Matayo 21:34 - Indagano Inyaaya mu-Chijita

³⁴ “Omwanya gwa okugesa gwejire gwakinga, omwene esambu oyo ˆnaatuma abhakosi bhaaye ku‑bharimi abho, korereki bhamugegere ribhaara ryaye rya amatwasyo.

INDAGANO INYA:YA

³⁴ Mbe, jisiku ja matwasyo je:jire jafugera, natuma abagaya bae ku barimi abo, babayane amatwasyo gae.

Matayo 21:34 ပူးပေါင်းရင်းမြစ်များ

Matayo 21:35

Nawe omwanya gunu abhakosi bhaaye ꞉bhaakingire, abharimi abho nibhabhagwata, umwi nibhamubhuma, owundi nibhamwita na owundi nibhamubhuma na amabhuyi.

Matayo 21:38

Nawe abharimi bharya bhejire bhaarora omwana waaye, nibhaayikana ati, ‘Unu niwe aryanjura ebhiinu bhya esemwene. Chimwite korereki eswe neeswe chigege omwandu gwaye.’

Matayo 21:40

Yeesu ˆnaabhabhuusya ati, “Angu, omwene esambu akasubha okusooka mu‑rugendo rwaye, arikorera ki abharimi bharya?”

Matayo 21:41

Nibhamusubhya ati, “Arisingaarisya kubhiibhi abhajabhi abho na risambu ryaye aririweekesya ku‑bharimi abhandi bhanu bharimuyaana ribhaara ryaye rya amatwasyo kwa omwanya.”

Matayo 22:3

Omukama oyo ˆnaaragirira abhakosi bhaaye bhagende okubhirikira abhaanu bhanu bhaariga bhakokerwe ati bhaaje mu‑bhuregesi, nawe bhoone nibharema okuuja.

Mariko 12:1

Yeesu ˆnaamba okwayika na abhatangasya bha Abhayawudi bharya ku‑bhijekekanyo. ˆNaayika ati, “Aariga ari‑wo omuunu umwi unu aariga ari na risambu. Mw‑isambu omwo, aariga ayambire‑mo emijabhiibhu. ˆNaarisitira orugo, ˆnaasimba eryobho agatigati korereki amigirege‑mo omuta gwa emijabhiibhu, ka wone ˆnoombaka obhutara obhureera bhwa abhariisi. Ku‑bhuteero, ˆnaariweekesya ku‑bharimi abharebhe, ˆnaagenda orugendo.

Mariko 12:7

“Nawe, ejire aakinga, abharimi bharya nibhaayikana ati, ‘Unu niwe aryanjura risambu rya esemwene rinu. Woori, chimwite. Omwandu gwaye gunu oguja okubha gweswe.’

Mariko 12:9

“Woori, omwene esambu oyo arikora kutiki? Ariija na okusingaarisya abharimi bharya, na risambu eryo, aririweekesya ku‑bharimi abhandi.

Ruuka 20:9

Niwo, Yeesu ˆnaagenderera okubhwira abhaanu echijekekanyo echindi ati, “Aariga ari‑wo omuunu umwi. Omuunu oyo, ꞉aayambire emijabhiibhu mw‑isambu ryaye, ˆnaariweekesya ku‑bharimi abhandi. Neeya, ˆnaajira orugendo rwa okuja mu‑chaaro cha kura, ˆnaamara eyo omwanya omureera.