Matayo 22:16 - Indagano Inyaaya mu-Chijita

¹⁶ Niwo nibhatuma ku‑Yeesu abheeyigisibhwa bheebhwe aamwi na abharuubhirisya bha omukama Yeroode Atipaasi. Bhejire bhaakinga nibhabhuusya Yeesu ati, “Omwiyigisya, chimenyere ati awe uri muunu wa echimari na ati owiyigisya echimari inguru ya emisango ja Nyamuwanga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe.

INDAGANO INYA:YA

¹⁶ Nibamutumira abe:igisibwa bebwe aamwi na Baerodiani, niba:ika ati, Omwiigisya, cimenyere ati, uri wa cimari, ko:wiigisya kata injira ya Nyamuanga amwi utakuronderesya cibaro ca mu:nu, okuba utakusoro:ra mu ba:nu.

Matayo 22:16 ပူးပေါင်းရင်းမြစ်များ

Matayo 22:24

“Omwiyigisya, Muusa ꞉aachiragiriiye mu‑bhiraagiro bhyaye ati, araabha omurume aakafwa na okusiga omugasi waaye atari na omwana, omumura waabho keendwa eengirire omutumbagasi oyo, korereki eebhurire abhaana owaabho unu ꞉aafuuwe.

Matayo 22:26

Omumura omutooto oyo wone, ˆnaafwa atasigire‑ko omwana ku‑mutumbagasi oyo. ꞉Jaakorekeene kutyokutyo ku‑wa okwamba, ku‑wa kabhiri na ku‑wa kasatu, okukingira bhoone bhataanu na bhabhiri, nibhafwa bhatasigire‑ko omwana wuri.

Matayo 26:18

Yeesu ˆnaabhabhwira risiina rya omuunu omurebhe ˆnaayika ati, “Mugende mu‑musi gwa Yerusareemu ku‑muunu oyo, mumubhwire ati, ‘Omwiyigisya aachituma kw‑awe na kaayika ati, “Omwanya gwani gwafogeeye. Anye na abheeyigisibhwa bhaani echija okurya ebhiryo bhya Okwambuka mu‑nju yaawo.”’”

Matayo 26:49

Mbe, Yuuda ˆnaafogerera Yeesu, ˆnaamubhwira ati, “Naakukeesya Omwiyigisya!” Niwo ˆnaamufumbeera.

Mariko 10:17

Yeesu ejire aamba orugendo, omuunu umwi ˆnaamubhirimira, ˆnaamwifukamira. ˆNaabhuusya Yeesu ati, “Omwiyigisya wa ekisi, nikore kutiki korereki nibhone obhuwanga bhwa akajaanende koone ku‑chaaro chinu echiija?”

Mariko 12:13

Niwo abhatangasya bha Abhayawudi nibhatuma Abhafarisaayo abharebhe aamwi na abharuubhirisya bha omukama Yeroode Atipaasi, bhateganye Yeesu okuruubhana na emisango jaaye omwene.

Mariko 12:14

Bhejire bhaakinga nibhamubhwira ati, “Awe Omwiyigisya, chimenyere ati awe uri muunu wa echimari, na joone jinu owaayika ni ja echimari. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe. Owiyigisya injira ya Nyamuwanga kwa echimari. Angu, ebhiraagiro bhya Muusa ebhichiikirisisya okutobha rigooti ku‑Kayisaari, amwi wuri? Chitobhe amwi chisige okutobha?”

Mariko 3:6

Abhafarisaayo bhejire bhaawuruka anja, awoawo nibhakora echinyanjo na abharuubhirisya bha omukama Yeroode Atipaasi, cha okwikirisyanya nabho kutyo abhaja okwita Yeesu.

Mariko 8:15

Yeesu ˆnaabhakengya ati, “Mwiyangarire muno na okwikenga echifwimbya cha Abhafarisaayo na echa Yeroode.”

Ruuka 20:21

Mbe, abhatatirisya abho nibhamubhuusya ati, “Awe Omwiyigisya, chimenyere ati, owaayika na okwiyigisya emisango ja rirenga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe. Owiyigisya injira ya Nyamuwanga kwa echimari.

Ruuka 7:40

Yeesu ˆnaabhwira Simooni ati, “Simooni awe, niri na omusango eneenda okukubhwira.” Simooni ˆnaamusubhya ati, “Omwiyigisya waani, nuumbwire.” Yeesu ˆnaayika ati,

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 18:37

Mbe, Piraato ˆnaamubhuusya ati, “Kutyo mbe, awe uri mukama?” Yeesu ˆnaamusubhya ati, “Naawe waayika ati, anye niri mukama. Anye ꞉neebhuuywe na okuuja ku‑chaaro kunu, korereki niiyigisye abhaanu echimari. Omuunu woonewoone unu kaaruubha echimari, kaategeresya emisango jaani.”

Yowana 7:18

Omuunu woonewoone unu kaayika ku‑bhuturo bhwaye omwene, oyo keeyenjera echibharo chaaye omwene. Nawe unu kaayenja echibharo inguru ya unu ꞉aamutumire, oyo kaayika echimari, atakwayika orubheeyi wuri.”

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

2 Bakorinto 5:16

Kurwa ejo okwambira woori, chitakwiganirisya rindi obhurambu bhwa omuunu woonewoone ku‑njira ya echinyamuunu. Noorwo kutyo omwanya omurebhe chaariga nichiiganirisya Kirisito ku‑njira eyo, nawe woori chitakukora kutyo rindi.

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

Bagalatia 2:6

Nawe abhatangasya bharya bha rikanisa bhanu abhayaanwa echibharo muno na abhaanu, bhaariga bhatari na omusango gwonegwone omuyaaya gwa okumbwira. Ni chimari ꞉bhaayaaywe echibharo muno, nawe kw‑anye eryo chitari echiinu, kwa okubha Nyamuwanga atakuringira echibharo cha omuunu.

1 Batesalonika 2:4

Nawe echiraasya kwa okubha Nyamuwanga ꞉aachiikirisisiisye, ˆnaachiyaana emirimu ja okuraasya Emisango ja Ekisi. Jitari ati, echikena okukondisya abhaanu, tari echikena okukondisya Nyamuwanga unu kaamenya kutyo emyoyo jeeswe jiri.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.