Matayo 25:32 - Indagano Inyaaya mu-Chijita

³² Abhaanu bha amaanga goone bhariikofyanya imbere yaani. Anye niribhataaganya rwa kutyo omureefi kaataaganya jinaama okusooka mu‑mbusi.

INDAGANO INYA:YA

³² Na maanga go:ne garikumanyibwa imbere yae. Omwene aryauramo rwo mure:fi kutyo ka:ura ji:na:ma na jimbusi.

Matayo 25:32 ပူးပေါင်းရင်းမြစ်များ

Matayo 13:49

Nikwo kutyo jiribha ku‑rusuku rwa obhuteero bhwa echaaro chinu. Bhamaraayika bhariija na okwawura abhakosi bha ebhibhiibhi na abhaanu abharengeresi imbere ya Nyamuwanga.

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Matayo 3:12

Agwatiriiye oruwungo mu‑ngaro jaaye korereki awungure obhuro. Obhuro bhwa ekisi aribhubhiika mu‑chitara chaaye, nawe amakumbi arigoocha mu‑muriro gunu gutarisima.”

Yowana 10:14

“Anye naanye omureefi wa ekisi. Nimenyere kisi jinaama jaani, ejeene wone jimmenyere,

Yowana 10:27

Jinaama jaani ejuungwa obhuraka bhwani. Anye nijimenyere, ejeene ejinduubha.

Barumi 2:12

Abhaanu bhanu bhatari Bhayawudi bhanu abhakora ebhibhiibhi bharisingaarisibhwa, noorwo bhaakabha bhatakumenya ebhiraagiro bhya Muusa. Abhayawudi bhanu abhakora ebhibhiibhi keenu bhamenyerega ebhiraagiro ebhyo, abheene bhariramurwa okuruubhana na ebhiraagiro ebhyo.

Barumi 2:16

Nikwo kutyo jiribha ku‑rusuku rwa indamu. Nyamuwanga ariramura abhaanu okutura ku‑Kirisito Yeesu, noorwo emisango jeebhwe ja imbisike, rwa kutyo ejaayika Emisango ja Ekisi jinu eniraasya.

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.

2 Bakorinto 5:10

Nikwo kutyo, kwa okubha eswe bhoone chiriimereeguru imbere ya echitebhe cha indamu cha Kirisito, korereki bhuri umwi, ayaanwe omuyeero okuruubhana na kutyo ꞉aakorere ku‑chaaro kunu, jibhe ja kisi amwi mibhiibhi.