Matayo 2:2 - Indagano Inyaaya mu-Chijita

² “Ari aaki omwana unu eebhurwa abhe omukama wa Abhayawudi? Echimenya ati eebhuuywe, kwa okubha, ꞉chaarorere injota ya echibharikisyo cha okwibhurwa kwaye omwanya gunu ꞉yaabhonekeene ebhuwuruka esuubha. Kurwa ejo, chaaja okumuramya.”

INDAGANO INYA:YA

² Nibaika ati, Ari a:ki unu e:buywe Omukama wa Bayaudi? Okuba carorere injota yae ebuturuka, nici:ja okumuramya.

Matayo 2:2 ပူးပေါင်းရင်းမြစ်များ

Matayo 2:3

Omukama Yeroode ejire oongwa emisango jeebhwe, ˆnaayaya muno. Noorwo abhaanu bhoone bha Yerusareemu, wone nibhayaya.

Matayo 21:5

“Bhwira abhaanu bha omusi gwa Sayuuni ati, ‘Ringira, omukama weemwe kaaja kw‑imwe, ni mworooro, kaaja ariinyire ku‑sikiri, ka isikiri eyo ichaari chinyara.’”

Matayo 27:11

Niwo Yeesu ˆneemereeguru imbere ya omutungi wa Echiruumi. Omutungi oyo, ˆnaamubhuusya ati, “Angu, awe naawe omukama wa Abhayawudi?” Yeesu ˆnaamusubhya ati, “Naawe omwayiki.”

Ruuka 19:38

Nibhaayika ati, “Ayaanwe amabhando Omukama unu kaaja kw‑isiina rya Raatabhugenyi Nyamuwanga! Omurembe gubhe agati ya Nyamuwanga na abhaanu bhaaye! Nyamuwanga unu ari mu‑rwire akusibhwe!”

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

Ruuka 23:3

Niwo Piraato ˆnaabhuusya Yeesu ati, “Angu, naawe omukama wa Abhayawudi?” Yeesu ˆnaamusubhya, ati, “Naawe omwayiki!”

Ruuka 23:38

Nibhatuura akabhaawu ku‑musarabha gwa Yeesu inguru, kakaamirwe‑ko ati, “unu niwe omukama wa abhayawudi.”

Yowana 1:49

Natanayeri ˆnaamusubhya ati, “Omwiyigisya, awe uri Mwana wa Nyamuwanga! Ka wone uri mukama wa Abhayisirayeeri!”

Yowana 12:13

Mbe, nibhagega amatabhi ga jikinda, nibhagenda okuramira Yeesu. Nibhaamura obhuraka nibhaayikaga ati, “Wosaana! Ayaanwe amabhando unu kaaja kw‑isiina rya Raatabhugenyi Nyamuwanga! Ayaanwe amabhando omukama wa Abhayisirayeeri.”

Yowana 18:37

Mbe, Piraato ˆnaamubhuusya ati, “Kutyo mbe, awe uri mukama?” Yeesu ˆnaamusubhya ati, “Naawe waayika ati, anye niri mukama. Anye ꞉neebhuuywe na okuuja ku‑chaaro kunu, korereki niiyigisye abhaanu echimari. Omuunu woonewoone unu kaaruubha echimari, kaategeresya emisango jaani.”

Yowana 19:19

Piraato ˆnaaragirira ati jikaamwe emisango ku‑kabhaawu na akabhaawu ako katuurwe inguru ya omusarabha gwa Yeesu. Emisango ejo jaariga jikaamirwe ati, “unu ni yeesu wa najareeti, omukama wa abhayawudi.”

Yowana 20:28

Tomaasi ˆnaamusubhya ati, “Raatabhugenyi waani na Nyamuwanga waani!”

Yowana 5:23

Raata ꞉aakorere kutyo, korereki abhaanu bhoone bhayaane Omwana echibharo rwa kutyo abhayaana Esemwene echibharo. Omuunu woonewoone unu atakuyaana Omwana echibharo, oyo atakuyaana echibharo Raata unu ꞉aamutumire.

Yowana 9:38

Omuunu oyo ˆnaayika ati, “Raatabhugenyi, enikwikirisya.” Niwo omuunu oyo, ˆnaamuramya.

Baeburania 1:6

Ka wone, omwanya gunu Nyamuwanga ꞉aatumire Omwana waaye wenyere ku‑chaaro anu, ꞉aayikire ati, “Bhamaraayika bhoone bha Nyamuwanga bharamye Omwana oyo.”

Obhusweruro 22:16

“Anye Yeesu, naanye orwibhuro orukuru rwa omukama Dawudi, naanye eniseekaana rwa inyamaananga. Anye, naanye unu ꞉naatumire maraayika waani mu‑makanisa, korereki abhwire emwe abharuubhirisya bhaani emisango jinu.”