya Yeesu ati, “Omwiyigisya wa ekisi, nikore kutiki korereki nibhone obhuwanga bhwa akajaanende koone ku‑chaaro chinu echiija?”

Mariko 10:40

Nawe, omuunu okwinyanja aamwi na anye, orubhaara rwani rwa ebhuryo amwi rwa ebhumoosi, ogwo gutari murimu gwani okubheekirisisya. Jimbaara ejo ni ja bhanu Nyamuwanga aamarire okwiraabhira.”

Ruuka 11:28

Nawe Yeesu ˆnaayika ati, “Ni chimari! Tari, bhari na ribhando muno abhaanu bhanu abhoongwa omusango gwa Nyamuwanga na okugugayuka!”

Ruuka 11:50

Kurwa ejo, abhaanu bha riyimbo rinu, bhariramurwa ku‑songa ya isagama ya abharagi bhoone bhanu ꞉bheetirwe, okusookerera ku‑bhwambiro bhwa echaaro.

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Ruuka 19:38

Nibhaayika ati, “Ayaanwe amabhando Omukama unu kaaja kw‑isiina rya Raatabhugenyi Nyamuwanga! Omurembe gubhe agati ya Nyamuwanga na abhaanu bhaaye! Nyamuwanga unu ari mu‑rwire akusibhwe!”

Yowana 1:49

Natanayeri ˆnaamusubhya ati, “Omwiyigisya, awe uri Mwana wa Nyamuwanga! Ka wone uri mukama wa Abhayisirayeeri!”

Yowana 12:13

Mbe, nibhagega amatabhi ga jikinda, nibhagenda okuramira Yeesu. Nibhaamura obhuraka nibhaayikaga ati, “Wosaana! Ayaanwe amabhando unu kaaja kw‑isiina rya Raatabhugenyi Nyamuwanga! Ayaanwe amabhando omukama wa Abhayisirayeeri.”

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Yowana 19:15

Abheene nibhamwaya, nibhaayikaga ati, “Nuumwite, nuumwite! Nuumubhumiirire ku‑musarabha!” Piraato ˆnaabhabhuusya ati, “Angu, omwenda nibhumiirire ku‑musarabha omukama weemwe?” Abhakuru bha abhagabhisi nibhamusubhya ati, “Eswe chitari na omukama owundi, tari Kayisaari eenyere!”

Ebikorwa 15:18

na nijo ejoejo ꞉jaamenyekeene okusookerera kara.’”

Ebikorwa 3:26

Kurwa ejo, omwanya gunu Nyamuwanga ꞉aasorere omukosi waaye Yeesu, ꞉aamutumire kw‑imwe okwamba, korereki abhayaane amabhando kwa okubhasoosya bhuri muunu mu‑bhibhiibhi bhyaye.”

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

1 Bakorinto 15:50

Abhayiri bhaani mu‑riikirisya, chinu eneenda okwayika ni ati, emibhiri jeeswe jinu ja jinyama na isagama bhitakutura okwanjura obhukama bhwa Nyamuwanga, amwi emibhiri jinu ejinyamuka okwanjura obhurame bhunu bhutakunyamuka.

1 Bakorinto 2:9

Nawe jiri rwa kutyo jikaamirwe mu‑Bhikaame Ebhyeru ati, “Atari‑wo omuunu unu areraabhire okujirora noorwo okujuungwa, atari‑wo omuunu unu areraabhire okujituura mu‑mwoyo gwaye, emisango jinu Nyamuwanga ꞉eeraabhiiye bhanu abhamwenda.”

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

Bagalatia 5:21

orwiso, obhukorwa, obhunanamba na jinu jiri rwa ejo. Enibhabhwira rindi rwa kutyo naariga naabhabhwiriiye ati, abhaanu bhanu abhakora emisango ejo, bhataribha na omwandu gwonegwone mu‑bhukama bhwa Nyamuwanga.

Baefeso 5:5

Okubha mumenyere chimwi ati, omuunu woonewoone urya unu kaakora obhuromesi, omujabhi woonewoone urya na omwigombi woonewoone urya, ataribha omuri wa omwandu mu‑bhukama bhwa Kirisito na Nyamuwanga. Chimari, omuunu unu keesigombera ebhiinu, niwe kaaramya amasusano.

1 Batesalonika 2:12

korereki murame rwa kutyo Nyamuwanga keenda. Nyamuwanga niwe kaabhabhirikira korereki mwingire mu‑bhukama na mw‑ikusyo ryaye.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Baeburania 11:16

Nawe abhaanu abho bhaariga nibheesigomba echaaro cha ekisi muno, nikwo okwayika ati echaaro cha mu‑rwire. Niyo isonga Nyamuwanga atakurora jiswaro okubhirikirwa ati Nyamuwanga weebhwe, okubha abheeraabhiiye omusi.

Baeburania 4:3

Ku‑songa eyo, Nyamuwanga ꞉aayikire ati, “꞉Naabhiyiiywe na okurayira, ninaayikaga ati, ‘Nitaribheekirisisya wuri noorwo na akatyari abhaanu abho okwingira orubhaara rwa okwisya omwoyo, orubhaara runu nibheeraabhiiye.’” Nawe eswe bhanu echiikirisya Nyamuwanga, chiriingira orubhaara orwo rwa okwisya omwoyo. Nyamuwanga ꞉aayikire ati abhandi bharya bhatariingira, noorwo kutyo aariga aamarire okwiraabha orubhaara orwo rwa okwisya omwoyo okusookerera okubhumbwa kwa echaaro choone.

Baeburania 9:26

Araabha jikabheeye jitari kutyo, mbe, akeenderwe okunyaaka kwiya kaafu okusookerera okubhumbwa kwa echaaro. Nawe woori mu‑siku ja obhuteero jinu, eejire na okwisoosya okubha echoogo rumwi era, korereki achisoosye‑ko ebhibhiibhi bhyeswe.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

1 Petero 1:9

kwa okubha omuramira obhuchungusi bhwemwe. Obhuchungusi obhwo, nibhwo obhwira bhwa eriikirisya ryemwe.

1 Petero 3:9

Mwasiga okuriya omuunu echibhiibhi ku‑chibhiibhi, amwi efumo kwa efumo, nawe musabhirane amabhando. Okubha mubhirikiiywe okukora ejo, korereki muyaanwe amabhando.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”

Obhusweruro 19:16

Ku‑mwingiro gwaye gunu guswikiiye ribhaajwa ryaye, rikaamirwe‑ko risiina rinu, Omukama wa abhakama na Raatabhugenyi wa bharaatabhugenyi.

Obhusweruro 21:7

Omuunu woonewoone unu ariyiga, nirimuyaana amabhando ago goone. Anye niribha Nyamuwanga waaye, omwene aribha omwana waani.

Obhusweruro 5:10

Awe ꞉waakorere abhaanu abho, bhabhe obhukama bhwa abhagabhisi, bhakorere Nyamuwanga emirimu, wone bharitunga ku‑chaaro.”