Matayo 24:3 - Indagano Inyaaya mu-Chijita

³ Neeya, Yeesu ˆnaagenda ku‑chiima cha Emijeyituuni, ˆneenyanja okwo. Abheeyigisibhwa bhaaye nibhamujaa‑ko bhwitebhe, nibhamubhuusya ati, “Chibhwire, emisango ejo jirikorekana rusuku ri? Ka wone, niki chinu chiribha echibharikisyo cha okusubha kwawo na echa okukinga obhuteero bhwa echaaro?”

INDAGANO INYA:YA

³ Anu ariga eyanjire ku ci:ma ca Mijeituni, abe:igisibwa nibamu:jako bwitebe, mba:ika ati, Cibwire ebyo biribari? ?Ne cibarikisyo co ku:ja kwao, ne co bute:ro bwa maimbo niki?

Matayo 24:3 ပူးပေါင်းရင်းမြစ်များ

Matayo 13:36

Mbe, Yeesu ˆnaaraga ebhise bhya abhaanu, ˆneengira mu‑nju. Abheeyigisibhwa bhaaye nibhamuuja‑ko nibhamubhwira ati, “Chisomboorere obhugajuro bhwa echijekekanyo chirya cha amagorogoro ganu gaariga gari mw‑isambu.”

Matayo 13:49

Nikwo kutyo jiribha ku‑rusuku rwa obhuteero bhwa echaaro chinu. Bhamaraayika bhariija na okwawura abhakosi bha ebhibhiibhi na abhaanu abharengeresi imbere ya Nyamuwanga.

Matayo 15:12

Niwo abheeyigisibhwa bha Yeesu nibhamujaa‑ko, nibhamubhuusya ati, “Angu, owumenya ati Abhafarisaayo omwanya gunu ꞉bhoonguuwe emisango jaawo, ꞉bhaabhiyiiywe muno?”

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

Matayo 17:19

Nibheeya abheeyigisibhwa bha Yeesu nibhamujaa‑ko bhwitebhe, nibhamubhuusya ati, “Kurwa ki eswe, ꞉chaataamiibhwe okusoosya‑ko risambwa rirya?”

Matayo 21:1

Omwanya gunu Yeesu na abheeyigisibhwa bhaaye ꞉bhaarebhereeye Yerusareemu, nibhakinga mu‑ruguuyo rwa Bheetifaage ku‑chiima cha Emijeyituuni. Niwo Yeesu ˆnaatuma abheeyigisibhwa bhaaye bhabhiri, ˆnaabhabhwira ati,

Matayo 24:27

Mumenye ati okuuja kwani anye Omwana wa Omuunu, kuribha kwa okutakya. Jiribha rwa kutyo orurabhyo orubhonekana awoawo ebhuwuruka esuubha, na kwiya rumwi okukingira ebhugwa esuubha.

Matayo 24:30

“Ku‑mwanya ogwo, echibharikisyo cha Omwana wa Omuunu chiribhonekana ku‑rutumba, na abhaanu bha amaanga goone bharyamba okurira kwa okuyaya. Runu niriija, abhaanu bhoone bharindora niri mu‑meere niri na amanaga na rikusyo rikuru.

Matayo 24:37

Kurwa ejo, okuuja kwani, anye Omwana wa Omuunu, kuribha rwa kutyo jaariga jiri mu‑siku ja Nuuwu.

Matayo 24:39

Abhaanu abho, ꞉bhataamenyere ati niki chinu chirisookerera, okukingira anu induruma ꞉yeejire na okwita abhaanu bhoone. Nikwo kutyo jiribha omwanya gunu anye Omwana wa Omuunu niriija.

Matayo 24:43

“Nawe mumenye kisi ati, araabha omwene inju akamenyere omwanya gunu omwifi kaaja, mbe atakawongeeye wuri, korereki omwifi aasiga okuuja ˆnaafumura inju yaaye.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Ruuka 21:7

Mbe, abheeyigisibhwa abho nibhamubhuusya ati, “Omwiyigisya, emisango ejo jirikorekana rusuku ri? Ka wone, niki chinu chiribha echibharikisyo cha okweresya ati, ejo jiri yeeyi okukorekana?”

Ebikorwa 1:7

ˆNaabhabhwira ati, “Jisiku ja emisango ejo, jitari inguru yeemwe okujimenya, kwa okubha ni Raata omwene era, ku‑bhuturo bhwaye niwe aramuuye ati, jirikorekana rusuku ri.

Baeburania 9:26

Araabha jikabheeye jitari kutyo, mbe, akeenderwe okunyaaka kwiya kaafu okusookerera okubhumbwa kwa echaaro. Nawe woori mu‑siku ja obhuteero jinu, eejire na okwisoosya okubha echoogo rumwi era, korereki achisoosye‑ko ebhibhiibhi bhyeswe.