Matayo 24:10 - Indagano Inyaaya mu-Chijita

¹⁰ Niwo abhaanu bhaafu bharisiga okunduubha. Bhariromerana iniku na okusokana abheene kwa abheene.

INDAGANO INYA:YA

¹⁰ Mu siku ijo ba:fu bariyaba, bariromerana iniku no kusokana.

Matayo 24:10 ပူးပေါင်းရင်းမြစ်များ

Matayo 10:21

“Ku‑mwanya ogwo, omuunu wa inda imwi, ariromera iniku owaabho, korereki eetwe. Ka wone, omwibhusi wa echirume ariromera iniku omwana waaye, korereki eetwe. Abhaana wone bhatarigayuka abheebhusi bheebhwe na okureterera abheebhusi bheebhwe bheetwe.

Matayo 11:6

Ari na ribhando omuunu woonewoone unu atari na echiitimaato mu‑mwoyo gwaye inguru yaani.”

Matayo 13:21

Nawe, kaagayuka emisango ejo katungu katooto era, kwa okubha eriikirisya ryaye ryariga riri rya ingurunguru era. Mbe, araabha ebhinyaasyo amwi amaregeejo gaakamubhona ku‑songa ya emisango inguru ya obhukama bhwa mu‑rwire, awoawo kaasiga eriikirisya eryo.

Matayo 13:57

Abhaanu abho, nibhamubhiyirirwa, nibharema okumwikirisya. Niwo Yeesu ˆnaabhabhwira ati, “Abhaanu abhayaana echibharo omuragi, tari abhaanu bha mu‑musi gwabho amwi na bha iika ewaaye nibho bhatakumuyaana echibharo chaaye.”

Matayo 24:11

“Ku‑mwanya ogwo, bharibhaga nibheebhuka abharagi bhaafu bha orubheeyi, bhajige abhaanu bhaafu.

Mariko 13:12

“Omuunu wa inda imwi, ariromera iniku owaabho korereki eetwe. Omwibhusi wa echirume ariromera iniku omwana waaye, na abhaana bhatarigayuka abheebhusi bheebhwe na bharireterera bheetwe.

Mariko 4:17

Nawe kwa okubha bhatasirire emisi emwaro, abhabha‑wo omwanya mufuyi era, ebhinyaasyo bhikabhabhona inguru ya omusango gwa Nyamuwanga, awoawo abhasiga eriikirisya bhwangu.

Ruuka 21:16

“Muriromerwa iniku na abheebhusi bheemwe, abhamura bhaanyu, jingʼanda jeemwe na abhasaani bheemwe. Okuruubhana na ebhikorwa bhya abhaanu abho, abhandi mw‑imwe muriitwa.

2 Timoteo 1:15

Timoteewo, awe owumenya ati, abhaanu bhoone bha mu‑mukoowa gwa Asiya ꞉bhaansigire. Mu‑abho ari‑mo Fuugero na Erimogeene.

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.

2 Timoteo 4:16

Nejire neebhagira mw‑iramuriro omwanya gwa okwamba, ꞉nitaabhwene omuunu noorwo umwi unu ꞉eemereeguuyu orubhaara rwani, nawe bhoone ꞉bhaansigire. Enisabhwa Nyamuwanga abhafwire echigongo ku‑chikorwa echo cha okumbirima.