Matayo 18:8 - Indagano Inyaaya mu-Chijita

⁸ Araabha okubhoko kwawo amwi okuguru kwawo nikwo okukureterera okukora ebhibhiibhi, kuteme‑ko na okukwesa kura. Ni akiri wingire mu‑bhuwanga bhwa akajaanende koone utari‑ko okubhoko okumwi amwi utari‑ko okuguru okumwi, okukira okubha na amabhoko goone gabhiri amwi amaguru goone gabhiri, nawe nuweeswa mu‑muriro gwa akajaanende koone.

INDAGANO INYA:YA

⁸ Okuboko kwao amwi okuguru kwao kukakuyabya, ukutemeko ukwese kura. Ni kwa bwana wingire mu buanga utariko kuboko amwi kuguru, kukira okweswa mu muriro gunu gutakusima uri na maboko go:ne amwi maguru go:ne.

Matayo 18:8 ပူးပေါင်းရင်းမြစ်များ

Matayo 17:27

Nawe chaasiga okufuruurusya abhaanu bhanu, genda ku‑nyanja weese rirobho mu‑manji. Iiswi inu uritangata okukoma, uyaasamye omunwa gwayo, owuja okusongʼana‑mo ipirya. Ugege ipirya eyo, ugende untobhere rigooti utobhe na eryawo.”

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Ruuka 14:33

“Nyabhuriko kw‑imwe wone, omuunu unu atakutura okusiga ebhiinu bhyone bhinu ari nabhyo, atakutura okubha omwiyigisibhwa waani.

Ruuka 16:24

Omuniibhi ˆnaamura obhuraka ˆnaabhirikira ati, ‘Raata Bhurayimu, nuunfwire echigongo! Eninyaaka muno mu‑muriro munu! Nuutume Rajaaro aaje anu, eene isonde ya echaara chaaye mu‑manji, atonyisye ritone rya amanji ago ku‑rurimi rwani arunyirisye.’

Barumi 13:12

Woori, obhwire bhwaja okucha, mu‑mwisi yaafogera. Kurwa ejo, chisige ebhikorwa ebhibhiibhi bhinu ebhikorwa mu‑chisuute, na chigege ebhigwato bhya obhweru.

Obhusweruro 14:10

omuunu oyo wone arinywa echifuufu. Eryo niryo risungu rya Nyamuwanga, ni ruru kabhukabhu rwa obhwarwa bhunu bhutasasiibhwe‑mo amanji. Nyamuwanga omwene ariisuka mu‑mutawo gwaye gwa risungu, na okuyaana omuunu oyo korereki anywe. Omuunu oyo arinyaaka, mu‑muriro omururu gwa emisimu ja echibhiriiti gunu ogwaka, imbere ya bhamaraayika abheeru na imbere ya Omwana wa Inaama.

Obhusweruro 20:15

Omuunu woonewoone unu risiina ryaye ryariga ritakaamirwe mu‑chitabho cha obhuwanga, oyo wone ꞉eeserwe mu‑nyanja ya omuriro.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”