Matayo 22:13 - Indagano Inyaaya mu-Chijita

¹³ Mbe, omukama ˆnaabhwira abhakosi bhaaye ati, ‘Mubhoye omuunu unu amaguru na amabhoko na mumwese anja mu‑chisuute. Omwo nimwo abhaanu bhaririraga na okuguguna ameeno.’”

INDAGANO INYA:YA

¹³ Mbe niwo omukama nababwira abagaya bae ati, Mumuboye amaboko na maguru, mumwese mu cisu:te ca anja. Niyo kuriba okurira no kunguguna ame:no.

Matayo 22:13 ပူးပေါင်းရင်းမြစ်များ

Matayo 12:29

Atari‑wo omusaakusi unu kaatura okwingira mu‑nju ya omuunu owa amanaga, korereki amusaakure ebhiinu bhyaye, atatangatire okubhoya omuunu owa amanaga oyo, okwamba. Akamara okumubhoya kisi, niwo kaatura okusaakura ebhiinu bhinu bhiri mu‑nju yaaye omwo.

Matayo 13:30

Musige bhikure bhyone, okukingira omwanya gwa okugesa. Ku‑mwanya ogwo, niribhwira abhagesi ati, bhatangate okukumanya amagorogoro na okugabhoya masekomaseko, korereki bhagooche. Niwo bharigesa ingano na okuyibhiika mu‑chitara chaani.’”

Matayo 13:42

Bhamaraayika abho, bharyesa abhaanu abhajabhi bhoone mu‑nyanja ya omuriro. Omwo nimwo bhaririraga na okuguguna ameeno.

Matayo 13:50

Niwo bharyesa abhakosi bha ebhibhiibhi mu‑nyanja ya omuriro. Omwo nimwo bhaririraga na okuguguna ameeno.”

Matayo 24:51

Niwo omwami waaye arimuyaana jimbuma muno na okumwesa anu abheerimaanya bhari. Omwo nimwo abhaanu bhaririraga na okuguguna ameeno.”

Matayo 25:30

Omugaya oyo, atari na omuriiro gwonegwone. Mumwese anja mu‑chisuute munu bhaririraga na okuguguna ameeno.’”

Matayo 8:12

Nawe Abhayisirayeeri abharebhe bhanu bhaariga nibheeyikanya okwingira mu‑bhukama obhwo, bharyeswa anja mu‑chisuute, omwo nimwo bhaririraga na okuguguna ameeno.”

Ruuka 13:28

“Niwo muririraga na okuguguna ameeno, kwa okubha murirora Bhurayimu, Isaaka, na Yakobho, na abharagi bhoone bhari mu‑bhukama bhwa Nyamuwanga, nawe emwe abheene muribhaga mujugunirwe anja!

Yowana 21:18

Ni chimari enikubhwira ati, omwanya gunu waariga uchaari mumura, waariga unarire okufwara emyenda jaawo omwene, na okuja woonewoone anu weendaga. Nawe aribha waakokora, urigorora mabhoko gaawo na omuunu owundi arikubhoya na okukusira anu utaryenda okuja.”

Ebikorwa 21:11

Omuragi oyo ˆnaachiija‑ko, ˆnaagega omuchipi gwa Pawuro, ˆneebhoya amaguru na amabhoko, ˆnaayika ati, “Mwoyo Mweru kaayika ati, ‘Kutya, nikwo Abhayawudi bha Yerusareemu abhaja okubhoya mwene omuchipi gunu, na abhaja okumutuura mu‑mabhoko ga abhaanu bhanu bhatari Bhayawudi.’”

Ebikorwa 7:54

Abhakuru bha Abhayawudi abho bhejire bhoongwa emisango ja Tefwano ejo, nibhabhiyirwa muno, nibhaguguna ameeno kwa risungu.

2 Batesalonika 1:9

Indamu yeebhwe iribha okusingaarisibhwa akajaanende koone, bharitaganyibhwa na Raatabhugenyi chimwi, ka wone bharisoosibhwa mw‑ikusyo rya amanaga gaaye.

2 Petero 2:17

Abhaanu abho bhari rwa amajibha ganu goomirire, bhari rwa orukoowa runu oruyembwa na echifurafufi. Echisuute echirafuru ti chibhiikirwe inguru yeebhwe.

2 Petero 2:4

Nikwo kutyo bhamaraayika bhanu ꞉bhaakorere ebhibhiibhi, Nyamuwanga ꞉ataabhasigire, tari ꞉aabheesere nyombe, anu bhabhoyerwe na amaseega. Mu‑chisuute echirafuru cha nyombe eyo, abharindirira orusuku rurya rwa okuramurwa.

Yuuda 1:13

Bhatakutura okwiyingirira, bhari rwa amakonjo amanene ga mu‑nyanja ganu agasaaruuma, na ebhikorwa bhyebhwe bhya jiswaro ebhiswirana rwa rifiro rya amakonjo kutyo erifukumba. Bhari rwa jinjota jinu ejiyengayenga na okubhura. Echisuute echirafuru ti chibhiikirwe inguru yeebhwe akajaanende koone.

Yuuda 1:6

Ka wone, mwichuke bhamaraayika bhanu ꞉bhateeyirwe na obhukuru bhwebhwe, nibhasiga obhwikaro bhwebhwe. Nyamuwanga abhateeye mu‑chisuute echirafuru, abhabhoyere na amaseega ga akajaanende. Eyo abharindirira orusuku orukuru rwa okuramurwa.

Obhusweruro 21:27

Nawe echiinu choonechoone chinu chiri echijabhi chitariingira mu‑musi omwo noorwo na akatyari, noorwo omuunu woonewoone unu kaakora emisango jinu ejifuruurusya amwi ja orubheeyi. Tari bhanu bhariingira mu‑musi omwo ni bharya era bhanu amasiina geebhwe gakaamirwe mu‑chitabho cha obhuwanga cha Omwana wa Inaama.