Matayo 22:5 - Indagano Inyaaya mu-Chijita

⁵ Nawe abhaanu bhanu bhaariga bhakokerwe, ꞉bhateekirisiisye. Nibhagenda ku‑mirimu jeebhwe, abhandi nibhagenda mu‑masambu geebhwe, na abhandi nibhagenda okukaana ebhiinu.

INDAGANO INYA:YA

⁵ Nawe nibaremo:kararwa, nibe:gendera oumwi kwisambu ryae, oundi ku butani bwae.

Matayo 22:5 ပူးပေါင်းရင်းမြစ်များ

Matayo 13:22

Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye.

Matayo 22:4

“Niwo ˆnaaragirira abhakosi abhandi, ˆnaabhabhwira ati, ‘Mugende mubhwire bhanu ꞉naakokere ati, “Niirabhire ebhiinu bhyone bhya obhuregesi. Niitire jiingʼa jaani jiinure aamwi na ebhitunganwa ebhindi ebhinure. Kurwa ejo, muuje mu‑bhuregesi!”’

Matayo 22:6

Abhandi nibhagwata abhakosi bha omukama, nibhabhabhuma na okubheeta.

Yowana 2:16

Niwo ˆnaabhwira bhanu bhaariga nibhagusya ebhiguuti ati, “Musoosye munu ebhiinu bhinu! Musige okukora inju ya Raata waani okubha eguriro!”

Ebikorwa 2:13

Nawe abhaanu abhandi, bhaariga nibhaseka abhaanu bha Yeesu abho, nibhaayikaga ati, “Bhakorerwe echifuufu!”

Ebikorwa 24:25

Omwanya gunu Pawuro ꞉aayikire inguru ya obhurengeresi, okwiyingirira na inguru ya orusuku runu Nyamuwanga ariramura bhuri muunu. Feeriki ˆnoobhaya, ˆnaayika ati, “Woori, nuugende. Nikabhona omwanya enija okukubhirikira rindi.”

Barumi 2:4

Nyamuwanga ni wa kisi muno, kaakufwira echigongo chaafu, na kaakwigumiirisya muno. Nawe awe woori, oweenda okugaya ejo joone? Utakumenya ati kaakweresya bhwa ekisi bhwaye, korereki uture okuta ebhibhiibhi bhyawo?

Barumi 8:6

Abhaanu bhanu obhwiganirisya bhwebhwe obhutungwa na obhusimukwa bhwebhwe bhwa echibhiibhi, abhafwa orufu rwa akajaanende koone. Nawe abhaanu bhanu obhwiganirisya bhwebhwe obhutangasibhwa na Mwoyo Mweru, abhabhona obhuwanga na omurembe.

2 Timoteo 3:4

bharibhaga nibharomera abheejaabho iniku, bharibhaga bhamaayuke na abha okwikumangya. Bharibhaga bhatakwenda Nyamuwanga, tari bharyendaga emisango ja echaaro muno.

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!