Matayo 18:10 - Indagano Inyaaya mu-Chijita

¹⁰ Yeesu ˆnaagenderera okubhabhwira ati, “Mukabhuke, mwasiga okugaya owumwi ku‑bhatooto bhanu! Enibhabhwira kutyo, kwa okubha bhamaraayika bheebhwe mu‑rwire eyo, siku joone bhari imbere ya Raata waani wa mu‑rwire. [

INDAGANO INYA:YA

¹⁰ Mukabuke mutagayaga oumwi kwabo abato:to, okuba enibabwira ati, Mu rwire bamaraika bebwe abarore:rera obusu bwa Rata wa mu rwire ku:siku.

Matayo 18:10 ပူးပေါင်းရင်းမြစ်များ

Matayo 1:20

Jejefu ejire eeganirisya kutyo, awoawo maraayika wa Raatabhugenyi ˆnaamusoromokera mu‑chirooto. Maraayika oyo, ˆnaamubhwira ati, “Jejefu, omwana wa Dawudi, waasiga okuubhaya okutwara Maryamu, kwa okubha inda yaaye ayibhwene ku‑bhuturo bhwa Mwoyo Mweru.

Matayo 12:20

Atarifuna woonewoone unu ataamiibhwe rwa orufunjo runu rwikotere, noorwo atarisingaarisya woonewoone unu ari yeeyi okufwa rwa orutambi runu orwituuta ingesi, okukingira omwanya gunu arireeta obhuchungusi, okuyiga ebhibhiibhi bhyone.

Matayo 18:14

“Nikwo kutyo wone, Esomwana wa mu‑rwire, atakwenda noorwo umwi ku‑bhatooto abho asingaarike.

Matayo 18:6

“Nawe unu ariyabhya owumwi ku‑bhatooto bhanu abhanyikirisya, ˆnaareterera akore ebhibhiibhi, jikabheeye kisi omuunu oyo abhoyerwe mu‑bhicha orubhuyi runene rwa okuseera‑ko na okweswa ebhusibha mu‑nyanja.

Matayo 2:13

Abhasombookerwa bha jinjota abho bhejire bhaasooka awo, awoawo maraayika wa Raatabhugenyi ˆnaasoromokera Jejefu mu‑chirooto, ˆnaamubhwira ati, “Iimuka! Gega omwana na nyiramwene, mwirukire mu‑chaaro cha Miisiri. Mubhe eyo, okukingira omwanya gunu niribhabhwira ati musubhe, kwa okubha Yeroode kaja okuyenja omwana oyo, korereki amwite.”

Matayo 2:19

Yeroode ejire aafwa, maraayika wa Raatabhugenyi, ˆnaasoromokera Jejefu mu‑chirooto Miisiri eyo,

Matayo 24:31

Niwo nirituma bhamaraayika bhaani. Bharibhuma muno rinyawegoona, korereki bhakumanye abhasorwa bhoone bha Nyamuwanga okusooka mbaara joone ena ja echaaro. Abhasorwa abho, bhariija okusooka ku‑bhuteero bhwa echaaro okukingira ku‑bhuteero bhwa orubhaara orundi rwa echaaro.”

Ruuka 1:19

Maraayika oyo ˆnaamusubhya ati, “Anye, naanye Gaabhuryeri, unu enimereeguru imbere ya Nyamuwanga. Nyamuwanga aantuma kw‑awe, korereki niije okukubhwira emisango ja ekisi jinu.

Ruuka 10:16

Niwo, Yeesu ˆnaabhabhwira abharuubhirisya bharya ati, “Omuunu unu kaabhategeresya emwe, kaategeresya anye. Omuunu unu kaabharema emwe, noorwo anye wone kaandema. Omuunu unu kaandema anye, kaarema noorwo unu ꞉aantumire.”

Ruuka 16:22

“Ejire eeya, Rajaaro omutaka aafwa, bhamaraayika nibhamugega nibhamusira mu‑rwire, ayeeyi na Bhurayimu. Omuniibhi urya wone ˆnaafwa, ˆnaasiikwa.

Ebikorwa 10:3

Rusuku rumwi wuti saa etaanu na ena mu‑mwisi, Koroneeriyo ˆnaarora ebhiroro. Mu‑bhiroro ebhyo, ꞉aarorere abhwerubhweru maraayika wa Nyamuwanga ˆnaamusoromokera. Maraayika oyo ˆnaamubhirikira ati, “Koroneeriyo!”

Ebikorwa 12:15

Abheene nibhamubhwira ati, “Awe! Urwaye orusaro?” Nawe omuyarakaji oyo ˆnaakomeeresya okwayika ati, bhunu ˆnoongwa ni bhuraka bhwa Peetero, niwo nibhamubhwira ati, “Ni bhusibhusi oyo ni maraayika waaye.”

Ebikorwa 12:23

Yeroode ꞉ataayaaye Nyamuwanga echibharo, kurwa ejo awoawo maraayika wa Raatabhugenyi ˆnaamubhuma kwa obhurwaye bhwa okutimbwa na jimuka, ˆnaafwa.

Ebikorwa 27:23

Okubha anye niri muunu wa Nyamuwanga ka niwe eniramya. Reero mu‑ngeta maraayika waaye aansoromokera, ˆneemereeguru ayeeyi na anye,

Ebikorwa 5:19

Nawe mu‑ngeta irya maraayika umwi wa Raatabhugenyi ˆnaaja, ˆneegura jinjigi ja ribhoyero eryo, ˆnaabhawurusya anja. ˆNaamara ˆnaabhabhwira ati,

Barumi 14:10

Woori, awe naawe ga unu owuramura omwikirisya oweejaanyu? Awe wone, kurwa ki owugaya oweejaanyu? Eswe bhoone chiriimereeguru imbere ya echitebhe cha indamu cha Nyamuwanga, na ariramura bhuri umwi weeswe.

Barumi 14:21

Ni akiri usige okurya inyama, amwi okunywa echifuufu, amwi okukora choonechoone chinu echitura okuyabhya oweejaanyu kutyo.

Barumi 15:1

Mbe, eswe bhanu chirumateene mu‑riikirisya, chikenerwe chiigumiirisye abheejaasu bhanu bhachaari kurumatana mu‑riikirisya. Chibhasakire mu‑bhujorobhoke bhwebhwe, na chisige okukora emisango jinu ejichikondisya eswe era.

1 Bakorinto 11:22

Woori, mutari na jinju munu omutura okuriira na okunywera? Kurwa ki omugaya rikanisa rya Nyamuwanga na okuswasya bhanu bhatari na echiinu? Nibhabhwire ki? Nibhakuuye? Wuri! Nitakubhakuuya wuri inguru ya emisango ejo.

1 Bakorinto 16:11

Omuunu woonewoone aasiga okumugaya. Tari mumusakire asooke eyo kwa omurembe, korereki asubhe kw‑anye, okubha anye enimurindirira aamwi na abheekirisya abheejaasu.

1 Bakorinto 9:22

Ku‑bhanu bhari bhajorobhoke, naariga niri mujorobhoke, korereki nibhasakire bheekirisye Kirisito. ꞉Naakorere joone ku‑bhaanu bhoone, korereki ku‑njira yooneyoone irya nichungure‑ko abhaanu abharebhe ku‑bheene.

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

2 Bakorinto 10:10

Enaayika kutyo, kwa okubha abhandi abhaayika ati, “Jinyarubha ja Pawuro, jiri na emisango emikomeeye, ka wone ni misango emiruru. Nawe omwanya gunu kaabha ari aamwi na eswe, kaabha atari na amanaga, ka wone emisango jaaye, ejibha jitari na obhugajuro.”

Bagalatia 6:1

Abhayiri bhaani mu‑riikirisya, araabha mukamenya ati oweejaanyu aakora echibhiibhi, emwe bhanu omutangasibhwa na Mwoyo Mweru, mumusubhye ku‑tungwa ja ekisi. Mukore kutyo mu‑mwoyo gwa obhworooro. Nawe mwiyangarire, mwasiga okusakwa na okubha na jitungwa rwa jaaye.

1 Batesalonika 4:8

Omuunu woonewoone unu kaarema ameeyigisyo ago, atakurema omuunu, nawe, kaarema Nyamuwanga unu kaachiyaana Mwoyo Mweru waaye.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Baeburania 9:24

Kirisito ꞉ateengiiye Ayeeru a Ayeeru anu oombakirwe na omuunu. Orubhaara orwo ni chijekekanyo cha orubhaara rwa echimari runu ruri mu‑rwire. Tari omwene ꞉eengiiye mu‑rwire orwene. Eyo niyo kaachisabhirwa woori imbere ya Nyamuwanga.

Obhusweruro 8:2

Nejire neeya, nindora bhamaraayika bhataanu na bhabhiri bhanu abheemereeguruga imbere ya Nyamuwanga na bhuri umwi weebhwe ˆnaayaanwa ingʼombi.