Matayo 2:4 - Indagano Inyaaya mu-Chijita

⁴ Niwo Yeroode ˆnaakofya abhakuru bhoone bha abhagabhisi na abheeyigisya bha ebhiraagiro bhya Muusa, ˆnaabhabhuusya ati, “Kirisito kaja okwibhurirwa aaki?”

INDAGANO INYA:YA

⁴ Nakofya abagabisi abakuru bo:ne na bandiki ba ba:nu, nababu:sirisya ati, ?Kristo ariburirwa a:ki?

Matayo 2:4 ပူးပေါင်းရင်းမြစ်များ

Matayo 13:52

Omwene ˆnaabhabhwira ati, “Omwiyigisya woonewoone unu kaasombookerwa ebhiraagiro bhya Muusa na obhukama bhwa mu‑rwire, ari rwa omwene musi unu kaasoosya mw‑ibhiikiro ryaye ebhiinu ebhiyaaya na ebhikokoro.”

Matayo 2:3

Omukama Yeroode ejire oongwa emisango jeebhwe, ˆnaayaya muno. Noorwo abhaanu bhoone bha Yerusareemu, wone nibhayaya.

Matayo 2:5

Abheene nibhamusubhya ati, “Kaja okwibhurirwa mu‑musi gwa Bhetereyeemu mu‑mukoowa gwa Yuudeya. Echimenya ejo, kwa okubha Nyamuwanga ꞉aayikire kutyo, okutura mu‑bhikaame bhya omuragi waaye ati,

Matayo 21:15

Nawe abhakuru bha abhagabhisi na abheeyigisya bha ebhiraagiro bhya Muusa bhejire bhaarora ebhiruguusyo bhinu Yeesu ꞉aakorere, na bhejire bhoongwa abhaana nibhaayikaga mu‑rubhuga rwa Riyekaru ati, “Wosaana, Omwana wa Dawudi,” nibhabhiyirwa muno.

Matayo 21:23

Yeesu ˆneengira rindi mu‑rubhuga rwa Riyekaru rya Nyamuwanga. Omwanya gunu eeyigisyaga, niwo abhakuru bha abhagabhisi na abhakuru bha Abhayawudi nibhaaja okumubhuusya ati, “Jinu owukora, owujikora ku‑bhuturo ki? Niga unu akuyaaye obhuturo obhwo?”

Matayo 26:3

Mbe, omwanya ogwo abhakuru bha abhagabhisi na abhakuru bha Abhayawudi, nibheekumanya mu‑nju ya omugabhisi omukuru unu risiina ryaye aatogwaga ati Kayaafa.

Matayo 26:47

Omwanya gunu Yeesu aariga achaaroma emisango ejo, ringira Yuuda, umwi ku‑bheeyigisibhwa bhaaye ekumi na bhabhiri, ˆnaaja aamwi na echise echinene cha abhaanu abha jimbanda na jindungu. Echise echo chaariga chitumirwe na abhakuru bha abhagabhisi na abhakuru bha Abhayawudi.

Matayo 27:1

Mwejo yende‑ko katondo, abhakuru bhoone bha abhagabhisi aamwi na abhakuru bha Abhayawudi nibharamura okwita Yeesu.

Matayo 7:29

Abhaanu ꞉bhaaruguurire, kwa okubha ameeyigisyo gaaye gaariga gatari rwa ga abheeyigisya bheebhwe bha ebhiraagiro bhya Muusa, tari eeyigisyaga rwa omuunu unu ari na obhuturo.

Mariko 8:31

Neeya Yeesu ˆnaamba okwiyigisya abheeyigisibhwa bhaaye ati jeenderwe omwene, Omwana wa Omuunu, anyaasibhwe muno, aremwe na abhakuru bha Abhayawudi, na abhakuru bha abhagabhisi, na abheeyigisya bha ebhiraagiro bhya Muusa, eetwe na ku‑rusuku rwa kasatu, arisuuruka.

Ruuka 20:19

Abheeyigisya bha ebhiraagiro bhya Muusa na abhakuru bha abhagabhisi, nibhasombookerwa ati, echijekekanyo echo echaayikira abheene. Kurwa ejo nibheenda okumugwata awoawo, nawe nibhoobhaya abhaanu.

Ruuka 23:10

Abhakuru bha abhagabhisi na abheeyigisya bha ebhiraagiro bhya Muusa, nibheemereeguru imbere ya Yeroode nibhasitaaka Yeesu kwa managa muno.

Yowana 18:3

Kurwa ejo, Yuuda ˆnaatangasya echise cha abhasirikare bha Echiruumi, aamwi na abhasirikare bha Riyekaru okusooka ku‑bhakuru bha abhagabhisi na ku‑Bhafarisaayo. Nibhagenda mw‑isambu eryo, bhagwatiriiyega jidara, ebhisiriira na ebhigwato.

Yowana 3:10

Yeesu ˆnaamusubhya ati, “Awe uri mwiyigisya unu uri na echibharo muno mu‑chaaro cha Yisirayeeri, ka utakumenya emisango ejo?

Yowana 7:32

Mbe, Abhafarisaayo nibhoongwa kutyo abhaanu bhaariga nibhabhobhootana inguru ya Yeesu. Kurwa ejo, Abhafarisaayo abho, aamwi na abhakuru bha abhagabhisi, nibhatuma abhasirikare, korereki bhamugwate.

Yowana 8:3

Abheeyigisya bha ebhiraagiro bhya Muusa na Abhafarisaayo, nibhamusirira omugasi unu ꞉aagwatirwe echiroogi, nibhamutuura agatigati ya echise cha abhaanu.

Ebikorwa 23:9

Mbe, mw‑ibharaja omwo, niibha‑mo injogere nene muno. Abheeyigisya abharebhe bha ebhiraagiro bhya Muusa bhanu bhaariga bhari Abhafarisaayo, nibheemereeguru nibhabhambarira Pawuro kwa managa goone nibhaayikaga ati, “Chitakurora echikayo choonechoone cha omuunu unu! Kaatura okubha ari mwoyo amwi ari maraayika niwe aayikire nage.”

Ebikorwa 4:5

Mwejo yende‑ko, abhatangasya, abhakuru bha Abhayawudi na abheeyigisya bha ebhiraagiro bhya Muusa, ꞉bheekofyanyiisye Yerusareemu awo.

Ebikorwa 6:12

Mu‑kwayika ejo, ꞉bhaakorere abhaanu bhaafu, aamwi na abhakuru bha Abhayawudi na abheeyigisya bha ebhiraagiro bhya Muusa nibhabhiyirwa. Nibharuubha Tefwano, nibhamugwata, nibhamusira mw‑ibharaja rikuru rya Abhayawudi.