Matayo 17:27 - Indagano Inyaaya mu-Chijita

²⁷ Nawe chaasiga okufuruurusya abhaanu bhanu, genda ku‑nyanja weese rirobho mu‑manji. Iiswi inu uritangata okukoma, uyaasamye omunwa gwayo, owuja okusongʼana‑mo ipirya. Ugege ipirya eyo, ugende untobhere rigooti utobhe na eryawo.”

INDAGANO INYA:YA

²⁷ Nawe cisige kube:ku:jusya, genda ku mwaro we:se rirobo, jeugege iswi inu iratangata okwikoma. Uka:samya omunwa gwayo, oujo:bonamo syekeri ujo:igege ubayane icimare anye na:we.

Matayo 17:27 ပူးပေါင်းရင်းမြစ်များ

Matayo 17:26

Peetero ˆnaamusubhya ati, “Abhatobhesya ku‑bhandi.” Yeesu ˆnaamubhwira ati, “Araabha nikwo kutyo, mbe abhaana bheebhwe bhafwiriiywe echigongo okutobha rigooti.

Matayo 18:6

“Nawe unu ariyabhya owumwi ku‑bhatooto bhanu abhanyikirisya, ˆnaareterera akore ebhibhiibhi, jikabheeye kisi omuunu oyo abhoyerwe mu‑bhicha orubhuyi runene rwa okuseera‑ko na okweswa ebhusibha mu‑nyanja.

Matayo 18:8

Araabha okubhoko kwawo amwi okuguru kwawo nikwo okukureterera okukora ebhibhiibhi, kuteme‑ko na okukwesa kura. Ni akiri wingire mu‑bhuwanga bhwa akajaanende koone utari‑ko okubhoko okumwi amwi utari‑ko okuguru okumwi, okukira okubha na amabhoko goone gabhiri amwi amaguru goone gabhiri, nawe nuweeswa mu‑muriro gwa akajaanende koone.

Matayo 5:29

Mbe, araabha eriiso ryawo rya ebhuryo rikakureterera okukora echibhiibhi, nuuriiye‑mo na okuryesa kura. Ni akiri kusingaarisya echiwuga chimwi woori, okukira omubhiri gwawo gwone okweswa mu‑muriro gwa akajaanende koone.

Matayo 5:30

Ka wone, araabha okubhoko kwawo kwa ebhuryo kukakureterera okukora echibhiibhi, kuteme‑ko na okukwesa kura. Ni akiri kusingaarisya echiwuga chimwi woori, okukira omubhiri gwawo gwone okusingaarisibhwa mu‑muriro gwa akajaanende koone.

Mariko 9:42

Yeesu ˆnaagenderera okwayika ati, “Unu ariyabhya owumwi wa abhatooto bhanu abhanyikirisya, ˆnaareterera akore ebhibhiibhi, jikabheeye ja kisi omuunu oyo abhoyerwe mu‑bhicha orubhuyi runene rwa okuseera‑ko na okweswa mu‑nyanja.

Mariko 9:43

Ka wone, araabha okubhoko kwawo nikwo okukureterera okukora ebhibhiibhi, kuteme‑ko. Ni akiri wingire mu‑bhuwanga bhwa akajaanende koone utari‑ko okubhoko okumwi, okukira okubha na amabhoko goone gabhiri na okugenda mu‑muriro gwa akajaanende koone. [

Ruuka 17:2

Jikabheeye ja kisi muno omuunu oyo abhoyerwe mu‑bhicha orubhuyi runene rwa okuseera‑ko, na okweswa mu‑nyanja, okukira okureterera owumwi wa abhatooto bhanu abhanduubha akore echibhiibhi!

Yowana 6:61

Yeesu ꞉aasombookeeywe mu‑mutima gwaye ati, abheeyigisibhwa bhaaye abhatongʼana inguru ya emisango jinu aariga aayikire, kurwa ejo ˆnaabhabhuusya ati, “Angu, omusango ogwo gwabhafuruurusya?

Barumi 14:21

Ni akiri usige okurya inyama, amwi okunywa echifuufu, amwi okukora choonechoone chinu echitura okuyabhya oweejaanyu kutyo.

1 Bakorinto 8:13

Kurwa ejo, araabha ebhiryo bhinu enirya, ebhiyabhya omwikirisya oweejaasu, nitarirya rindi inyama noorwo na akatyari, korereki naasiga okureterera omwikirisya oweejaasu akore echibhiibhi.

1 Bakorinto 8:9

Nawe mwiyangarire kisi, obhwitaage bhwemwe bhwasiga okukora mubhe echiikuujuro ku‑bhanu bhachaari okurumatana mu‑riikirisya.

2 Bakorinto 6:3

Chitakukorera omuunu woonewoone omusango gwonegwone gunu ogumureterera okwikuujura, korereki obhukosi bhweswe bhwasiga okwayikwa kubhiibhi.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

1 Batesalonika 5:22

ka mwikenge obhubhiibhi bhwone bhwa bhuri mbaga.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?