Matayo 17:18 - Indagano Inyaaya mu-Chijita

¹⁸ Bhejire bhaamukingya, Yeesu ˆnaagonya risambwa rinu ryariga riri mu‑mubhiri gwaye, nirisooka‑mo. Awoawo, omwana oyo ˆnaawora.

INDAGANO INYA:YA

¹⁸ Yesu nagonya omusambwa, nigumuso:kamo, omumura oyo naora mu mwanya ogwo.

Matayo 17:18 ပူးပေါင်းရင်းမြစ်များ

Matayo 12:22

Mbe, abhaanu nibhareetera Yeesu omuunu unu aariga awungirwe risambwa. Omuunu oyo aariga ari muwofu, ka wone ari omujibhi. Yeesu ˆnaamuwosya, ˆnaamba okwayika na okurora rindi.

Matayo 15:28

Yeesu ˆnaamusubhya ati, “Maayi, uri na eriikirisya enene! Nyamuwanga akukorere rwa kutyo oweenda.” Awoawo, omuyaasya waaye ˆnaawora.

Matayo 17:17

Yeesu ˆnaayika ati, “Emwe muri bhaanu bha riyimbo rinu ritari na eriikirisya na rinu rinyamukire! Niribha na emwe okukingira rusuku ri? Niribheegumiirisya okukingira omwanya ki? Mureete omwana oyo anu!”

Matayo 17:19

Nibheeya abheeyigisibhwa bha Yeesu nibhamujaa‑ko bhwitebhe, nibhamubhuusya ati, “Kurwa ki eswe, ꞉chaataamiibhwe okusoosya‑ko risambwa rirya?”

Matayo 9:22

Ejire aayikuunʼya‑ko, awoawo Yeesu ˆneekebhuukira inyuma. Ejire aarora omugasi oyo, ˆnaamubhwira ati, “Muyaasya waani, siiriika! Waawosibhwa ku‑songa ya eriikirisya ryawo!” Awoawo, omugasi oyo ˆnaawora.

Mariko 1:34

Yeesu ˆnaawosya abhaanu bhaafu bhanu bhaariga bhari na amarwara ga bhuri mbaga. Ka wone, ˆnaabhasoosya‑ko amasambwa maafu, nawe ꞉ateekirisisiisye amasambwa gaayike, kwa okubha gaariga gamumenyere ati ni Mwana wa Nyamuwanga.

Mariko 5:8

꞉Aayikire kutyo kwa okubha Yeesu aariga aribhwiriiye ati, “Awe risambwa, sooka mu‑muunu unu!”

Ruuka 4:41

Aamwi na ejo, Yeesu ꞉aasoosiisye amasambwa okusooka mu‑bhaanu bhaafu muno, nigamwaya nigaayikaga ati, “Awe uri Mwana wa Nyamuwanga!” Nawe Yeesu ˆnaagagonya na ꞉ataagekirisisiisye okugenderera okwayika kutyo rindi, kwa okubha gaariga gamenyere ati, Yeesu niwe Kirisito.

Ruuka 9:42

Omwanya gunu omwana oyo aagendaga ku‑Yeesu, awoawo risambwa eryo ˆnirimugwisya aasi, ˆnirimureterera okugwa echitwe. Nawe Yeesu ˆnaarigonya, ˆnaawosya omwana oyo, ˆnaamusubhya kw‑isemwene.

Ebikorwa 16:18

ˆNaakora kutyo bhuri rusuku, okukingira Pawuro ˆnaabhiyirwa muno. Ku‑bhuteero, ˆnaaringira omugayagasi oyo, ˆnaagonya risambwa rinu ryariga rimuri‑ko ati, “Enikugonya kw‑isiina rya Yeesu Kirisito, sooka ku‑muyarakaji unu!” Awoawo risambwa eryo nirimusooka‑ko.