Matayo 19:29 - Indagano Inyaaya mu-Chijita

²⁹ Mbe, omuunu woonewoone unu asigire inju yaaye, amwi abhamura bhaabho, amwi abhayara bhaabho, amwi esemwene, amwi nyiramwene, amwi abhaana bhaaye, amwi amabhwi inguru yaani, ariramira bhyone ku‑bhwafu muno. Aamwi na ejo, aribhona obhuwanga bhwa akajaanende koone.

INDAGANO INYA:YA

²⁹ No mu:nu wo:ne unu asigire inyumba, amwi bamura ba:bo, amwi bayara ba:bo, amwi esemwene, amwi nyiramwene, amwi ba:na, amwi busi, kurwa risi:na ryani, ariyabwa kwiya egana, no kurya omwandu obuanga bunu butakuwao.

Matayo 19:29 ပူးပေါင်းရင်းမြစ်များ

Matayo 10:22

Abhaanu bhoone bharibhasoka ku‑songa yaani. Nawe, omuunu woonewoone unu ariigumiirisya okukingira ku‑bhuteero, niwe Nyamuwanga arichungura.

Matayo 13:23

Nawe jimbibho jinu ꞉jaaguuwe mu‑mayaru ga ekisi, jiri rwa omuunu unu koongwa emisango inguru ya obhukama bhwa mu‑rwire na okujisombookerwa. Omuunu oyo, niwe kaabha na amatwasyo mu‑bhurame bhwaye. Jimbibho ejindi ejitwasya amatwasyo egana rimwi, ejindi makumi gataanu na rimwi na ejindi makumi gasatu.”

Matayo 13:8

Jimbibho ejindi nijigwa mu‑mayaru ga ekisi. Jimbibho ejo jejire jaakura, ejindi nijitwasya amatwasyo egana rimwi, ejindi nijitwasya amatwasyo makumi gataanu na rimwi na ejindi nijitwasya amatwasyo makumi gasatu.

Matayo 16:25

Omuunu unu keenda okuwonʼya obhurame bhwaye omwene, niwe aribhusya obhuwanga bhwa akajaanende koone. Nawe omuunu unu kaabhusya obhurame bhwaye inguru yaani, niwe aribhona obhuwanga bhwa akajaanende koone.

Matayo 19:16

Niwo omusigaji umwi ˆnaaja ku‑Yeesu, ˆnaamubhuusya ati, “Omwiyigisya, angu, nikore musango ki gwa ekisi korereki nibhone obhuwanga bhwa akajaanende koone?”

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Matayo 5:11

“Emwe muri na ribhando araabha abhaanu abhabhafuma, abhabhanyaasya na okubhakuurisya omusango gwonegwone omubhiibhi ku‑songa yaani.

Matayo 6:33

Woori emwe, muyenje okwamba obhukama bhwa Nyamuwanga na obhurengeresi bhwaye, na ebhindi ebhyo bhyone Nyamuwanga kaja okubhoongesisya.

Ruuka 14:26

“Omuunu woonewoone unu kaanduubha kaabha omwiyigisibhwa waani araabha akanyenda anye muno okukira kutyo keenda esemwene, nyiramwene, omugasi waaye na abhaana bhaaye, abhamura bhaabho na abhayara bhaabho, na asige okwiyenda omwene.

Ruuka 5:11

Mbe, Simooni na abheejaabho nibhasubhya amaato ku‑ngego, nibhasiga ebhiinu bhyebhwe bhyone, nibhamuruubha.

Ruuka 6:22

Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.

Yowana 15:19

Araabha mukabheeye muri bhaanu bha ku‑chaaro kunu, abheene bhaakabheendaga rwa kutyo abheenda abhaanu bheende‑ko. Nawe emwe mutari bhaanu bha ku‑chaaro kunu, kwa okubha nibhasorere okusooka ku‑chaaro kunu. Eyo niyo isonga inu eyikora abhaanu bha ku‑chaaro kunu nibhabhasoka.

Yowana 4:36

Omugesi kaabhona omuyeero gwaye, na kaakumanya ebhigeswa inguru ya obhuwanga bhwa akajaanende koone, korereki omubhibhi na omugesi, bhakonderwe aamwi bhoone.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

1 Bakorinto 2:9

Nawe jiri rwa kutyo jikaamirwe mu‑Bhikaame Ebhyeru ati, “Atari‑wo omuunu unu areraabhire okujirora noorwo okujuungwa, atari‑wo omuunu unu areraabhire okujituura mu‑mwoyo gwaye, emisango jinu Nyamuwanga ꞉eeraabhiiye bhanu abhamwenda.”

2 Bakorinto 5:16

Kurwa ejo okwambira woori, chitakwiganirisya rindi obhurambu bhwa omuunu woonewoone ku‑njira ya echinyamuunu. Noorwo kutyo omwanya omurebhe chaariga nichiiganirisya Kirisito ku‑njira eyo, nawe woori chitakukora kutyo rindi.

Bafilipi 3:8

Noorwo jitari ejo era, tari enibhara emisango joone ati ni kufwirwa‑mo ukeenganyirisya na omuriiro gwa okusombookerwa Kirisito Yeesu Raatabhugenyi waani. Inguru ya omwene, naasiga kata emisango joone. Enijirora rwa amafwi, korereki nisombookerwe Kirisito kisi,

1 Petero 4:14

Araabha mukafumwa ku‑songa ya risiina rya Kirisito, mumenye ati muyaaywe amabhando. Omusango ogwo, ogweresya ati Mwoyo wa Nyamuwanga owa rikusyo ari aamwi na emwe.

3 Yoana 1:7

Bhasakire, kwa okubha ꞉bhaambire orugendo orwa okuraasya Yeesu Kirisito, bhatabhwene obhusakisi bhwonebhwone okusooka ku‑bhaanu bhanu bhatari bheekirisya.