Matayo 24:47 - Indagano Inyaaya mu-Chijita

⁴⁷ Ni chimari enibhabhwira ati, mwami waaye arimutuura ku‑chibharo cha inguru abhe omwangarisi wa obhuniibhi bhwaye bhwone.

INDAGANO INYA:YA

⁴⁷ Ni cimari enibabwira ati, arimutungya ebi:nu byae byone.

Matayo 24:47 ပူးပေါင်းရင်းမြစ်များ

Matayo 24:46

Rusuku rumwi, omwami waaye arisubha okusooka mu‑rugendo. Ari na ribhando omugaya unu omwami waaye arimusongʼana ˆnaakoraga rwa kutyo ꞉aamuragiriiye.

Matayo 24:48

“Nawe omugaya omubhiibhi ni urya keeganirisya mu‑mwoyo gwaye ati, ‘Mwami waani arikoora okusubha.’

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Matayo 25:23

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Ruuka 12:37

Bhari na amabhando, abhakosi bhanu omwami weebhwe aribha aasubha ˆnaabhasongʼana nibhamurindiriraga. Ni chimari enibhabhwira ati, aritengeeja, aribheenyanjya ku‑nenda na okubhafurubhendera!

Ruuka 12:44

Ni chimari nibhabhwira ati, mwami waaye arimukora abhe omubhiiki omukuru wa ebhiinu bhyaye bhyone!

Ruuka 19:17

Omukama oyo, ˆnaamubhwira ati, ‘Ukorere kisi, omugaya waani omwiyikanyibhwa! Okubha waabha omwiyikanyibhwa ku‑misango emitooto, woori owuja okubha omutungi inguru ya emisi ekumi.’

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

1 Petero 5:4

Mbe, Omureefi Omukuru wa rikanisa aribha aswerurwa, muriyaanwa orutengya rwa rikusyo runu rutakunyamuka.

Obhusweruro 21:7

Omuunu woonewoone unu ariyiga, nirimuyaana amabhando ago goone. Anye niribha Nyamuwanga waaye, omwene aribha omwana waani.

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.