Matayo 21:31 - Indagano Inyaaya mu-Chijita

³¹ “Woori angu, mu‑bhabhiri abho, niga unu ꞉aakorere rwa kutyo esemwene ꞉eendere?” Abhakuru bha abhagabhisi na abhakuru bha Abhayawudi bharya, nibhamusubhya ati, “Ni urya wa okwamba.” Niwo Yeesu ˆnaayika ati, “Ni chimari enibhabhwira ati, abhatobhesya bha rigooti na abhagasi bhanu abheegusya okwibhonera ribhona, bharibhatangatira okwingira mu‑bhukama bhwa Nyamuwanga.

INDAGANO INYA:YA

³¹ ?Kwabo bo:ne niga unu akoree esemwene binu endere? Niba:ika ati, Owo kwamba. Yesu nababwira ati, Ni cimari enibabwira ati, Abatobesya na bamaraya ababatangatira emwe okwingira mu bukama bwa Nyamuanga.

Matayo 21:31 ပူးပေါင်းရင်းမြစ်များ

Matayo 12:50

Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”

Matayo 18:3

ˆNaabhabhwira ati, “Ni chimari enibhabhwira ati, araabha mukarema okuyinduka na okubha rwa abhaana abharera, mutaringira mu‑bhukama bhwa mu‑rwire noorwo na akatyari.

Matayo 20:16

Yeesu ˆnaamariisya kwa okwayika ati, “Kutyo, abhaanu bhanu bhasingiriiye woori, bharitangata. Ka wone, abhaanu bhanu bhatangatire woori, bharisingirira.”

Matayo 21:30

“Niwo esemwene ˆnaagenda ku‑mwana waaye wa kabhiri na okumubhwira rwa kutyo ꞉aabhwiriiye wa okwamba urya. Omwene ˆnaamusubhya ati, ‘Enija okugenda raata!’ Nawe ꞉ataagendere.

Matayo 5:18

Ni chimari enibhabhwira ati, okukingira omwanya gunu orutumba na echaaro bhirisoosibhwa‑wo, katari‑wo akasango amwi akanyuguta kamwi ka ebhiraagiro kanu karisoosibhwa‑wo, okukingira joone jikuumire.

Matayo 5:46

Araabha mukeenda bhanu abhabheenda era, omwitogera ati, ni chiyaanwa ki chinu muribhona okusooka ku‑Nyamuwanga? Noorwo abhatobhesya bha rigooti wone abheenda bhanu abhabheenda era.

Matayo 6:5

“Omwanya gunu omusabhwa Nyamuwanga, mwasiga okubha rwa abheerimaanya. Abheene abheendaga okusabhwa bheemereeguuyu mu‑nju ja ameekofyanyo ga Abhayawudi na ku‑sonde ja ku‑njira korereki abhaanu abhandi bhabharore. Ni chimari enibhabhwira ati, bhaamarire okuramira omuyeero gwebhwe gwone.

Matayo 7:21

“Itari ati, bhuri muunu unu kaatogora ati, ‘Raatabhugenyi, Raatabhugenyi,’ ariingira mu‑bhukama bhwa mu‑rwire. Nawe omuunu unu kaakora okwenda kwa Raata waani unu ari mu‑rwire, oyo niwe aribhwingira.

Matayo 9:9

Yeesu ejire aasooka awo, bhunu aaribhataga ku‑njira, ˆnaarora omutobhesya umwi wa rigooti unu aatogwaga ati, Mataayo. Omutobhesya oyo, aariga eenyanjire mw‑itobhesisyo rya rigooti. Yeesu ˆnaamubhwira ati, “Nuunduubhe.” Awoawo, Mataayo ˆneemuka, ˆnaamuruubha.

Ruuka 15:10

“Enibhabhwira ati, nikwo kutyo Nyamuwanga kaakonderwa imbere ya bhamaraayika, araabha omuunu umwi owa ebhibhiibhi akata ebhibhiibhi bhyaye na okubhisiga.”

Ruuka 19:22

“Omukama oyo, ˆnaamubhwira ati, ‘Awe omugaya omubhiibhi! Enija okukuramura okuruubhana na obhwayiki bhwawo omwene. Waayika ati, umenyere ati, anye niri mururu kabhukabhu, enigega anu ꞉nitaateeye echiinu wuri, na enigesa anu ꞉nitaayambire echiinu wuri.

Ruuka 7:29

Mbe, abhaanu abho bhoone, aamwi na abhatobhesya bha rigooti, bhejire bhoongwa emisango ejo, nibheekirisya ati obhutinge bhwa Nyamuwanga ku‑bheene bhwariga bhuri bhwa ekisi. Abhaanu abho nibho bhanu Yowana Omubhatiija ꞉aabhatiijiisye.

Yowana 3:3

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe rwa kabhiri.”

Yowana 3:5

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe mu‑manji na kwa Mwoyo Mweru.

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Barumi 3:19

Mbe, eswe chimenyere ati, omwanya gunu Ebhikaame Ebhyeru ebhisimura inguru ya echiinu choonechoone, ebhisimura inguru ya abhaanu bhanu ꞉bhaayaaywe Ebhikaame ebhyo. Ebhikaame ebhyo, ꞉bhyakaamirwe korereki abhaanu bhoone, Abhayawudi na abhaanu bhanu bhatari Bhayawudi bhasige okubha na isonga ya okwibhagira omwanya gunu Nyamuwanga ariramura echaaro. Jiribha abhwerubhweru ati abhaanu bhoone bheeyire okuramurwa na Nyamuwanga.

Barumi 5:20

Ebhiraagiro bhya Muusa ꞉bhyejire, nibhireterera ebhibhiibhi okwiyongesya. Noorwo kutyo, omwanya gunu ebhibhiibhi ꞉bhyeyongesiisye, obhwitiriranya bhwa Nyamuwanga wone nibhugenderera okwiyongesya muno.

2 Petero 3:9

Abhaanu abhandi abheetogera ati Raatabhugenyi kaakoora okukuumisya jinu ꞉aaragire, nawe atakukoora. Tari omwene keegumiirisya ku‑songa yeemwe, okubha atakwenda omuunu noorwo umwi abhure. Chinu keenda ni ati bhoone bhate ebhibhiibhi bhyebhwe.