Matayo 25:1 - Indagano Inyaaya mu-Chijita

¹ Niwo Yeesu ˆnaabhwira abheeyigisibhwa bhaaye echijekekanyo echindi ati, “Ku‑mwanya ogwo, obhukama bhwa mu‑rwire bhurisusana na abhayara ekumi bhanu ꞉bhaagegere jidara jeebhwe na okugenda okuramira omutwasi.

INDAGANO INYA:YA

¹ Mbe niwo obukama bwa mu rwire burisusanyibwa na bayara ekumi, banu bagegere jitara jebwe nibagenda oktiramira omutwasi wo mwenga.

Matayo 25:1 ပူးပေါင်းရင်းမြစ်များ

Matayo 13:24

Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa omuunu unu ꞉aabhibhire jimbibho ja ekisi mw‑isambu ryaye.

Matayo 13:31

Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa akaro ka iyaradaari kanu omuunu ꞉aagegere na okukayamba mw‑isambu ryaye.

Matayo 13:38

Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani.

Matayo 13:47

Yeesu ˆnaabhabhwira rindi echijekekanyo echindi, ˆnaayika ati, “Ka wone, obhukama bhwa mu‑rwire bhuri rwa rikokooro rinu abhakokoosi bheesere mu‑nyanja, nirikoma jiiswi ja bhuri mbaga.

Matayo 20:1

Yeesu ˆnaagenderera okwayika ati, “Obhukama bhwa mu‑rwire obhususana na omwene esambu unu ꞉eemukire mu‑ruguru ˆnaagenda okuyenja abhaanu bha okumukorera emirimu mw‑isambu ryaye rya emijabhiibhu.

Matayo 22:2

“Obhukama bhwa mu‑rwire obhususana na omukama umwi unu ꞉aakorereeye omwana waaye obhuregesi.

Matayo 25:7

Awoawo, abhayara abho bhoone nibheemuka, nibheeraabha jidara jeebhwe.

Matayo 3:2

“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Matayo 9:15

Yeesu ˆnaabhasubhya ati, “Angu, abhaanu bhanu bhakokerwe mu‑bhuregesi, abhatura kutiki okusurumbara omutwasi achaari aamwi nabho? Nawe jisiku ejiija, jinu omutwasi arisoosibhwa‑wo. Mbe ku‑mwanya ogwo, niwo bhariiyima okurya ebhiryo.

Yowana 18:3

Kurwa ejo, Yuuda ˆnaatangasya echise cha abhasirikare bha Echiruumi, aamwi na abhasirikare bha Riyekaru okusooka ku‑bhakuru bha abhagabhisi na ku‑Bhafarisaayo. Nibhagenda mw‑isambu eryo, bhagwatiriiyega jidara, ebhisiriira na ebhigwato.

Yowana 3:29

Omumura unu ari na omwenga niwe omutwasi. Anye niri rwa omusaani wa omutwasi, niimereeguuyu ku‑mbari yaaye, na enikonderwa okuungwa jinu omutwasi kaayika. Chimari musango gunu gwankondisya muno.

Ebikorwa 20:8

Anu chaariga chiikumanyisiisye, chaariga chiri mu‑chisago chinu chaariga chiri mu‑bhutingo. Omwo jaariga jiri‑mo jidara nyafu nijaakaga.

1 Bakorinto 11:2

Enibhakuuya kwa okubha omunyichuka ku‑misango joone, na omuruubha ameeyigisyo ganu ꞉naabheeyigisiisye.

2 Bakorinto 11:2

Anye enibhafuyira, rifuwa rinu erisooka ku‑Nyamuwanga, kwa okubha muri rwa omuyarajuma, unu ꞉naasandiiye obhuko omurume umwi, omurume oyo niwe Kirisito.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Obhusweruro 14:4

Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.

Obhusweruro 19:7

Eswe wone, chikonderwe, chimusandabhire na okumukusya. Okubha obhuregesi bhwa Omwana wa Inaama bhwakinga, na omwenga emariiriiye.

Obhusweruro 21:2

Mbe, nindora omusi omweru, nigwo Yerusareemu inyaaya, nigwika okusooka mu‑rwire ku‑Nyamuwanga. Omusi ogwo gwariga gunojooribhwe rwa kutyo omwenga kaanojooribhwa inguru ya omurume waaye.

Obhusweruro 21:9

Neeya owumwi wa bhamaraayika bhataanu na bhabhiri bharya, bhanu bhaariga bhari na amabhakuri gataanu na gabhiri ga jitambara etaanu na ebhiri ja obhuteero, ˆnaaja ˆnaambwira ati, “Iija enu, nikweresye omwenga, unu aribha omugasi wa Omwana wa Inaama.”

Obhusweruro 4:5

Echitebhe cha ingʼoma echo chaariga nichisoosya jindabhyo na amabharuka. Imbere yaacho, jaariga jiri‑wo jidara etaanu na ebhiri nijaakaga. Jidara ejo, nijo emyoyo etaanu na ebhiri ja Nyamuwanga.

Obhusweruro 8:10

Maraayika wa kasatu wone ˆnaabhuma ingʼombi yaaye. Niwo injota inene niigwa okusooka mu‑rutumba. Injota eyo, yaariga niseekaana rwa echisiriira, niigwa kw‑ibhaara rya kasatu rya emisima na erya emimiro ja amanji.