Matayo 20:12 - Indagano Inyaaya mu-Chijita

¹² nibhaayikaga ati, ‘Abhaanu bharya ꞉bhaakorere emirimu esaa rimwi era! Woori jaabha kutiki waachiriya bhwinganya aamwi nabho, omwanya ogwo eswe chikorere emirimu misito muno na risuubha ryachoocha orusuku rukobhe?’

INDAGANO INYA:YA

¹² Niba:ika ati, Aba:nu ba ku bute:ro, banu bakora saa imwi era, ka:we wabariŋanya neswe banu ce:komesya mu nya:ko no mumwi nguco:ca.

Matayo 20:12 ပူးပေါင်းရင်းမြစ်များ

Matayo 20:11

Kurwa ejo, bhejire bhaamara okuramira omuyeero gwebhwe, nibhaamba okutongʼanira omwene esambu

Ruuka 12:55

Mukoongwa omuyaga niguyemba okusookerera ebhurimbe, omwayika ati, ‘Reero imbiita eyija okubha nyafu,’ na nijibha kutyo.

Barumi 3:27

Kurwa ejo, angu, omusango ogwo oguchiyingirira okwikumangya? Yee, kwa okubha noorwo eswe chitakubharwa okubha abharengeresi imbere ya Nyamuwanga kwa okuruubha ebhiraagiro, tari kwa okwikirisya Yeesu era.

Barumi 3:30

Ari‑wo Nyamuwanga umwi era, kurwa ejo iri‑wo injira imwi era ya okubhara abhaanu okubha abharengeresi imbere yaaye. Abhayawudi na abhaanu bhanu bhatari Bhayawudi, bhoone abheekirisibhwa na Nyamuwanga okubha abharengeresi kwa okwikirisya Yeesu era.

1 Bakorinto 4:11

Noorwo woori kutya, chiri na omweko na obhwiro bhwa amanji, echiyenga tuyu, echibhumwa ebhifuufi, ka wone chitari na obhwikaro.

Baefeso 3:6

Obhutinge bhwa imbisike eyo, ni ati, ku‑njira ya okwikirisya Emisango ja Ekisi, abhaanu bhanu bhatari Bhayawudi na Abhayawudi bhari na omwandu gumwi, bhari mubhiri gumwi na abhasangira aamwi amabhando ganu bharagirwe mu‑Kirisito Yeesu.

Yakobo 1:11

Risuubha eriwuruka, omuumwi mwafu oguwotosya ebhiimesya, obhwaso bhwende‑ko nibhunogoka na obhureesi bhwabhyo obhuwaawo. Nikwo kutyo jiribha noorwo ku‑muniibhi. Aribhaga naakora emirimu jaaye na arifwira ku‑mirimu ejo.