Matayo 22:24 - Indagano Inyaaya mu-Chijita

²⁴ “Omwiyigisya, Muusa ꞉aachiragiriiye mu‑bhiraagiro bhyaye ati, araabha omurume aakafwa na okusiga omugasi waaye atari na omwana, omumura waabho keendwa eengirire omutumbagasi oyo, korereki eebhurire abhaana owaabho unu ꞉aafuuwe.

INDAGANO INYA:YA

²⁴ Niba:ika ati, Omwiigisya, Musa a:ikire ati, Omu:nu arafwaga akaba atari na ba:na, Omwana wabo atware omugasi wae, e:burire Omwana wabo aba:na.

Matayo 22:24 ပူးပေါင်းရင်းမြစ်များ

Matayo 22:16

Niwo nibhatuma ku‑Yeesu abheeyigisibhwa bheebhwe aamwi na abharuubhirisya bha omukama Yeroode Atipaasi. Bhejire bhaakinga nibhabhuusya Yeesu ati, “Omwiyigisya, chimenyere ati awe uri muunu wa echimari na ati owiyigisya echimari inguru ya emisango ja Nyamuwanga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe.

Matayo 22:25

Woori, omwanya omurebhe bhaariga bhari‑wo abhamura bhataanu na bhabhiri bha inda imwi. Omumura omukuru ˆnaatwara omugasi, omumura oyo, ˆnaafwa atasigire‑ko omwana. Mbe omumura waabho wa kabhiri ˆneengirira omutumbagasi oyo.

Matayo 22:36

“Omwiyigisya, ni chiraagiro ki echinene okukira ebhiraagiro ebhindi bhyone bhya Nyamuwanga?”

Matayo 7:21

“Itari ati, bhuri muunu unu kaatogora ati, ‘Raatabhugenyi, Raatabhugenyi,’ ariingira mu‑bhukama bhwa mu‑rwire. Nawe omuunu unu kaakora okwenda kwa Raata waani unu ari mu‑rwire, oyo niwe aribhwingira.

Mariko 12:19

“Omwiyigisya, Muusa ꞉aachiragiriiye ati, ‘Araabha omurume aakafwa na okusiga omugasi waaye atari na omwana, omumura waabho keendwa eengirire omutumbagasi oyo, korereki eebhurire omumura waabho unu ꞉aafuuwe abhaana.’

Ruuka 20:28

“Omwiyigisya, Muusa ꞉aachiragiriiye mu‑bhiraagiro bhyaye ati, araabha omurume aakafwa ˆnaasiga omugasi waaye atari na omwana, omumura waabho keendwa eengirire omutumbagasi oyo, korereki eebhurire omumura waabho unu ꞉aafuuwe abhaana.

Ruuka 20:33

Mbe, nuuchibhwire ku‑rusuku rwa obhusuuruko, bhunu emwe omwayika ati, abhaanu bharisuuruka, omutumbagasi oyo aribha omugasi waaga? Okubha abhamura bhoone bhataanu na bhabhiri, ꞉bhaamutwaye!”

Ruuka 6:46

“Ni kurwa ki omumbirikira ati ‘Raatabhugenyi, Raatabhugenyi,’ nawe emisango jinu enibhabhwira, mutakujikora?