Matayo 18:5 - Indagano Inyaaya mu-Chijita

⁵ Ka wone, omuunu woonewoone unu kaakuma omwana omutooto rwa unu kw‑isiina ryani, kaabha aankumire.

INDAGANO INYA:YA

⁵ Na unu wo:ne arifugesya Omwana omuto:to rwa unu kafugesya anye.

Matayo 18:5 ပူးပေါင်းရင်းမြစ်များ

Matayo 18:4

Kurwa ejo, omuunu woonewoone unu keekeeya na okubha rwa omwana omurera unu, niwe omukuru mu‑bhukama bhwa mu‑rwire.

Matayo 18:6

“Nawe unu ariyabhya owumwi ku‑bhatooto bhanu abhanyikirisya, ˆnaareterera akore ebhibhiibhi, jikabheeye kisi omuunu oyo abhoyerwe mu‑bhicha orubhuyi runene rwa okuseera‑ko na okweswa ebhusibha mu‑nyanja.

Matayo 25:40

Niwo anye Omukama, niribhasubhya ati, ‘Ni chimari enibhabhwira ati, choonechoone chinu ꞉mwakoreeye woonewoone mu‑bharuubhirisya bhaani unu kaabhonekana wuti atari wa obhusibhusi, mbe ꞉mwakoreeye anye.’

Matayo 25:45

Niwo anye niribhasubhya ati, ‘Ni chimari enibhabhwira ati, choonechoone chinu ꞉mutaakoreeye woonewoone mu‑bharuubhirisya bhaani unu kaabhonekana wuti atari wa bhusibhusi, mbe ꞉mwaremere okukorera anye.’

Matayo 7:8

Omuunu woonewoone unu kaasabhwa, kaja okuyaanwa. Omuunu woonewoone unu kaayenja, kaja okubhona, na omuunu woonewoone unu keebhuura, kaja okwigurirwa.

Mariko 9:37

“Omuunu woonewoone unu kaakuma omwana rwa unu kw‑isiina ryani, kaabha aankumire. Ka wone, omuunu unu kaankuma, kaabha atakumire anye era, tari kaabha akumire Nyamuwanga unu ꞉aantumire.”

Mariko 9:41

Omuunu woonewoone unu aribhayaana omutawo gwa amanji ga okunywa isonga iri ati emwe muri bhaanu bha Kirisito, ni chimari enibhabhwira ati, Nyamuwanga atarisiga okuyaana omuunu oyo echiyaanwa chaaye.”

Ruuka 9:48

ˆnaabhabhwira ati, “Omuunu unu kaakuma omwana omutooto rwa unu kw‑isiina ryani, kaabha aankumire anye. Ka omuunu woonewoone unu kaankuma anye, kaabha akumire unu ꞉aantumire. Okubha omutooto mw‑imwe bhoone, oyo niwe omukuru okukira bhoone.”

Yowana 13:20

Ni chimari enibhabhwira ati, omuunu woonewoone unu kaakuma unu anye nitumire, kaankuma anye. Nyabhuriko, unu kaankuma anye, kaakuma unu ꞉aantumire.”

Bagalatia 4:14

Noorwo kutyo ꞉mwaregeejerwe okungaya na okundema ku‑songa ya obhurwaye bhwani, ꞉mutaakorere kutyo. Nawe omusango gunu ꞉mwakorere ni kunnyikirisya rwa kutyo mukeekirisiisye maraayika wa Nyamuwanga, amwi okwikirisya Kirisito Yeesu omwene.