Matayo 24:43 - Indagano Inyaaya mu-Chijita

⁴³ “Nawe mumenye kisi ati, araabha omwene inju akamenyere omwanya gunu omwifi kaaja, mbe atakawongeeye wuri, korereki omwifi aasiga okuuja ˆnaafumura inju yaaye.

INDAGANO INYA:YA

⁴³ Nawe mumenye cinu ati, omwene nyumba kumba aja:menyere omwanya gunu omwifi ke:jiramo, akatengejere, atakasigire inyumba yae okufumurwa.

Matayo 24:43 ပူးပေါင်းရင်းမြစ်များ

Matayo 14:25

Oruguru rwejire rwatema, Yeesu ˆnaakinga ku‑bheeyigisibhwa bhaaye, keenu ˆnaaribhataga ku‑nyanja.

Matayo 20:11

Kurwa ejo, bhejire bhaamara okuramira omuyeero gwebhwe, nibhaamba okutongʼanira omwene esambu

Matayo 24:42

Mbe mwiyangarire, kwa okubha mutakumenya ati ni rusuku ri runu anye Raatabhugenyi weemwe niriija.

Matayo 24:44

Kurwa ejo, mutengeeje omwanya gwone, kwa okubha anye Omwana wa Omuunu, niriija omwanya gunu mutakwiyikanya.”

Matayo 25:10

“Mbe, abhayara abhataamutaamu nibhagenda okugura amafuta. Omwanya gunu bhaariga bhachaagenda era okugura amafuta, omutwasi ˆnaakinga. Abhayara abheengeeso bhanu bhaariga bheeraabhire, nibheengira aamwi nage mw‑iyumba rinu obhuregesi bhwariga nibhukorekana. Niwo, orwigi nirwigarwa.

Matayo 25:13

Awo Yeesu ˆnaamariisya kwa okwayika ati, “Mbe, mwiyangarire, kwa okubha mutakumenya orusuku noorwo isaa inu nirisubha.”

Mariko 13:35

Yeesu ˆnaagenderera okwayika ati, “Emwe wone, mutengeeje, kwa okubha mutakumenya ati omwene inju kaasubha ri. Mutakumenya araabha kaasubha keegoro, amwi mu‑bhwire agati, amwi mu‑ruguru, amwi katondo.

Mariko 6:48

ˆNaarora kutyo bhaariga nibhanyaaka muno okufuga, kwa okubha omuyaga gwariga guri gwa ebhutwe. Mbe oruguru rwejire rwatema, Yeesu ˆnaabhajaa‑ko enu ˆnaaribhataga ku‑nyanja, ˆneenda okubhatura‑ko.

Ruuka 12:38

Noorwo araabha omwami weebhwe arisubha mu‑bhwire agati, amwi mu‑ruguru, na okubhasongʼana bhatengeejere, abhakosi abho bhari na amabhando muno!

Ruuka 12:39

“Nawe mumenye kisi ati, araabha omwene inju, akamenyere omwanya gunu omwifi kaaja, mbe atakawongeeye wuri, korereki omwifi aasiga okuuja ˆnaafumura inju yaaye.

Ruuka 21:36

Kurwa ejo, mubhega mutengeejere omwanya gwone! Mugenderere okusabhwa Nyamuwanga, korereki abhayaane obhuturo bhwa okwiruka joone jinu jirikorekana, na mwimereeguru imbere yaani, anye Omwana wa Omuunu.”

Obhusweruro 16:15

Raatabhugenyi Yeesu kaayika ati, “Muringire! Niriija rwa kutyo omwifi kaaja abhaanu bhataamenya. Ari na ribhando unu atengeejere na okwiraabha emyenda jaaye korereki asige kuyenga tuyu na okwiswasya imbere ya abhaanu.”

Obhusweruro 3:3

Mwichuke jinu ꞉mweeyigisiibhwe, nimujungwa. Mbe, muruubhe ejo na okuta ebhibhiibhi bhyemwe. Mukarema okutengeeja, niriija rwa kutyo omwifi kaaja na mutarimenya omwanya gunu niribhaaja‑ko.