Matayo 17:3 - Indagano Inyaaya mu-Chijita

³ Awoawo, abharagi Muusa na Yeeriya, nibhabhasoromokera, nibhasimuraga na Yeesu.

INDAGANO INYA:YA

³ Mbe Musa na Eliya nibababonekera niba:ikana nage.

Matayo 17:3 ပူးပေါင်းရင်းမြစ်များ

Matayo 17:2

Omwanya gunu bhaariga bharya‑wo, Yeesu ˆnaayinduka orususo rwaye imbere yeebhwe. Obhusu bhwaye nibhungʼarabhya rwa risuubha kutyo eriseekaana na emyenda jaaye nijingʼarabhya muno rwa omuumwi.

Matayo 17:4

Niwo Peetero ˆnaabhwira Yeesu ati, “Raatabhugenyi, ni kisi eswe okubha anu. Ukeekirisya, enija okuumbaka ebhiwuuna bhisatu. Echimwi chibhe chaawo, echindi chibhe cha Muusa na echindi chibhe cha Yeeriya.”

Mariko 9:4

Yeeriya na Muusa, abharagi bha kara, nibhabhasoromokera, nibhasimuraga na Yeesu.

Ruuka 1:17

Aritangata imbere ya Raatabhugenyi, aritangasibhwa na obhuturo bhwa omwoyo rwa ogwa omuragi Yeeriya. Arikora abhaana na bheesemwene bhoongwane, arikora bhanyatagayuka bhabhe na obhwiganirisya bhwa obhurengeresi na kwa okukora kutyo keeraabhira Raatabhugenyi abhaanu bhaaye.”

Ruuka 16:16

“Ebhiraagiro bhya Muusa na ebhikaame bhya abharagi, bhyariga nibhigayukwa na abhaanu okukingira omwanya gwa Yowana Omubhatiija. Okusookerera omwanya ogwo, Emisango ja Ekisi inguru ya obhukama bhwa Nyamuwanga, jaariga nijiraasibhwa, na abhaanu bhoone abhakomeeresibhwaga okujigayuka.

Ruuka 24:27

Niwo, Yeesu ˆnaabhatondera emisango joone jinu jikaamirwe inguru yaaye, okwambira mu‑bhikaame bhya Muusa okukingira mu‑bhikaame bhya abharagi bhoone.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Ruuka 9:33

Omwanya gunu Muusa na Yeeriya bhaariga nibhagenda, Peetero ˆnaabhwira Yeesu ati, “Mwami weeswe! Ni kisi eswe okubha anu. Chuumbake ebhiwuuna bhisatu, echimwi chibhe chaawo, echindi chibhe cha Muusa, na echindi chibhe cha Yeeriya.” Nawe, Peetero ꞉aayikire jinu aariga atakumenya.

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.